(1) Соат яқинлашди. Ой бўлинди.
(2) Бирон оятни кўрсалар, юз ўгирадилар ва: "Бу ҳар доимги сеҳр", дейдилар.
(3) Ёлғонга чиқардилар ва ҳавойи нафсларига эргашдилар. Ҳар бир иш ўз жойидадир.
(4) Уларга тийилтириш (белгилари) бор хабарлар ҳам келган.
(5) Етук ҳикмат ҳам. Бас, огоҳлантиришлар фойда бермас.
(6) Бас, улардан юз ўгиринг. Чорлагувчи нотаниш нарсага чорлаган кунда.
(7) Кўзлари қўрқувга тўлиб, бамисоли тарқалиб кетган чигирткалардек қабрлардан чиқиб келадилар.
(8) Чорлагувчи сари шошиб борар эканлар, кофирлар: "Бу оғир кундир", дейдилар.
(9) Улардан олдин Нуҳ қавми ҳам ёлғончи қилган эди. Бандамизни ёлғончи қилиб, мажнун, дедилар ва у тўсиб қўйилди.
(10) Бас, Парвардигорига: "Мен мағлубман, ёрдам бер", деб дуо қилганди.
(11) Бас, само эшикларини шаррос қуйилаётган сув билан очиб юбордик.
(12) Ердан булоқлар чиқардик. Бас, сувлар тақдир қилинган иш устида учрашдилар.
(13) Уни эса тахталари ва михлари бор нарса устига ортдик.
(14) У Бизнинг Кўз ўнгимизда юради. Инкор қилинган киши учун мукофот бўлиб.
(15) Уни бир белги қилиб қолдирдик. Бас, бирон ибрат олгувчи борми?!
(16) Бас, азобим ва огоҳлантиришим қандай бўлди?!
(17) Дарҳақиқат, Қуръонни эслатма олишга қулай қилиб қўйдик. Бас, бирон эслатма олгувчи борми?!
(18) Од ҳам ёлғончига чиқарди. Бас, азобим ва огоҳлантиришим қандай бўлди?!
(19) Дарҳақиқат, Биз мудом машъум бўлиб турган бир кунда улар устига бир даҳшатли бўронни юбордик.
(20) У одамларни илдизи билан қўпориб олинган хурмо таналаридек учириб кетади.
(21) Бас, азобим ва огоҳлантиришим қандай бўлди?!
(22) Дарҳақиқат, Қуръонни эслатма олишга қулай қилиб қўйдик. Бас, бирон эслатма олгувчи борми?!
(23) Самуд огоҳлантиришларни ёлғонга чиқарди.
(24) Дедилар: "Ўзимиздан бўлган биттасига эргашамизми? У ҳолда биз аниқ залолатда ва ҳамоқатда бўлиб қоламиз-ку".
(25) Орамиздан ўшанга эслатма ташланибдими? Балки у мутакаббир каззобдир.
(26) Мутакаббир каззоб кимлигини эртага билиб оладилар.
(27) Дарҳақиқат, Биз уларни синаш учун бир туя юборгувчидирмиз. Бас, сен уларни кузатиб, сабр қилиб тур.
(28) Уларга хабар бергинки, сув уларнинг ўртасида тақсимланиб, ҳар бир ичишга (навбати келган) ҳозир бўлар.
(29) Ўзларининг бир шерикларини чақирдилар. Бас, уни ушлаб сўйиб юборди.
(30) Бас, азобим ва огоҳлантиришим қандай бўлди?!
(31) Дарҳақиқат, Биз уларнинг устига бир қичқириқ юбордик. Бас, улар қўра ясовчининг хашаги каби бўлиб қолдилар.
(32) Дарҳақиқат, Қуръонни эслатма олишга қулай қилиб қўйдик. Бас, бирон эслатма олгувчи борми?!
(33) Лут қавми огоҳлантиришларни ёлғон деди.
(34) Биз уларнинг устига бўрон юбордик. Лут оиласи бундан мустасно. Уларга саҳарда нажот бердик.
(35) Биз тарафимиздан бўлган бир неъматдир. Шукр қилган кишиларни мана шундай мукофотлаймиз.
(36) Дарҳақиқат, уларни Бизнинг ушлашимиздан огоҳлантирди. Улар эса огоҳлантиришларга шубҳа билан қарадилар.
(37) Унинг меҳмонини йўлдан урмоқчи бўлдилар. Шунда уларнинг кўзларани кўр қилиб қўйдик. Бас, азобимни ва огоҳлантиришимни татинглар.
(38) Тонгда уларга барқарор азоб келди.
(39) Бас, азобимни ва огоҳлантиришларимни татинглар!
(40) Дарҳақиқат, Қуръонни эслатма олишга қулай қилиб қўйдик. Бас, бирон эслатма олгувчи борми?!
(41) Дарҳақиқат, Фиръавн оиласига ҳам огоҳлантиришлар келди.
(42) Ҳамма оятларимизни ёлғонга чиқардилар. Бас, уларни Ғолиб, Қудратли Зотнинг ушлаши билан ушладик.
(43) Сизларнинг кофирларингиз ўшалардан яхшироқми ёки сизлар учун китобларда оқлайдиган ҳужжат борми?
(44) Ёки: "Биз ғолиб жамоамиз", дейишар?
(45) У жамоа яқинда енгилади ва ортга чекинадилар.
(46) Балки уларга ваъда қилинган замон Қиёматдир ва Қиёмат янада улкан, янада аччиқдир.
(47) Албатта жиноятчилар залолатда ва азобдадирлар.
(48) Улар юзтубан ҳолларида дўзахга судраладиган кунда. "Дўзах азобини татинглар!"
(49) Дарҳақиқат, Биз ҳар бир нарсани бир ўлчов билан яратдик.
(50) Бизнинг фармонимиз кўз юмиб очгунчалик бир сўздир.
(51) Дарҳақиқат, сизларга ўхшаганларни ҳалок этдик. Бас, бирон эслатма олгувчи борми?!
(52) Улар қилган ҳар бир иш китоблардадир.
(53) Ҳар бир кичик ва катта иш ёзилгандир.
(54) Албатта тақводорлар жаннатларда ва дарёлардадирлар.
(55) Қудратли Подшоҳ ҳузуридаги ҳақ ўринда.