96 - Suuratul-Halaq ()

|

(1) Ké (al-Ƙur’ān) pẹ̀lú orúkọ Olúwa rẹ, Ẹni tí Ó dá ẹ̀dá.

(2) Ó ṣẹ̀dá ènìyàn láti ara ẹ̀jẹ̀ dídì.

(3) Ké e. Olúwa rẹ ni Alápọ̀n-ọ́nlé jùlọ.

(4) Ẹni tí Ó fi ìmọ̀ nípa gègé ìkọ̀wé mọ ènìyàn.

(5) Ó fi ìmọ̀ tí ènìyàn kò mọ̀ mọ̀ ọ́n.

(6) Ní ti òdodo, dájúdájú ènìyàn kúkú ń tayọ ẹnu-ààlà

(7) nítorí pé ó rí ara rẹ̀ ní ọlọ́rọ̀.

(8) Dájúdájú ọ̀dọ̀ Olúwa rẹ ni àbọ̀ ẹ̀dá.

(9) Sọ fún mi nípa ẹni tó ń kọ̀

(10) fún ẹrúsìn kan nígbà tí (ẹrúsìn náà) kírun!

(11) Sọ fún mi (nípa ẹ̀san rẹ̀) tí ó bá jẹ́ pé ó wà lórí ìmọ̀nà (’Islām)

(12) tàbí pé ó pàṣẹ ìbẹ̀rù (Allāhu)!

(13) Sọ fún mi (nípa ìyà rẹ̀) tí ó bá jẹ́ pé ó pe òdodo ní irọ́, tí ó sì kẹ̀yìn sí i?

(14) Ṣé kò mọ̀ pé dájúdájú Allāhu ń rí (òun ni?)

(15) Rárá (ọ̀rọ̀ kò rí bí ọ̀tá Allāhu ṣe rò ó sí.¹) Dájúdájú tí kò bá jáwọ́ (níbi dídí Ànábì - kí ìkẹ́ àti ọlà Allāhu máa bá a - lọ́wọ́), dájúdájú A máa fi àásó orí² rẹ̀ wọ́ ọ (sínú Iná);
1. Ẹni yẹn ni Abu Jahl. 2. àásó orí; irun iwájú orí.

(16) àásó orí òpùrọ́, ẹlẹ́ṣẹ̀.

(17) Nítorí náà, kí ó pe àwọn olùbájókòó rẹ̀.

(18) Àwa máa pe àwọn mọlāika ẹ̀ṣọ́ Iná.

(19) Rárá (ọ̀rọ̀ kò rí bí ó ṣe ń sọ nípa Wa). Má ṣe tẹ̀lé tirẹ̀. Forí kanlẹ̀ (kí o kírun), kí o sì súnmọ́ (Allāhu).

IslamHouse.com

96 - Suuratul-Halaq ()

A |

|