ముహమ్మద్ కరీముల్లాహ్ - పుస్తకాలు

అగర్వాల్ కుటుంబానికి చెందిన ఒక యువకుడు నిజనిజాలు గ్రహించిన తరువాత తన హిందూ ధర్మాన్ని వదిలి ఇస్లాం ధర్మం స్వీకరించినాడు. ఆ తరువాత అతను తన తల్లిని కూడా భయంకరమైన నరకాగ్ని నుండి కాపాడాలని తపించసాగాడు. ఈ కృషిలో ఆవిడను ఇస్లాం వైపునకు ఆహ్వానిస్తూ ఈ గొప్ప ఉత్తరాన్ని వ్రాసినాడు. ఇస్లాం ధర్మం గురించి అధ్యయనం చేసి, కొన్నాళ్ళ తరువాత ఆవిడ కూడా ఇహపరలోకాల సాఫల్యం వైపు దారిచూపే ఇస్లాం ధర్మాన్ని స్వీకరించినది.

ప్రవక్త ముహమ్మద్ సల్లల్లాహు అలైహి వసల్లం బోధించిన నమాజు పద్ధతి, ఆయన స్వయంగా నమాజు చేసిన పద్ధతి మరియు సహాబాలకు నేర్పిన పద్ధతి.

నమాజులోనూ, ఇతర సందర్బాలలోనూ వేడుకునే దుఆలు. సూరహ్ ఫాతిహా మరియు ఖుర్ఆన్ లోని కొన్ని చివరి సూరాలు.

దివ్యఖుర్ఆన్ ద్వారా లభించే పుణ్యాలు, అల్లాహ్ ధ్యానం యొక్క ద్వారా లభించే పుణ్యాలు, ఉదూ మరియు నమాజు ద్వారా లభించే పుణ్యాలు, ఉపవాసం ద్వారా లభించే పుణ్యాలు, వేర్వేరు ఉత్తమ ఆచరణల ద్వారా లభించే పుణ్యాలు.

అంతిమ ప్రవక్త ముహమ్మద్ సల్లల్లాహు అలైహి వసల్లమ్ గురించి, ఏకదైవారాధన మరియు పరలోకం గురించీ హిందూ ధర్మ గ్రంథాలలో స్పష్టంగా వివరించబడినది – ఈ పుస్తకంలో దీనిని ప్రామాణిక ఆధారాలతో స్పష్టంగా చర్చించినారు.

స్వచ్ఛమైన, సత్యమైన ఇస్లాం ధర్మం గురించి, ముస్లింల గురించి, ఇస్లాంలోని ఇతర ముఖ్యవిషయాల గురించి తెలుసుకోగోరిన ముస్లిమేతరులకు ఆ పుస్తకం బాగా ఉపయోగపడును.

ప్రవక్త ముహమ్మద్ సల్లల్లాహు అలైహి వసల్లం బోధించిన నమాజు విధానం ఈ పుస్తకంలో సవివరంగా చర్చించబడినది.

ప్రపంచ ముఖ్య ధర్మగ్రంథాల వెలుగులో దైవ సిద్ధాంతం – ఇస్లాం, హిందూ ధర్మం, క్రైస్తవ ధర్మం, సిక్కుమతం మొదలైన వాటి ధర్మగ్రంథాలు దేవుడి గురించి ఏమని సెలవిస్తున్నాయి – అనే అత్యంత ముఖ్యమైన విషయం ఈ పుస్తకంలో నిష్పక్షపాతంగా చర్చించబడినది. సత్యాన్వేషణలో ఉన్నవారికి ఇదొక మంచి మార్గదర్శకత్వ పుస్తకం.

ఈ వ్యాసంలో మీలాదున్నబీ జన్మదిన వేడుకలనే బిదాఅత్ ఆచరణలు ఎలా ముస్లింలలో ప్రవేశించాయో స్పష్టంగా తెలుపబడినది. ఇంకా ప్రజలను ఇటువంటి ఆచరణలను ఆరాధనలుగా ఎందుకు పరిగణించకూడదో తెలుపబడినది. ఇది ఎందుకని షిర్క్ అవుతుందో వివరించబడినది.

దేవుడిని విశ్వసించేవారిలో తమ విశ్వాసపు స్వభావం గురించి వివేకం మరియు దివ్యసందేశం ఆధారంగా పునరాలోచన కలిగించటమే ఈ పుస్తకపు ముఖ్యోద్దేశ్యం. ప్రపంచవ్యాప్తంగా వివిధ ప్రాంతాలలో అనేకసార్లు చేసిన ప్రసంగాన్నే ఈ రూపంలో మీకందిస్తున్నాను. వేర్వేరు శ్రోతల నుండి ఈ ప్రసంగానికి లభించిన ప్రోత్సాహమే దీనిని తయారు చేయటానికి నన్ను ప్రేరేపించినది. ఇది పుస్తక రూపంలో ఇంకా ఎక్కువ శ్రోతలకు చేరవలెనని నా ఆశయం.పాఠకులకు ఈ చిన్నిపుస్తకంలోని ఆలోచనలు మరియు చర్చలు, సత్యాన్వేషణలో ఉపయోగపడగలవని సిన్సియర్ గా భావిస్తున్నాను. ఎందుకంటే ‘అసలైన దేవుడిని కనుక్కోవటం మరియు ఆయన ఇష్టపడే విధంగా జీవించటం’ కంటే ఎక్కువ ప్రాముఖ్యమైనది ఈ ప్రపంచంలో మరేదీ లేదు.

ఇది సున్నితమైన పదాలను వ్యక్తీకరించే సందేశం...ఇది నేరుగా మీ హృదయాన్ని తాకుతుంది, హృదయంతో అనుసంధానిస్తుంది. సర్వశక్తిమంతుడైన అల్లాహ్ తో సన్నిహితంగా ఉండటంతో పాటు సర్వశక్తిమంతుడైన అల్లాహ్ యొక్క ఔన్నత్యాన్ని మరియు గొప్పతనాన్ని అనుభూతి చెందేలా చేస్తుంది మరియు మీ హృదయంలో భద్రతను పెంచుతుంది. దుఆ చేయి - సాఫల్యం సాధించు. ప్రతి ఒక్కరి కోసం తమ సమస్యలను ఎలా అల్లాహ్ వద్ద మొరపెట్టుకోవాలో తెలిపే చాలా మంచి పుస్తకం ఇది.

క్లుప్తంగా సహీహ్ బుఖారీ హదీథ్ గ్రంథం గురించి ...

ఈ పుస్తకంలో కుటుంబ వ్యవస్థకు ఇస్లాం ధర్మం ఇస్తున్న ప్రాధాన్యత చక్కగా వివరించబడింది. మొట్టమొదటి కుటుంబ పునాదులైన తల్లిదండ్రుల గురించి, వివాహం యొక్క అసలు ఉద్దేశ్యం గురించి, భార్యలను ప్రేమగా, చక్కగా చూడవలసిన బాధ్యత గురించి, ఇంట్లో శాంతిసుఖాలు నెలకొల్పడంలో వారి ముఖ్యపాత్ర గురించి, ఇంటిని శాంతినిలయంగా మార్చటంలో భార్యాభర్తల పాత్ర గురించి మరియు వారి పరస్పర హక్కులు మరియు బాధ్యతల గురించి, తల్లిదండ్రులపై సంతానానికి ఉన్న హక్కుల గురించి మరియు ఇతర బంధువులతో సత్సంబంధాలు కొనసాగించవలసిన అవసరం గురించి ఇక్కడ క్లుప్తంగా చర్చించబడింది.

అల్లామా సనావుల్లాహ్ అమృతసరీ (రహ్మతుల్లాహ్ అలైహి) గారి ఈ వ్యాసాన్ని మర్కజ్ దారుల్ బిర్ర్ విద్యార్థిని ఆయిషా అహ్మదీయా చక్కటి తెలుగులో అనువదించారు. దీనిలో మిర్జా గులామ్ అహ్మద్ ఖాదియానీ స్వయంగా చేసిన అనేక అసత్య పలుకులు ఆధారాలతో సహా పేర్కొనబడినాయి.

ఈ చిరు పుస్తకంలో ముస్లిం మహిళల గురించి చక్కగా వివరించారు.