ئۇستاز سىراجىددىن ئەزىزى - بارلىق ھۆججەتلەر

بۇ مەككە مۇكەررەمە ھەرەم مەسچىتىنىڭ 17/4/1430ھـ 2009-يىلى 04-ئاينىڭ 21-كۈنىدىكى جۈمە خۇتبىسىنىڭ ئومۇمى مەزمۇنى بولۇپ، پەزىلەتلىك شەيخ دوكتۇر سەئۇد ئىبنى ئىبراھىم ئەششۇرەيم سۆزلىگەن. بۇ خۇتبىدا شۆھرەتپەرەسلىك ۋە ماختانچاقلىقنىڭ شەخس ۋە ئىجتىمائىي جەمئىيەتكە كۆرسىتىدىغان يامان تەسىرى، سەلەپ ئالىملىرىىنىڭ شۆھرەتپەرەسلىكنىڭ ئاقىۋىتىدىن نېمە ئۈچۈن ئاگاھلاندۇرغانلىقى، سۆھرەتپەرەسلىكتىن ئىبارەت بۇ كېسەل جەمئىيەتنىڭ ھەرقايسى قاتلاملىرىغا ئۆز تەسىرىنى يېيىۋاتقانلىقى توغرىسىدا مۇھىم تەۋسىيەلەر ھۆزۈرۈڭلاردا.

بۇ مەككە مۇكەررەمە ھەرەم مەسچىتىنىڭ 14/4/1430 ھىجرى 2009-يىلى-04-ئاينىڭ-10 كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ سالىھ ئىبنى ئابدۇللاھ ئىبنى ھۇمەيد سۆزلىگەن. خۇتبىدا سىھىر ۋە رامباللىقنىڭ شەخس ۋە جەمئىيەتكە بولغان خەتىرى ۋە جەمئىيەتتە پەيدا بولۇشنىڭ سەۋەبلىرى، ئۇنىڭ شەرىئەتتىكى ھۆكمى، بۇ رەزىل قىلمىشلارنىڭ تەسىرىگە ئۇچرىغۇچىلارنىڭ قانداق قىلىشى توغرىسىدا مۇھىم تەۋسىيەلەرنى قىلىدۇ.

بۇ مەككە مۇكەررەمە ھەرەم مەسچىتىنىڭ 7/4/1430ھـ 2009-يىلى04-ئاينىڭ 03-كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ دوكتۇر ئۇسامە ئىبنى ئابدۇللاھ خەييات سۆزلىگەن. خۇتبىدا مۇسۇلمان ئەقىدىسىدە قانائەت ھاسىل قىلىپ ئېتىقات قىلىشنىڭ ئەھمىيىتى، ئۇنىڭ ئىنسان ھاياتىدىكى رولى، قۇرئان ۋە سۈننەتنىڭ "قانائەت ھاسىل قىلىپ ئېتىقات قىلىش" توغرىسىدىكى كۆرسەتمىسى، ئىسلام دىنى ئېتىقادچىلىرىنىڭ ئىسلام دىنىنى پۈتۈن ئىنسانىيەتكە يەتكۈزۇش مەجبۇرىيىتى بارلىقى توغرىسىدا مۇھىم تەۋسىيەلەرنى قىلىدۇ.

بۇ مەككە مۇكەررەمە ھەرەم مەسچىتىنىڭ 23/3/1430ھـ 2009-يىلى 03-ئاينىڭ 20-كۈنىدىكى جۈمە خۇتبىسىنىڭ ئومۇمى مەزمۇنى بولۇپ، پەزىلەتلىك شەيخ دوكتۇر سەئۇد ئىبنى ئىبراھىم ئەششۇرەيم سۆزلىگەن. خۇتبىدا مۇسۇلمان شەرىئەت يولغا قويغان پرىنسىپ ئاستىدا رىزقىنى ئىزدەشتە ئاللاھقا تەۋەككۇل قىلىش، ئاللاھنىڭ ئاتا قىلغان نېمىتىگە شۇكرى قىلىش، مۇسۇلمان ھاياتلىقنىڭ زىننىتى بولغان مال-دۇنيادىن ئۆز نېسىۋىسىنى ئىزدىشىنىڭ مۇھىملىقى، ئىسلام دىنىنىڭ ھورۇنلۇققا قارشى تۇرۇپ ھالال ئەمگەك بىلەن تىرىكچىلىك قىلىشقا رىغبەتلەندۇرۇدىغانلىقى توغرىسىدا مۇھىم تەۋسىيەلەرنى قىلىدۇ.

بۇ مەككە مۇكەررەمە ھەرەم مەسچىتىنىڭ 16/3/1430ھـ 2009-يىلى03-ئاينىڭ 13-كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ دوكتۇر ئابدۇراھمان ئىبنى ئابدۇلئەزىز سۇدەيس سۆزلىگەن. خۇتبىدا مۇسۇلمان ھاياتىدا مۇھەممەد ئەلەيھىسسالام تەرجىمىھالىنى ئۈگۈنۈشنىڭ مۇھىملىقى ۋە رولى، رەسۇلۇللاھنى ياخشى كۆرۈش، ئۇ زات تۇغۇلغان ئايدا مەۋلۇت ئۆتكۈزۈش ياكى ۋاپاتىغا قايغۇرۇش بىلەنلا بولماستىن، بەلكى رەسۇلۇللاھنىڭ سۈننىتىگە ئەگىشىش، ئىش-ئىزلىرىنى ھاياتىدا ئۆرنەك قىلىش ۋە تەتبىقلاش بىلەن ئىپادىلىنىغانلىقىغا دائىر مۇھىم مەزمۇنلار تەۋسىيە قىلىنىدۇ.

بۇ مەككە مۇكەررەمە ھەرەم مەسچىتىنىڭ 25/2/1430 ھىجرى 2009-يىلى-02-ئاينىڭ-20 كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ سالىھ ئىبنى ئابدۇللاھ ئىبنى ھۇمەيد سۆزلىگەن. بۇ خۇتبىدا ئاللاھتىن قورقۇشنىڭ مۇسۇلمان ھاياتىدىكى ئەھمىيىتى ۋە رولى، دۇنيانى ئاخىرەتتىن ئەۋزەل بىلىشنىڭ خەتەرلىكى، ئىسلام دىنى ئىنسانىيەتنى كائىناتتىكى پۈتۈن يىڭىلىقلاردىن شەرىئەت يوليورۇقى ئاستىدا پايدىلىنىشقا رىغبەتلەندۇرۇدىغانلىقى، مۇسۇلمان ۋاقتىنى قەدىرلەپ، ئاخىرەتلىكىگە پايدىلىق ئىشلارنى قىلىشىنىڭ مۇھىملىقى توغرىسىدا تەۋسىيەلەرنى قىلىدۇ.

بۇ مەككە مۇكەررەمە ھەرەم مەسچىتىنىڭ 11/2/1429ھـ 2009-يىلى02-ئاينىڭ 06-كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ دوكتۇر ئابدۇراھمان ئىبنى ئابدۇلئەزىز سۇدەيس سۆزلىگەن. بۇ خۇتبىدا بەزى كىشىلەرنىڭ مۇپتىلىق شەرتلىرىنى ئېتىبارغا ئالماستىن ئۆزىنى پەتىۋا بېرىشكە ھەقلىق دەپ قاراپ، تېلېۋىزور قاناللىرىدا يېڭى ئەسىر مەسىلىلىرىگە جۈرئەت بىلەن ھۆكۈم قىلىشى، ئىلىمسىزلىك بىلەن بېرىلگەن پەتىۋانىڭ شەخس ۋە جەمئىيەتكە بولىدىغان خەتىرى، تېلېۋىزور قاناللىرى ئارقىلىق ھالال-ھارام توغرىسىدا پەتىۋا بەرگۈچىلەر، ئىسلامىي پەتىۋالارنىڭ ماھىيىتىنى خۈنۈكلاشتۇرۇپ قويۇشىدىن ئەنسىرىشى كېرەكلىكى توغرىسىدا مۇھىم تەۋسىيەلەرنى قىلدى.

بۇ مەككە مۇكەررەمە ھەرەم مەسچىتىنىڭ 30/11/1429ھـ 2008-يىلى11-ئاينىڭ 28-كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ دوكتۇر ئابدۇراھمان ئىبنى ئابدۇلئەزىز سۇدەيس سۆزلىگەن. بۇ خۇتبىدا ھەج قىلغۇچىلار ئاللاھنىڭ قەدىرلىك مېھمانلىرى ئىكەنلىكى، ئۇلارغا ئاللاھنىڭ بەيتىنى ئۆز كۆزى بىلەن كۆرۈش مۇيەسسەر قىلىنىشى، مۇھەممەد ئەلەيھىسسالام قەدەم باسقان مۇبارەك جايلارنى، ۋەھيى چۈشكەن زېمىنلارنى كۆرۈشكە مۇۋەپپەق قىلىش ئارقىلىق، ئىبادەتنىڭ خالىس بىر ئاللاھقىلا قىلىنىشى مەقسەت قىلىنىدىغانلىقىنى رېئاللىققا ئايلاندۇرۇش ئىكەنلىكى توغرىسىدا تەۋسىيەلەرنى قىلىدۇ.

بۇ مەككە مۇكەررەمە ھەرەم مەسچىتىنىڭ 23/11/1429ھـ 2008-يىلى11-ئاينىڭ 21-كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ دوكتۇر ئۇسامە ئىبنى ئابدۇللاھ خەييات سۆزلىگەن. بۇ خۇتبىدا دىنى قېرىنداشلىق ئاللاھنىڭ مۇسۇلمانلارغا بېغىشلىغان ئەڭ بۈيۈك نېمەتلىرىدىن ئىكەنلىكى، ئۇنىڭ بىلەن ئىسلام ئۇممىتىنىڭ ئىنسانىيەت ئارىسىدا ھۆرمىتىنىڭ ئېشىشى، قان، مىللەت رىشتىلىرىنىڭ بەزى ۋاقىتلاردا سۇسلاپ قالىدىغانلىقى، ئەمما مۆمىننىڭ قەلبىدە ئىمان كۈچەيگەنسېرى مۇسۇلمانلار ئارىسىدا دىنى قېرىنداشلىق رىشتىنىڭ تېخىمۇ كۈچىيىپ بارىدىغانلىقى توغرىسىدا توختىلىدۇ.

بۇ مەككە مۇكەررەمە ھەرەم مەسچىتىنىڭ 16/11/1429 ھىجرى 2008-يىلى-11-ئاينىڭ-14 كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ سالىھ ئىبنى ئابدۇللاھ ئىبنى ھۇمەيد سۆزلىگەن. بۇ خۇتبىدا دىئالوگنىڭ ئەھمىيىتى، دىئالوگنىڭ شەرتلىرى ۋە ئاساسلىرى، ئىسلامدىكى كەڭرىچىلىك، ئىسلام دىنىنىڭ باشقا ساماۋى دىنلارغا بولغان ئارتۇقچىلىقى، ۋەزىيەتتە ئىنسانىيەت دۇچ كېلىۋاتقان مەسىلىلەرنى قاتتىق قوللۇق بىلەن ئەمەس بەلكى دىئالوگ بىلەن ھەل قىلىشنىڭ مۇھىملىقى ۋە دىنلار ئارا دىئالوگ تۇرغۇزۇشقا دائىر مەسىلىلەر ئۇستىدە توختىلىدۇ

بۇ مەككە مۇكەررەمە ھەرەم مەسچىتىنىڭ 2/11/1429ھـ 2008-يىلى 10-ئاينىڭ 31-كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ دوكتۇر سەئۇد ئىبنى ئىبراھىم ئەششۇرەيم سۆزلىگەن. بۇ خۇتبىدا قەلەمنىڭ ئىنسان ھاياتىدىكى رولى ۋە ماھىيىتى، ئاللاھنىڭ مەخلۇقاتلىرى ئىچىدە قەلەمنى ئەڭ بۇرۇن ياراتقانلىقى، قەلەم ساھىبلىرى ئاللاھنىڭ رازىلىقى بىلەن بىرگە، ھەققانىيەتنى ئۆزىگە مىيزان قىلىشى، زۇلۇم، تەڭسىزلىك، مۇستەبىتلىققا قارشى تۇرۇشى كېرەكلىكى، قەلەم بىلەن ئىلىم-پەننىڭ ئەۋلادلارغا مىراس قالدۇرىدىغانلىقى، قەلەم باتىلغا قارشى تۇرۇشتا شەمشەر قىلىچقا ئوخشايدىغانلىقى قاتارلىقلار توغرىسىدا توختىلىدۇ.

بۇ مەككە مۇكەررەمە ھەرەم مەسچىتىنىڭ 17/10/1429ھـ 2008-يىلى10-ئاينىڭ 17-كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ دوكتۇر ئۇسامە ئىبنى ئابدۇللاھ خەييات سۆزلىگەن. بۇ خۇتبىدا ئاللاھ تائالا پەيغەمبەرلەر ئارقىلىق ئىنسانىيەتكە ھاياتلىق بېغىشلاشتىكى مەقسىتىنى بايان قىلىشى، ئاللاھنىڭ نېمەتلىرىنى توغرا تەپەككۇر قىلىشقا ئىنساننى مۇيەسسەر قىلىشىنىڭ ئۆزى بۈيۈك نېمەت ئىكەنلىكى، ئاللاھنىڭ نېمەتلىرىدىن توغرا رەۋىشتە پايدىلىنىش كېرەكلىكى، جازانە، چەكلەنگەن يوللار بىلەن كەسىپ قىلىش قاتارلىقلارنىڭ ئاقىۋىتى ۋە ئىنسانىيەتكە كۆرسىتىدىغان سەلبىي تەسىرى، دۇنيادا يۈزبېرىۋاتقان ئىقتىسادى كرىزىسنىڭ ئاساسلىق سەۋەبلىرى قاتارلىق مۇھىم مەسىلىلەر ئۇستىدە توختىلىدۇ.

بۇ مەككە مۇكەررەمە ھەرەم مەسچىتىنىڭ 3/10/1429ھـ 2008-يىلى 10-ئاينىڭ 03-كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبىنى پەزىلەتلىك شەيخ دوكتۇر سەئۇد ئىبنى ئىبراھىم ئەششۇرەيم سۆزلىگەن. بۇ خۇتبىدا ياخشى ئەمەللەرنى قىلىشنىڭ پەزىلىتى، مۇسۇلمان رامزاندا ئاللاھ رازىلىقىنى قازىنىش ئۈچۈن خالىس نىيەت بىلەن ئىبادەت قىلغان ئىكەن، رامزاندىن كېيىنمۇ داۋاملاشتۇرۇشنىڭ مۇھىملىقى، كىمىكى رامزان ئۈچۈن ئىبادەت قىلغان بولسا رامزان ئېيى چىقىپ كەتتى، ئۇنىڭ چىقىپ كېتىشى بىلەن ئىبادەتنىڭ چەكلىنىپ قالمايدىغانلىقى،رامزان ئېيىنىڭ ئىگىسى بولغان ئاللاھنىڭ باشقا ئايلاردىمۇ ئەبەدىي ھاياتلىقى قاتارلىقلار ۋە شەۋۋال ئېيىدا تۇتۇلىدىغان ئالتە كۈن روزىغا ئائىت بەزى ئەھكاملار توغرىسىدا چۈشەنچە بېرىدۇ.

بۇ مەككە مۇكەررەمە ھەرەم مەسچىتىنىڭ 26/9/1429ھـ 2008-يىلى09-ئاينىڭ 26-كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ دوكتۇر ئۇسامە ئىبنى ئابدۇللاھ خەييات سۆزلىگەن. بۇ خۇتبىدا رامزاندا قىلىنغان ئىبادەتلەرنىڭ پەزىلىتى، قەدىر كېچىسى، شەۋۋال ئېيىدا ئالتە كۈن روزا تۇتۇشنىڭ پەزىلىتى، مۇسۇلمان رامىزان ئېيىنىڭ كېرىشى بىلەن خۇرسەن بولۇپ، چېقىپ كېتىشىدىن ھەسرەتلىنىدىغانلىقى، ئىنساننىڭ رامزاندىن كېيىن ياخشى ئەمەللەرنى داۋاملاشتۇرۇشقا مۇۋەپپەق قىلىنىشى رامىزاندىكى ئەمەللىرىنىڭ قوبۇل بولغانلىقىنىڭ ئالامەتلىرى دېگەن مەزمۇندا سۆزلەيدۇ.

بۇ مەككە مۇكەررەمە ھەرەم مەسچىتىنىڭ 19/9/1429 ھىجرى 2008-يىلى-09-ئاينىڭ-19 كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ سالىھ ئىبنى ئابدۇللاھ ئىبنى ھۇمەيد سۆزلىگەن. بۇ خۇتبىدا رامزاننىڭ ۋە قەدىر كېچىنىڭ پەزىلىتى، رامىزان ئېيى قۇرئان تىلاۋەت ۋە ھەر تۈرلۈك ئىبادەتلەر بىلەن ئاللاھقا يېقىنلىشىشنىڭ ئۈنۈملۈك ۋاستىسى ئىكەنلىكى، مۇسۇلمان بۇ تېپىلماس پۇرسەتنى قولدىن بەرمەستىن ياخشى ئەمەللەرنى قىلىشقا تىرىشىشنىڭ مۇھىم ئىكەنلىكى توغرىسىدا چۈشەنچە بېرىدۇ.

بۇ مەككە مۇكەررەمە ھەرەم مەسچىتىنىڭ 5/9/1429ھـ 2008-يىلى09-ئاينىڭ 05-كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ دوكتۇر سەئۇد ئىبنى ئىبراھىم ئەششۇرەيم سۆزلىگەن. بۇ خۇتبىدا رامىزان ئېيىنىڭ قۇرئان كەرىم ۋە فۇرقان ئېيى ئىكەنلىكى، قۇرئان كەرىم ئاللاھنىڭ ئۈزۈلمەس مۇستەھكەم ئارغامچىسى، توغرا يولدىن ئىبارەت زىكىر ۋە ھېكمەتلىكى. قۇرئان كەرىمدە ئىلگىرىكىلەر ۋە كېيىنكىلەر توغرىسىدا خەۋەرلەرنىڭ بارلىقى. ئۇ ھەق بىلەن ناھەقنى ئايرىيدىغان فاسىللىقى، قۇرئان كەرىم ئويۇن تاماشادىن سۆزلىمەستىن بەلكى ھەق ئۇستىگە نازىل بولغان ھەقنىلا سۆزلەيدىغانلىقى، كىمكى قۇرئان كەرىمگە ئەمەل قىلسا ساۋاپقا ئېرىشىپ ئەجىر بېرىلىدىغانلىقى، كىمكى قۇرئان كەرىم بىلەن ھۆكۈم قىلسا ئادىل ھۆكۈم قىلىدىغانلىقى، قۇرئان كەرىمگە چاقىرسا ھىدايەتكە چاقىرىدىغانلىقى، كىمكى قۇرئان ئارقىلىق ھىدايەت تەلەپ قىلسا ئاللاھ ھىدايەت قىلىدىغانلىقى، قۇرئان كەرىمدىن باشقا نەرسىنى دۇنيا-ئاخىرەتلىك ئىشلىرىدا چىقىش يولى قىلىدىكەن، ئۇنىڭ ھامان ئازىدىغانلىقى توغرىسىدا تەپسىلى چۈشەنچە بېرىدۇ.

بۇ مەككە مۇكەررەمە ھەرەم مەسچىتىنىڭ 28/8/1429ھـ 2008-يىلى08-ئاينىڭ 29-كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ ئۇسامە ئىبنى ئابدۇللاھ خەييات سۆزلىگەن. بۇ خۇتبىدا رامزاننىڭ پەزىلىتى، بۇ ئايدا ئىنسانلارنىڭ روزىغا تۇتقان پوزىتسىيىسى، ئاللاھقا تائەت-ئىبادەتنى قىزغىنلىق بىلەن قىلىش، گۇناھ-مەسىيەتتىن يىراق بولۇش، رامىزان ئېيىنى ئۈلگە قىلىپ ھاياتىنىڭ ئاخىرىغىچە ياخشى ئىشلارنى داۋاملاشتۇرۇش قاتارلىق مەسىلىلەردە چۈشەنچە بېرىدۇ.

بۇ مەككە مۇكەررەمە ھەرەم مەسچىتىنىڭ 21/8/1429ھـ 2008-يىلى 08-ئاينىڭ 22-كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ سالىھ ئىبنى ئابدۇللاھ ئىبنى ھۇمەيد سۆزلىگەن. بۇ خۇتبىدا، ئائىلە تۇرمۇشىدا بۇيرۇق چۈشۈرۈش، چەكلەش، تەھدىت سېلىش، ئىنتىقام ئېلىش دېگەندەك ئىبارىلەرنىڭ بولمايدىغانلىقى، كىشىلىك تۇرمۇشىدا تۇراقسىزلىق، ئائىلىسىدە ئىزتىراپ، قىيىنچىلىقلاردىن شىكايەت قىلغان ئادەم پەيغەمبەر ئەلەيھىسسالامنىڭ كارۋىنىغا قوشۇلۇپ، ھىدايە مۇھەممەدىيگە ئېسىلىشى كېرەكلىكى، ئائىلە تۇرمۇشىدا پەيغەمبەر ئەلەيھىسسالام ئەڭ ياخشى يولباشچى ۋە ئۈلگە ئىكەنلىكى، ھەر قانداق مەسئۇلىيەت ئىگىسى ئەر ئۆز مەجبۇرىيىتىنى دىكتاتور تۈزىمى بىلەن ئەمەس، بەلكى مېھرى-مۇھەببەت بىلەن ئادا قىلىش ۋە ئائىلە باشقۇرۇش كىرەكلىكى توغرىسىدا تەۋسىيەلەرنى قىلىدۇ.

بۇ مەككە مۇكەررەمە ھەرەم مەسچىتىنىڭ 7/8/1429ھـ 2008-يىلى 08-ئاينىڭ 08-كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ دوكتۇر سەئۇد ئىبنى ئىبراھىم ئەششۇرەيم سۆزلىگەن. بۇ خۇتبىدا، بەزى ئىنسانلارنىڭ ئالدىراڭغۇلۇق بىلەن مۇئامىلە قىلىپ ئىشلارنى بۇزۇپ قويىدىغانلىقى، بەزىلەرنىڭ بولسا سەبىر ۋە ئېغىرلىق بىلەن مۇئامىلە قىلىپ بوران-چاپقۇنلارنى يېڭىپ چىقىدىغانلىقى، ئالدىراقسانلىق ھەسرەت-نادامەتنى كەلتۈرسە، ئېغىر بېسىقلىق بولسا ئىنساننى مۈشكۈلات ۋە كىرىزىسلار ئالدىدىمۇ باش ئەگمەستىن تەمكىنلىك بىلەن ئىشلارنى ۋايىغا يەتكۈزۈشكە تۈرتكە بولىدىغانلىقى توغرىسىدا چۈشەنچە بېرىدۇ.

بۇ مەككە مۇكەررەمە ھەرەم مەسچىتىنىڭ 29/7/1429ھـ 2008-يىلى08-ئاينىڭ 01-كۈنىدىكى جۈمە خۇتبىسىنىڭ ئومۇمى مەزمۇنى بولۇپ، خۇتبنى پەزىلەتلىك شەيخ ئۇسامە ئىبنى ئابدۇللاھ خەييات سۆزلىگەن. بۇ خۇتبىدا، ئاللاھ ئەرلەرگە ئايرىم ئاياللارغا ئايرىم شەكىل، خۇسۇسىيەت ئاتا قىلغان بولۇپ، دۇنيادا ھەر بىرىنىڭ ئۆزىگە لايىق خىزمىتى ۋە ئورنى بارلىقى، ھەرقايسى تەرەپ يەنە بىر تەرەپكە ئېغىپ كەتسە، تەبىئەتنى بۇزۇپلا قالماستىن، ئىسلام ۋە مىللەت، ۋەتەننىڭ شەنىگە داغ كەلتۈرۈشى، بۇ ھەقىقەتنى چۈشەنمەسلىك بولسا، جەمئىيەتتە چوڭ بىر خەتەر ۋە بىنورماللىقنى كەلتۈرۈپ چىققاندىن سىرت، دىن ۋە مىللەت دۈشمەنلىرىنىڭ پۇرسەتتىن پايدىلىنىپ ئىسلامىي ئەخلاق، مىللى ئۆرپ-ئادەتلىرىمىزنى يوقىتىشىغا پۇرسەت يارىتىپ بېرىدىغانلىقىمىز توغرىسىدا تەپسىلى چۈشەنچە بېرىدۇ.