Heretic Festivals

పండుగ జరుపుకోవాలనే ఉద్దేశ్యం లేకుండా ప్రతి సంవత్సరం జనవరి ఫస్ట్ రోజున ముస్లింలు పరస్పరం శుభాకాంక్షలు తెలుపుకోవడం మరియు దుఆలు చేయడానికి ఇస్లాం ధర్మంలో అనుమతి ఉన్నదా ?

ఖుర్ఆన్ మరియు సున్నతుల వెలుగులో క్రిష్టమస్ గురించి జీసస్ (ఈసా అలైహిస్సలాం) ఏమి పలికారనేది ఇక్కడ చర్చించబడింది.

వాలెంటీన్ దినం గురించి ఇస్లామీయ ధర్మాదేశం ఏమిటి అనే ప్రశ్నకు షేఖ్ ముహమ్మద్ ఇబ్నె సాలెహ్ అల్ ఉతైమీన్ ఇచ్చిన జవాబు.

యునైటెడ్ కింగ్ డమ్ లో నివశిస్తున్న కొందరు ముస్లింలు క్రిస్ట్ మస్ పండుగ జరుపుకుంటూ తమ ఇళ్ళల్లో క్రిస్ట్ మస్ రోజున మరియు తర్వాత దినాలలో ఇతర ముస్లిం కుటుంబాల కోసం విందులు, వినోదాలు ఏర్పాటు చేస్తారు. టర్కీ రోస్ట్ మరియు ఇతర క్రిస్ట్ మస్ పండుగ సంప్రదాయక వంటలు తయారు చేస్తారు. తమ ఇళ్ళను బెలూన్లతో మరియు రంగు రంగుల తోరణాలతో అలంకరించుకుంటారు. రహస్య శాంతా సంప్రదాయాన్ని అంటే ప్రతి ఒక్కరూ అక్కడి బంధువులలో ఒకరికి ఏదో ఒక బహుమతి ఇస్తారు. ఫలానా వ్యక్తికి బహుమానంగా ఇవ్వాలని ముందే నిర్ణయించుకుని మరీ తీసుకువస్తారు. బహుమతి తీసుకున్న వ్యక్తికి దానిని ఎవరు ఇచ్చారో తెలియదు. [“సీక్రెట్ శాంతా” అనేది క్రిస్ట్ మస్ పండుగ జరుపుకునే ముస్లిమేతరులలో కొత్తగా పెరుగుతున్న ఒక సంప్రదాయం. శాంతా క్లాస్ గాథపై వారికున్న విశ్వాసానికి అనుగుణంగా దీనిని జరుపుకుంటున్నారు. ]. ముస్లింలు ఇలా చేయడం హలాల్ గా పరిగణించబడుతుందా లేక హరామ్ గానా. ఒకవేళ ఇలాంటి పండుగలో కేవలం ముస్లింలు మాత్రమే పాల్గొంటూ ఉంటే, దీనిని జరుపుకునే అనుమతి ఉన్నదా (బంధువులు మరియు కుటుంబ సభ్యులు మాత్రమే)?.

అనేకమంది ప్రజలు ఈనాటి హద్దులు దాటిన వేడుకలు, వినోదాలు మరియు అనవసరం ఖర్చుల కాలంలో, హాలిడే సీజన్లనే వ్యాపకంలో చాలా సులభంగా చిక్కిపోతున్నారు. వీటి ప్రాధాన్యతను గుర్తించి ఈ మితిమీరిన వినోద కార్యక్రమాలను కట్టడి చేసే ప్రయత్నం జరగటం లేదు. నేను ఇలా ఎందుకు చెబుతున్నానంటే హాలిడే అనే పదం అసలు హోలీ మరియు డే అనే రెండు పదాల కలయిక నుండి పుట్టింది. అయితే లోతుగా పరిశోధిస్తే యూద, క్రైస్తవ మరియు ఇస్లామీయ దృష్టికోణంలో, ఈ పర్వదినాలు చాలా పవిత్ర దినాలని గుర్తిస్తారు. ఈష్టర్, క్రిష్టమస్, ఆల్ సెయింట్స్ డే, హాల్లోయీన్ మొదలైన వాటి మూలాలు ప్రవక్తలకు విరుద్ధమైన బహుదైవారాధ సంప్రదాయాలలో కనబడతాయి. దీని సాక్ష్యాధారాలు పరిశీలిస్తే, చరిత్రలో ఎన్నడూ ఏ ప్రవక్తా తమ పుట్టినరోజు పండుగ జరుపుకోవడం, గ్రుడ్లను అలంకరించడం, చెట్లపై ఆభరణాలు ఉంచడం లేదా ఆకర్షణీయమైన దుస్తులలో అలంకరించుకోడం మొదలైనవి చేయలేదు. జాగ్రత్తగా పరిశీలిస్తే, ఈ హాలిడే కథలన్నీ ధర్మంలో చేర్చబడిన నూతన పోకడలు, కల్పితాలు తప్ప మరేమీ కావని తెలుస్తుంది. ఇలాంటి తప్పుడు సంప్రదాయాలలో మునిగి సర్వలోక సృష్టికర్త ఆగ్రహానికి గురి కావద్దని మరియు వాటి చెడు పర్యవసానాల నుండి కాపాడుకోమని ఈ చిరు కరపత్రం హెచ్చరిస్తున్నది.

ఖుర్ఆన్ లో, ఇస్రాయీల్ సంతతి వృత్తాంతం మరియు ఈజిప్టు చక్రవర్తి ఫిరౌను బారి నుండి వారు ఎలా కాపాడబడినారనే విషయం అనేక సార్లు ప్రస్తావించబడింది.

అంతర్జాతీయ ఫ్యామిలీ దినం, అంతర్జాతీయ వికలాంగుల దినం, అంతర్జాతీయ వయసు మళ్ళిన పెద్దల దినం మొదలైన కొన్ని వార్షిక పండుగలలో పాల్గొనడంపై ఇస్లామీయ ధర్మాజ్ఞలు ఏమిటి ? అలాగే ఇస్రా వల్ మేరాజ్, మీలాదున్నబీ, హిజ్రహ్ మొదలైన ధార్మిక పండుగలలో పాల్గొనడం, ప్రజలను వాటిలో ఆహ్వానించే కరపత్రాలు తయారు చేయడం, ఉపన్యాసాలు ఏర్పాటు చేయడం, ఇస్లామిక్ కాన్ఫరెన్సులు ఏర్పాటు చేయడం మొదలైన వాటి గురించి ఇస్లామీయ ధర్మాజ్ఞలు ఏమిటి ?

నేను క్రిస్ట్ మస్ పండుగు జరుపుకోను. కాని నా పదకొండేళ్ళ కుమార్తె అందంగా అలంకరించబడిన క్రిస్ట్ మస్ ట్రీ యొక్క అందచందాలను ఎంతో ఇష్టపడుతుంది. అలాంటి చెట్టును సంవత్సరం పొడుగునా నా ఇంట్లో ఏర్పాటు చేయడంపై ఇస్లామీయ ధర్మాజ్ఞలు ఏమిటి ?

నేను అమెరికాలో నివశిస్తున్నాను. ఒక బట్టల కంపెనీలో పనిచేస్తున్నాను. ఆ కంపెనీలో రెండు విధానాలు ఆచరణలో ఉన్నాయి - ఒకటి ప్రతి ఉద్యోగికి అతడి అమ్మకాన్ని బట్టి ఒక నెల జీతం క్రిస్ట్ మస్ బోనస్ గా ఇవ్వడం. రెండోది $50 వరకు తమకు ఇష్టమైన హాలిడే భోజనం చేసే సదుపాయం. వీటిని ముస్లింలు కూడా వాడుకోవచ్చా అంటే ఈ బహుమతులను ముస్లింలు కూడా స్వీకరించవచ్చా

ఆస్ట్రేలియాలో క్రిస్ట్ మస్ సందర్భంగా దుస్తులు, ఫర్నిచర్, ఎలక్ట్రానిక్స్ వస్తువులపై చాలా ఎక్కువగా డిస్కౌంట్లు ఉంటాయి. సంవత్సరంలోని ఇతర సమయాలలో లభ్యంకాని ఈ తగ్గింపు ధరల అవకాశాన్ని సద్వినియోగం చేసుకునేందుకు వీలుగా ఇలాంటి పండుగ సందర్భాలలో షాపింగ్ చేసుకోవడానికి ఇస్లాం ధర్మం అనుమతిస్తున్నదా ?

ఈ మెసేజీ ఇంటర్నెట్ లో అనేక చోట్ల కనబడుతుంది. కానీ, నేను దీనిని ఎవ్వరికీ పంపలేదు. ఎందుకంటే ఇది బిదఅ అంటే ధర్మంలో నూతన కల్పితం క్రిందికి వస్తుందా రాదా అనే విషయం నాకు తెలీదు. దీనిని వ్యాపింపజేయవచ్చా మరియు అలా చేయడం వలన మాకు పుణ్యాలు ప్రసాదించబడునా ? లేదా ధర్మంలో లేని విషయాన్ని నూతనంగా మొదలుపెట్టడం వలన ఇలా చేయడం అనుమతించబడలేదా ? “ఇన్ షాఅ అల్లాహ్, జనవరి ఒకటవ తేదీ అర్థరాత్రి 12 గంటలకు మేము రెండు రకాతులు నమాజు చేస్తాము లేదా ఖుర్ఆన్ పఠిస్తాము లేదా అల్లాహ్ యొక్క ధిక్ర్ చేస్తాము లేదా దుఆలు చేస్తాము - ఎందుకంటే, ప్రజలలో అధిక శాతం అల్లాహ్ కు అవిధేయత చూపుతున్న ఆ సమయంలో ఒకవేళ అల్లాహ్ ఈ ప్రపంచంవైపు చూస్తే, ముస్లింలు ఆయనకు విధేయత చూపుతూ, ఆయన ఆరాధనలలో మునిగి ఉండడం, ఆయనకు కనబడుతుంది. అల్లాహ్ సాక్షిగా, మీకు తెలిసిన ప్రతి ఒక్కరికీ మీరు ఈ సందేశాన్ని పంపవలెను. ఎందుకంటే, మన సంఖ్య పెరిగిన కొద్దీ, మన ప్రభువు మనతో సంతుష్టపడతాడు." దయచేసి నాకు సలహా ఇవ్వండి. అల్లాహ్ మీపై కరుణించుగాక.

ఒకవేళ ఒకరి పొరుగింటి క్రైస్తవులు డిసెంబరు 25వ తేదీన క్రిస్ట్ మస్ పండుగ భోజనం పంపితే ఏమి చేయాలి - పారవేయాలా లేక తిరస్కరించాలా ? ఒకవేళ తిరస్కరిస్తే, వారితో మనస్పర్థలకు దారి తీయవచ్చు.

ఆమె ఇలా అంటున్నది, నేను ముస్లింగా మారాలని కోరుకుంటున్నాను. కానీ, మా కుటుంబ సభ్యులు క్రిస్ట్ మస్ పండుగ జరుపుకునేందుకు ఒకచోట చేరతారు. నేను వారి వద్దకు వెళ్ళి, వారికి పండుగ శుభాకాంక్షలు తెలపాలని కోరుకుంటున్నాను. పండుగ జరుపుకోవాలి లేదా దానిలో పాల్గొనాలనే ఉద్దేశ్యంతో కాదు, కానీ కేవలం ఒకచోట చేరిన నా బంధువులందరినీ కలుసుకోవాలనే ఆత్మీయ బంధం కోసం మాత్రమే. మరి అలా చేయడానికి ఇస్లాం ధర్మంలో అనుమతి ఉన్నదా ?

మా పాఠశాలలో క్రిస్ట్ మస్ పండుగ తయారీలు జరుగుతున్నాయి. నా పాఠశాల క్రైస్తవ సంప్రదాయాలను అనుసరిస్తుంది. ప్రతి సంవత్సరం ఒక్కో తరగతి ఒక బీద కుటుంబాన్ని దత్తత తీసుకుని క్రిస్ట్ మస్ పండుగ సందర్భంగా వారి కోసం మంచి మంచి బహుమతులు మరియు ఆహారపదార్థాలు కొని, ధనసహాయం కూడా చేస్తుంది. నేను ఆ కార్యక్రమంలో పాలుపంచుకోవడానికి తిరస్కరిస్తూ, వారు జమచేస్తున్న చందాలలో ఏ మాత్రం ధనసహాయం చేయలేదు మరియు ఎలాంటి ఆహారపదార్థాలు బహుకరించలేదు. ఎందుకంటే, అలాంటి దానధర్మాలు క్రిస్ట్ మస్ పేరు మీదుగా జరుగుతాయి, దత్తత చేసుకోబడిన కుటుంబాలకు ఈ దానధర్మాలు అందగానే, వారు క్రైస్తవులను దేవుడు దీవించు గాక అని ప్రార్థిస్తారు. అలాంటి కార్యక్రమాలలో పాల్గొనకుండా తిరస్కరించడం సబబేనా ?

ఈ వ్యాసంలో వాలెంటైన్ డే యొక్క చరిత్ర గురించి తెలుపబడినది. ఇంకా ఇస్లాం ధర్మంలో అటువంటి పండుగలు జరుపుకోవటం సరైనదా కాదా అనే విషయం కూడా ఖుర్ఆన్ మరియు హదీథ్ ల వెలుగులో వివరంగా చర్చించబడినది.

ఏప్రిల్ ఫూల్ గురించి ఇస్లామీయ ధర్మాదేశాలు

ప్రవక్త ముహమ్మద్ సల్లల్లాహు అలైహి వసల్లం ఉమ్మత్ ఉన్న దయనీయ స్థితి, తమ ధర్మం గురించి సరైన జ్ఞానం లేని కొందరు ముస్లింలు, పాశ్చాత్య ఆలోచనలు మరియు నాగరికతలను గొప్పగా చూసే కొందరు ముస్లింల కారణంగా ఇస్లాం ధర్మంలోని అతి ముఖ్యమైన సచ్ఛీలత, పాతివ్రత్యం, మానమర్యాదల నియమాలకు బద్ధవ్యతిరేకమైన ఈ అసహ్యమైన దురాచారం ముస్లిం సమాజంలో కూడా పాకింది. అనేకమంది ప్రజలు ఈ నీచమైన వేడుక యొక్క మూలాలు మరియు పర్యవసానాలు గ్రహించకుండా, పాశ్చాత్య నాగరికతకు చేరువ అవ్వాలనే తాపత్రయంతో మూర్ఖంగా దీని ఆచారవ్యవహారాలను అనుసరిస్తున్నారు. దీని వలన వారిపై కురిసే అల్లాహ్ యొక్క ఆగ్రహం మరియు పాపం గురించి వారు ఆలోచించడం లేదు. ఈ వేడుక గురించిన ఇస్లామీయ ధర్మాజ్ఞల పరిశోధన మరియు ఇస్లామీయ పండితుల అభిప్రాయాలు దీనిలో పేర్కొనబడినాయి.