شفیق الرحمن ضیاء اللہ مدنی - ویڈیوز

زیر نظر ویڈیو میں شیخ جلال الدین قاسمی ۔ حفظہ اللہ ۔ نے نہایت ہی آسان وعام فہم اسلوب میں اختصار کے ساتھ پورے قرآن کریم کی تفسیر وتوضیح فرمائی ہے۔

تزکیہ نفس: موجودہ دور میں خال خال ہی لوگ باطن کی صفائی و اصلاح کی طرف توجہ دیتے ہیں جبکہ دل کی صفائی سے خود انسان کی شخصیت پر اور انسانی معاشرہ وسماج پر اچھے اثرات مرتب ہوتے ہیں، اور دل کی فساد وبگاڑ اور اسکی ناپاکی سے خود انسان کی ذات پر اور معاشرے پر بھی اسکے برے اثرات مرتب ہوتے ہیں۔ اسی مقصد کو پیش نظر رکھتے ہوئے شیخ عبد المجید بن عبد الوہاب مدنی -حفظه الله- نے تزکیہ نفس کا معنی مفہوم ، تزکیہ نفس کی شرعی حیثیت، تزکیہ نفس کی ضرورت واہمیت ، تزکیہ نفس کے اصول وضوابط ، تزکیہ نفس کے تعلق سے نبوی منہج ، اسکے طریقہ کار اور اسکے نتائج واثرات کے سلسلے میں قرآن وسنت صحیحہ کی روشنی میں نہایت ہی موثر و وقیع خطاب فرمایا ہے ۔ نہایت ہی مفید ویڈیو ہے ضرور مشاہدہ فرمائیں۔

موجودہ دور میں دشمنانِ اسلام ہر چہار جانب سے مختلف دسیسہ کاریوں کے ذریعے جہاں ہمارے عقائد اور ایمان کو خراب کرنے کی کوشش میں لگے ہوئے ہیں، وہیں برادران وطن مختلف فلموں اور سیریلوں کے ذریعے ہماری تہذیب و ثقافت اور اسلامی تشخص کو متاثر کردینے کی کوشش کررہے ہیں۔ اور اسکا اثر ہمارے سامنے واضح اور نمایاں ہے، آج معاشرے کے اندر چھوٹی چھوٹی بچیوں کے ماتھے پر تلک، بِندی، پاؤں میں گنگھرو، گلے میں قسمت کے پتھروں کی لکیریں اور اسطرح کی دیگر چیزیں ہیں جو ہندو ثقافت اور تہذیب کی یلغار کا نتیجہ ہیں۔ بات اسی پر ختم نہیں ہوتی، بلکہ اگر آستھا اور امید کے نام پر ، فقیری کا بھیس بنا کرکے یہ برادران وطن کاشی اور متھرا اور مختلف مقامات کا زیارت کرتے ہیں ، تو آج کا مسلمان بھی مختلف صورتیں بنا کرکے، فقیری کا بھیس اپنا کرکے، بابا کے نام کی منّتیں مانگتے ہوئے اپنی مرادوں کو لے کر کے نا معلوم کن کن مقامات کی خاک چھاندتا ہے اور وہاں جانے کے بعد وہ تمام چیزیں کرتا ہے جو شرک کے زمرے میں آتی ہیں، جنکا اسلام سے کوئی تعلق نہیں۔ اسلئے اس بات کی ضرورت تھی کہ اس موضوع پر کچھ باتیں کی جائیں اور اس کی جانب لوگوں کی توجہ مبذول کرائی جائے اور یہ بتا یا جائے کہ آخر وہ کون کون سے ہندوانہ رسوم ہیں جو مسلم سماج کے اندر سرایت کر گئیے ہیں ، اور ہم جانے یا انجانے میں ان چیزوں کو اپنائے ہوئے ہیں۔ اس ویڈیو میں شیخ عبد المجید بن عبد الوہاب مدنی –حفظه الله- نے اسی موضوع سے متعلق نہایت ہی وقیع وموثر خطاب فرما یا ہے۔

زیرنظرویڈیو میں حافظ ارشد بشير مدنی- حفظہ اللہ - نے قرآن مجید سے متعلق غیر مسلموں کی طرف سے کئے گئے اعتراضات کا تشفی بخش اورمُسکِت جواب دیا ہے۔

ویڈیو کے دوسرے حصے میں فاضل دوست وعالمی شہرت یافتہ اسلامی مبلغ وخطیب حافظ ارشد بشیرمدنی –حفظہ اللہ – نے عالمی مذاہب کی روشنی میں امن کا پیغام سے متعلق نہایت ہی پرمغزومؤثر خطاب پیش فرمایا ہے،اوریہ واضح کیا ہے کہ اسلام نے نہ صرف امن کا پیغام دیا ہے بلکہ امن کی تعلیم کے ساتھ ساتھ دنیا میں امن کے قیام کا بہترین طریقہ بھی بتلایا ہے۔لہذاجو شخص اسلام کو تسلیم کرنے سے انکار کرے گا وہ حقیقی امن وشانتی سے محروم ہوگا۔ علماء ودعاۃ اور خاص طور سے غیر مسلم حضرات کیلئے اس ویڈیوکا مشاہدہ نہایت ہی مفید ثابت ہوگا۔

زیرنظر ویڈیو دو حصّوں پر مشتمل ہے پہلے حصّے میں سناتن دھرم سے تعلق رکھنے والے لکشمی شنکرآچاریہ نے اسلام اور مسلمانوں کے خلاف پھیلائے گئے غلط پروپیگنڈوں سے متاثر ہوکر‘‘اسلامی دھشتگردی کی تاریخ’’نامی کتا ب لکھکراسلام کودھشتگردی کا مذھب قراردیا،اسکے بعد اسلام اور سیرتِ رسول صلی اللہ علیہ وسلم کا انتہائی گہرائی اورمثبت طور سے مطالعہ کرنا شروع کیا تو اس نتیجہ پر پہنچے کہ اسلام سراپا امن وشانتی کا مذہب ہے نہ کہ دھشتگردی کا دین ہے، البتہ یہ اور بات ہے کہ بہت سے مسلمان اسکی سچی تعلیمات سے دورہیں۔اوراس حقیقت کو سچ ثابت کرنے کیلئے انہوں نے اپنی دوسری کتاب‘‘اسلام مثالی مذہب یا دھشتگردی کا دین’’ تالیف فرمائی۔ اور ہندو مذہب کے بھائیوں سے گذارش کی کہ جہادِ کفار سے متعلق قرآن کی 24 آیتوں کو انکے سیاق وسباق کی روشنی میں مطالعہ کیا جائے نہ کہ انہیں قرآن سے الگ کئے جانے کا مطالبہ کیاجائے۔ سا تھ ہی اس بات کی بھی نصیحت کی کہ کسی بھی مذہب کے بارے میں جانکاری حاصل کرنے کا بہترین طریقہ اس کے اصل مصادرومآخذ کی طرف رجوع کرنا ہے نہ کہ اسکے متبعین وپیروکاروں کے اعمال وکردارسے نتیجہ اخذ کرنا ہے۔

زیر نظر ویڈیوں میں کتاب وسنت کی روشنی میں روزہ ٹوڑنے والی چیزوں کا مختصرا بیان ہے۔

یزید بن معاویہ کون ؟: یزید بن معاویہ کے بارے میں لوگ مختلف قسم کے افراط وتفریط کا شکار ہیں، بعض تو اسے کافروفاسق قرار دیتے ہیں ،اور بعض اس سے محبت ورضامندی کا اظہار کرتے ہیں، مگر اہل سنت و الجماعت کا اس سلسلہ میں درمیانہ موقف ہے ،وہ اسطرح کہ نہ تو اس سے محبت کا دعوی کرتے ہیں اور نہ ہی اسے برا بھلا کہتے ہیں بلکہ اسے دیگر خلفائے بنوامیہ کی طرح ایک عام خلیفہ سمجھتے ہیں اور اسکے معاملہ کو اللہ کے سپرد کرتے ہیں۔ ویڈیو مذکور میں شیخ مقصود الحسن فیضی –حفظہ اللہ- نے اسی سلسلہ میں نہایت ہی علمی وتحقیقی خطاب پیش فرمایا ہے جس سے یزید کے سلسلہ میں شیعی ورافضی روایات کے سبب پھیلی ہوئی غلط فہمیاں دور ہوجاتی ہیں۔ نہایت ہی مفید خطاب ہے ضرور مشاہدہ فرمائیں۔

یزید بن معاویہ کون ؟: (حصہ 3) اس حصہ میں فاضل خطیب نے مندرجہ ذیل نکات پر گفتگو فرمائی ہے: وفاتِ یزید ، کربلا کے بعد اسلام کے زندہ ہونے کا دعوی اور اسکی حقیقت، کیایزید نام رکہنا درست ہے؟ کیا یزید کو "رحمه الله " کہنا درست ہے؟ وغیرہ۔۔۔

یزید بن معاویہ کون ؟: (حصہ دوم) اس حصہ میں فاضل خطیب نے مندرجہ ذیل نکات پر گفتگو فرمائی ہے: کیا یزید حسینؓ کا قاتل تھا؟ اگر یزید حسینؓ کا قاتل نہیں تھا تو کیا وہ انکی قتل پر خوش تھا؟ حسینؓ کے قتل پر یزید کا موقف ، عبد اللہ بن زبیرؓ کا حسینؓ کی وفات کے بعد مکہ میں خلافت کا دعوی ، اہل مدینہ کا یزید کے خلاف عَلم بغاوت بلند کرنا، کبار صحابہ کا اہل مدینہ سے یزید کی بیعت نہ توڑنے کی اپیل، اہل مدینہ کے انکار پر یزید کا اعلانِ جنگ ، اہل مدینہ سے قتال پر یزید کا افسوس اور انہیں عطیات کی بوچھار، کیا یزید شرابی اور نماز کا تارک تھا؟ یزید کی مذمت میں وارد روایات کی تحقیق، یزید کے سلسلہ میں اہل سنت والجماعت کا موقف۔

یزید بن معاویہ کون ؟: (حصہ اول) اس حصہ میں فاضل خطیب نے مندرجہ ذیل نکات پر گفتگو فرمائی ہے: 1- مُردوں کے سلسلے میں اہل سنت والجماعت کا موقف 2-صحابہ کرام کے درمیان رونما ہونے والے اختلافات کے سلسلے میں اہل سنت والجماعت کا موقف 3-تاریخی روایات کی تحقیق وتفتیش 4- یزید کی پیدائش، اسکی خلافت ، حسین رضی اللہ عنہ کا یزید کی بیعت سے انکار، اہل کوفہ کی دعوت پر حسین رضی اللہ عنہ کا کوفہ جانے پر اصرار، سانحہ کربلاء اور حسین رضی اللہ عنہ کا اہل کوفہ کے ہاتھوں بے دردی سے قتل۔

زیر نظر ویڈیو میں شیخ مقصود الحسن فيضى –حفظہ اللہ- نے ماہ محرم کی اہمیت وفضیلت کا تذکرہ فرما کر اس ماہ میں اور خاص طور سے اسکی دسویں تاریخ کو نام نہاد مسلمانوں کی طرف سے کئے جانے والے شرکیہ ومبتدعانہ رسوم واعمال کی سختی سے مذمت کی ہے-

زیر نظر ویڈیو میں شیخ عبدالمجید بن عبدالوہاب مدنی –حفظہ اللہ – نے تقوی کا حقیقی مفہوم،تقوی کی اہمیت وفضیلت، ، متقی کی پہچان ، تقوی کے ثمرات ونتائج اور تقوی کے تقاضے وغیرہ سے متعلق کتاب وسنت کی روشنی میں نہایت ہی مؤثر وقیع خطاب فرمایا ہے۔

زیرنظرویڈیو میں شیخ عبدالأحد بن عبدالقدوس- حفظہ اللہ- نے نبی کریم صلى الله عليه وسلم کی عظمتِ شان کاعمدہ تذکرہ فرما کر اھل یوروپ کی طرف سے اسلام اور پیغمراسلام کی شان میں گستاخانہ فلم نشر کرنےکی شدت سے مذمّت کی ہے۔ساتھ ہی ساتھ اس توہین آمیز عمل کے اسباب کا بھی تذکرہ کیا ھے، اورایسے موقع پر تمام مسلمانوں سے صبروضبط اورتحمّل سے کام لینے کی درخواست کی ھے،اورزیادہ سے زیادہ آپ صلى الله عليه وسلم کی سنت کو زندہ کرنے اور آپ سے سچّی محبت کا اظہار فرمانے کی تاکید کی ہےـ

ذہنی پریشانی( Depression) سے کیسےنجات پائیں؟: آج کے دور میں انسان جتنی مادّی ترقی کرتا چلا جارہا ہے اتنا ہی طرح طرح کے مسائل میں گھرتا چلا جارہا ہے۔ آج کے دور میں انسان کو پیش آنے والی پریشانیاں یا بیماریوں میں سے ایک اہم ترین بیماری جسے آپ روحانی بیماری کہ سکتے ہیں وہ ہے ڈپریشن۔ توآئیے ہم معلوم کرتے ہیں کہ ڈپریشن کیا ہے؟ ڈ پریشن کیوں پیدا ہوتا ہے؟ اسکے کیا عوارض ہیں؟ ڈپریشن سے کیسے نجات پایا جا سکتا ہے؟ ان سب کے بارے میں تفصیلی جانکاری کیلئے محترمہ ڈاکٹر فرحت ہاشمی کی اس ویڈیو کا ضرور مشاہدہ فرمائیں ـ

مشاہدین کرام! عام طورسے لوگ واقعہ اسراء ومعراج کے سلسلے میں افراط وتفریط کا شکارہیں اوراس سلسلے میں بہت ساری ضعیف وموضوع روایات اورباطل افسانے وقصص کا سہارا لے کرواقعہ اسراء ومعراج کی اصل حقیقت کو عوام سے پوشیدہ رکھا جاتا ہے. ویڈیومذکورمیں فاضل خطیب شیخ عبدالمجید بن عبدالوہاب مدنی –حفظه الله - نے قرآن وسنت اور صحیح اسلامی تاریخ کی روشنی میں معجزہ معراج رسول صلى اللہ علیہ وسلم کی اصل حقیقت کو پیش کرنے کی کوشش کی ہے. نہایت ہی مفید ویڈیو ہے ضرورمشاہدہ فرمائیں.

زیرنظرویڈیومیں نبی کریم صلى الله عليه وسلم کی شان میں مضحکہ خیزکارٹون اور فیلم بنانے والوں کی مذمت کی گئی ہے، اور یہ ثابت کیا گیا ہے کہ آپ صلى الله عليه وسلم شہوت پرست اور دہشت گرد نہ تھے،بلکہ آ پ صلى الله عليه وسلم سراپا رحمت کے مجسّم تھےـ آپ کی رحمت صرف انسانوں اور دوستوں کے ساتھ خاص نہ تھی بلکہ دشمنوں اورحیوانوں کے ساتھ بھی عام تھی ـ

فرض نماز کے بعد نمازیوں کے چاراحوال ہیں: 1-سلام کے بعد فوراً مسجد سے باہرنکل جانا 2-سلام کے بعد فوراً سنت پڑھنے لگنا 3-سلام کے بعد فوراً سرپرہاتھ رکھکریاقویّ یاقویّ کا ورد گیارہ بارلگانا 4-سلام کے بعد امام کے اجتماعی دعا مانگنے کا انتظارکرنا لیکن کیا یہ اعمال سنت نبوی صلى اللہ علیہ وسلم سے ثابت ہیں یا اسکے مخالف؟ ان سب سوالوں کا تشفی بخش جواب جاننے کیلئے اس ویڈیو کا ضرور مشاہدہ فرمائیں.

اللہ کے نزدیک سب سے کامیاب وہوشیار وہ شخص ہے جو نفس کا محاسبہ کرتا ہے اور نفسانی خواہشات کی اتباع وپیروی سے باز رھتا ہے تاکہ بروز قیامت محاسبہ الہی سے بچ سکے. ویڈیو مذکورمیں محاسبہ نفس کی طرف دعوت دے کراسکی اصلاح وتزکیے کا حکم دیا گیا ہے.

سود کا معنى ومفہوم کیا ہے؟ سود کی قسمیں کیا ہیں؟ سود کے نقصانات کیا ہیں؟ سود کو اسلام نے کیوں حرام قراردیا ہے؟ سود پر مبنی معاشی نظام ومظالم سے نپٹنے کے طریقے کیا ہیں ؟ اسکے علاوہ سود سے متعلق دیگرمفید معلومات کیلئے شیخ عبدالمجید بن عبدالوہاب مدنی حفظہ اللہ کی اس اہم ویڈیوکا ضرور مشاہدہ فرمائیں.