(1) Ботаётган юлдузга қасам.
(2) Соҳибингиз адашмади, йўлдан ҳам озмади.
(3) Ҳаводан гапирмайди.
(4) У ваҳий қилинган ваҳийдан бошқа нарса эмас.
(5) Буни унга бир ўта кучли зот ўргатган.
(6) Қудрат эгаси. Бас, тик турди.
(7) Ҳолбуки, у буюк уфқда эди.
(8) Кейин яқинлашиб, пастлади.
(9) Бас, икки камон оралиғида ё янада яқинроқ бўлди.
(10) Унинг бандасига ваҳий қилинган нарсани олиб келди.
(11) Қалби кўрган нарсасини ёлғон демади.
(12) У билан у кўрган нарса ҳақида тортишасизларми?
(13) Дарҳақиқат, уни иккинчи марта кўрди.
(14) Энг четдаги Нилуфар ёнида.
(15) Жаннати маъво унинг ёнидадир.
(16) Ўшанда Нилуфарни ўраган нарса ўраб олганди.
(17) Кўзи оғмади. Ҳаддидан ҳам ошмади.
(18) Дарҳақиқат, у Парвардигорининг буюк оятларидан айримларини кўрди.
(19) Лот ва Уззо ҳақида ўйлаб кўрдингларми?
(20) Бошқа учинчиси Манот ҳақида?
(21) Сизларга эркагу У Зотга аёлми?
(22) У ҳолда бу адолатсиз тақсим-ку?!
(23) Улар ўзларингиз ва ота-боболарингиз қўйиб олган номлар, холос. Аллоҳ улар ҳақида бирон ҳужжат нозил қилмаган. Улар фақат гумонга ва ҳавойи нафсларигагина эргашмоқдалар. Ҳолбуки, уларга Парвардигорлари тарафидан ҳидоят келиб турибди-ку!
(24) Ёки инсон учун ўзи орзу қилган нарса бўлаверадими?
(25) Бас, охират ҳам, дунё ҳам ёлғиз Аллоҳникидир.
(26) Самоларда қанча фаришталар борки, уларнинг шафоатлари бирон фойда бермайди. Аллоҳ Ўзи истаган ва рози бўлган кимсаларга изн бергани бундан мустасно.
(27) Охиратга иймон келтирмаганлар фаришталарни аёллар номланишидек номлайдилар.
(28) Уларда бу ҳақда ҳеч қандай илм йўқ. Улар фақат гумонга эргашадилар. Гумон эса ҳақдан бирон нарсанинг ўрнини боса олмайди.
(29) Бизни эслашдан бош тортиб, фақат дунё ҳаётинигина истайдиган кимсадан юз ўгиринг.
(30) Уларнинг илмдан етиб борган жойлари мана шу. Албатта Парвардигорингиз Ўзининг йўлидан адашиб кетган кимсани яхши билгувчидир. У Зот ҳидоят топган кимсани ҳам яхши билгувчидир.
(31) Самолардаги нарсалар ҳам, заминдаги нарсалар ҳам Аллоҳникидир. У Зот ёмонлик қилганларнинг жазосини бергай, яхшилик қилганларнинг эса мукофотини бергай.
(32) Улар шундай зотларки, катта гуноҳлардан ва бузуқликлардан четланадилар. Кичик хатолар бундан мустасно. Албатта Парвардигорингиз мағфирати кенг Зотдир. У Зот сизларни яхшироқ билгувчидир. Сизларни ердан пайдо қилган пайтида ҳам. Сизлар оналарингизнинг қорнида ҳомила бўлиб турганингизда ҳам. Шундай экан, ўзларингизни оқламай қўя қолинглар. У Зот ким тақво қилганини жуда яхши билгувчидир.
(33) Юз ўгирган кимсани кўрдингизми?
(34) У озгина берди ва тўхтади.
(35) Ғайб илми унинг ҳузурида бўлиб, кўриб турган эканми?
(36) Ёки Мусонинг саҳифаларидаги нарсалар ҳақида унга хабар берилмаганми?
(37) Ва вафо қилган Иброҳимнинг?
(38) Ҳеч бир кўтарувчи бошқанинг юкини кўтармас.
(39) Инсон учун ўзи ҳаракат қилганидан бошқа нарса бўлмайди.
(40) Унинг ҳаракати яқинда кўрилади.
(41) Кейин жазо ёки мукофоти тўла берилади.
(42) Дарҳақиқат, интиҳо жойи Парвардигорингизгадир.
(43) Албатта кулдирадиган ҳам, йиғлатадиган ҳам Унинг Ўзидир.
(44) Ўлдирадиган ҳам, тирилтирадиган ҳам Унинг Ўзидир.
(45) Дарҳақиқат, У Зот жуфтликни - эркак ва аёлни яратди.
(46) Отилиб чиққан нутфадан.
(47) Кейинги пайдо қилиш ҳам Унинг зиммасидадир.
(48) Албатта беҳожат қилган ҳам, бадавлат қилган ҳам Унинг Ўзидир.
(49) Шеъронинг Парвардигори ҳам Унинг Ўзидир.
(50) Албатта у дастлабки Одни ҳалок этди.
(51) Самудни ҳам қолдирмади.
(52) Ундан олдин Нуҳ қавмини ҳам. Албатта улар золим ва ҳаддан ошган кимсалар эдилар.
(53) Тўнтарилганни қулатган ҳам.
(54) Бас, уни ўраган нарса ўраб олди.
(55) Бас, Парвардигорингнинг қайси оятларига шак келтирасан?
(56) Бу олдинги огоҳлантирувчилардан бир огоҳлантирувчидир.
(57) Яқинлашувчи яқинлашди.
(58) Уни Аллоҳдан бошқа кашф этгувчи йўқдир.
(59) Мана шу гапдан ажабланасизларми?
(60) Йиғламасдан, куласизларми?
(61) Бепарво бўлиб-а?
(62) Бас, Аллоҳга сажда қилинглар ва ибодат қилинглар.