(1) Ҳаа. Мийм.
(2) Очиқ Китобга қасам.
(3) Албатта, Биз уни муборак кечада нозил қилдик. Албатта, Биз огоҳлантиргувчи бўлдик.
(4) Унда ҳар бир пухта иш ажрим қилинур.
(5) Бизнинг ҳузуримиздан бўлган ишни. Албатта Биз пайғамбарлар юборгувчи бўлдик.
(6) Парвардигорингиз тарафидан бўлган раҳматдир. Албатта У Эшитгувчи, Билгувчидир.
(7) Осмонлару ернинг ва улар орасидаги нарсаларнинг Парвардигоридир. Агар аниқ ишонгувчи бўлсангизлар.
(8) Ундан ўзга илоҳ йўқ. Жон беради, жон олади. Сизларнинг Парвардигорингиз. Олдинги ота-боболарингизнинг Парвардигори.
(9) Йўқ, улар шак-шубҳага бориб, ўйинқароқлик қиляптилар.
(10) Бас, сиз само бир очиқ тутунни олиб келадиган кунни кутинг.
(11) Одамларни қамраб олур. Бу аламли азобдир.
(12) Парвардигоро, биздан бу азобни даф қил. Албатта биз иймон келтиргувчилармиз.
(13) Энди уларга қаёқдан ҳам эслатма бўлсин? Ҳолбуки, уларга очиқ пайғамбар келганди.
(14) Кейин ундан юз ўгирдилар ва "ўргатилган мажнун", дедилар.
(15) Албатта Биз азобни бироз аритгувчимиз. Албатта сизлар қайтгувчисизлар.
(16) Биз катта ушлаш билан ушлайдиган кунда. Албатта Биз қасос олгувчидирмиз.
(17) Улардан олдин Фиръавн қавмини ҳам синаганмиз. Уларга улуғ пайғамбар келганди.
(18) "Сизлар Аллоҳнинг бандаларини менга қўйиб беринглар. Албатта мен сизларга ишончли пайғамбарман".
(19) Аллоҳга такаббурлик қилманглар. Албатта мен сизларга очиқ ҳужжат келтирурман.
(20) Албатта мен ўзимнинг Парвардигоримдан ва сизларнинг Парвардигорингиздан мени тошбўрон қилишингиздан паноҳ сўрайман.
(21) Менга иймон келтирмасангизлар, бас, мендан четланинглар.
(22) Бас, Парвардигорига "Улар аниқ жиноятчи қавмдир", дея дуо қилди.
(23) Бас, бандаларим билан кечаси йўлга чиқ. Албатта сизлар изингиздан қувилурсизлар.
(24) Денгизни сокин ҳолига қўявер. Улар аниқ ғарқ бўладиган қўшиндир.
(25) Қанча боғлару булоқларни қолдириб келдилар.
(26) Экинзорлару сўлим масканларни.
(27) Ўзлари вақтичоғлик қилиб юрган неъматларни.
(28) Биз уларни бошқа қавмга мана шундай мерос қилиб қолдирдик.
(29) Бас, уларга само ҳам, замин ҳам йиғламади ва улар муҳлат берилувчилардан бўлмадилар.
(30) Дарҳақиқат, Биз Бани Исроилга хор қилгувчи азобдан нажот бердик.
(31) Фиръавндан. Дарҳақиқат, у каттазанг ва тажовузкорлардан эди.
(32) Биз уларни билган ҳолимизда оламлар ичидан танлаб олдик.
(33) Уларга оятлардан шундайларини бердикки, уларда очиқ синов бордир.
(34) Албатта анавилар дейдиларки
(35) Дастлабки ўлимимиздан бошқа нарса йўқ ва бизлар қайта тирилгувчи эмасмиз.
(36) Агар сизлар ростгўй бўлсангизлар, ота-боболаримизни келтиринглар.
(37) Улар яхшироқми ёки Туббаъ қавми ва улардан олдин ўтганларми? Уларни ҳалок қилгандик. Дарҳақиқат, улар жиноятчи эдилар.
(38) Осмонлару ерни ва улар орасидаги нарсаларни беҳудага яратмадик.
(39) Уларни фақат ҳақ билан яратдик. Лекин уларнинг кўплари билмайдилар.
(40) Ажратиш куни ҳаммаларининг белгиланган вақтидир.
(41) У кунда дўст дўстга бирон нарсада асқотмайди ва уларга ёрдам ҳам берилмайди.
(42) Аллоҳ раҳм қилган кимсаларгина бундан мустасно. Албатта У Азиз ва Меҳрибон Зотдир.
(43) Албатта, Заққум дарахти
(44) Гуноҳкорнинг таомидир.
(45) У худди эритилган ёғдек қоринларда қайнайди.
(46) Қайноқ сувнинг қайнаши каби.
(47) Уни ушланглар ва дўзахнинг ўртасига судраб боринглар.
(48) Кейин боши устидан қайноқ сув азобидан қуйинглар.
(49) Энди татиб кўр. Азиз ва улуғ зот сен эдинг.
(50) Шубҳага бориб юрган нарсангиз мана шудир.
(51) Албатта тақводорлар тинч жойдадирлар.
(52) Боғларда, булоқларда.
(53) Шойи ипаклардан кийиб, бир-бирларига қараб.
(54) Шунингдек, уларни оҳукўз ҳурларга уйлантирдик.
(55) У ерда хотиржамлик билан барча меваларни чақираверадилар.
(56) У ерда биринчи ўлимдан бошқа ўлим таъмини татимайдилар. Уларни дўзах азобидан асраган.
(57) Парвардигорингиз тарафидан бўлган фазл. Мана шу буюк муваффақиятдир.
(58) Бас, уни сизнинг тилингизга енгил қилиб қўйдик. Шоядки, эслатма-ибрат олсалар.
(59) Сиз ҳам кутинг. Улар ҳам кутиб тургувчилардир.