Les audios

yaa a seek hasan soore tafsɩɩre, ramadãan kiuugã pʋgẽ yʋʋm tus a yi la pig la a naase, pʋɩtẽng tẽnga pʋgẽ, sɩnga ne wẽnaam koεεg sẽn yeele Sʋʋratʋl kahf pʋgẽ’’ tẽeg y tõnd Wẽnd sẽn wa n yeel malεk rambã, tɩ b tiwl n kõ a ãdma............. halɩ n tog n tãag Wẽnd koεεg sẽn yeel tɩ ((La tõnd kõ a lame A Yisaka la a Yakuba, tɩ yaa paasga, la b fãa tõnd Wẽnd maan b lame tɩ b yaa nĩn-tɩrse; sʋʋratul Anbiyaa pʋgẽ

Morã goma tuub n leb wẽnd nengẽ, sẽn sõmb n yɩ toto, la ned sẽn sõm tẽeg tɩr toto, ne a zak rãmba a tuubgã poore

Morã goma : Zakã sẽn dat n yεεlga, zakã sẽn yaa waagiba, a yõodo, a sart ramba, la arzεk lanins sẽn yãkd zaka, zakã wakat, zaka yaa diina damb lanins sẽn deng taore, zaka sẽn yãkd toto, n tog n baas ne sogsg lεgsgo.

Seekã goma a waazʋ wã pʋgẽ, sẽn kẽed ne zogd lanins Lihlaam sẽn sõmb n talle, B leb n goma sũur loεεga managre, la a sẽn tõkr e lihlaam vɩɩma toto, la loεεga mangre gũusgu, la bida ramba gũusgu, b leb n goma zogdã managre, la b leb n gom nebã sẽn na n maan kaset taab zugu laahr daarã.

Morã gomame n wilg tɩ ninsaalba sũy yaa kõbga a tãabo: 1- Sũur sẽn tar laafɩ (sẽn vɩ) 2- Sũur sẽn ki 3- la sũur sẽn yaa bãada. 2- sẽn yi sũyã bãasẽ: Mag-yiibu, munaanfεglem, sũ-kĩiri, naam noglem, zẽk-n-menga, la dũni nonglem. 3- La bã-kãysã tɩɩm yaa: wẽnd kosgo, sɩd-kũuni, wẽnd la tẽntʋʋma nonglem, la wẽnnaam yʋʋr tẽegre, la al kurãan karẽngo, la bãngr baoobo, la kũum yãagre.

A gomame n wilg: Bãngr lanins sẽn tog n yɩɩd Lihlaangã pʋgẽ, sẽn yaa Ak- kurãan bãngre, la sũnna Bãngre, la daliil lanins sẽn wild sũnna gãdb sẽn yaa tɩlay, la yalla tõnd tara tʋlsm ne nusã tõom bãngr bɩɩ? la pagba bãngrã baob yõodo. La Bãngdba sẽn kõ vẽenem laning bãngrã baob zugu

B gomame n kõ vẽenem sẽn kẽed ne yεl lanins sẽn wattã: 1- Nabiyaam tik n tʋma yel-sõmde. 2- Nabiyaam tikri yerma pʋgẽ, 3- Lihlaangã zogd yaalg yaa kɩfndo.

Seekã maana waazʋ sẽn kẽed ne kũuma yelle, la nebã Alhaal-rãmb yikrã la rolbã wakat. La zãma fãa sẽn sõmb ne bũmb laninga.

Seekã wilga a waazʋ wã pʋgẽ welgr laning sẽn be nabiyaamdema ne tẽntʋʋmdema ne waliimdema sʋka, la a leb n gom neb lanins sẽn maaneb mens nabiyaam dambã yelle, b leb n goma waliimdã , b leb n tẽega zirɩ-bεb suufɩ-ramba lanins sẽn yaa maan n zʋʋk ramba sẽn wãag n doglgã.

Morã goma a waazʋ wã pʋgẽ, vẽenem laning sẽn kẽed ne yel-sɩngdsã la belgr tagsãa, la b leb n gom sabab lanins sẽn wat ne sũnna meneng nebã tũudma pʋgẽ, la b leb n gom yel-sɩngsã sẽn yɩ sabab n wane sul-wẽens la sul-menemdse.

Morã goma me n wilg lihlaam sẽn yaa soaba, la a gom wẽn-yebmgãla sũr-loεεga mangr yelle tawr tɩ d na pa yik ne tũudm ba a yen ye, la leb n wilg lihlaang sẽn dat n yεεlga, la leb n gom nabiyaam-dãmbã sẽn tall nĩdg-pãng laning dĩina tilgr wεεngẽ la b sẽn yã nang laninga, n tɩ baas ne zoe n tog dĩina tũudũm zĩigẽ yelle.

A gomame n pirs nebã tɩ b Lebs b mens wẽnnaam nẽngẽ la b bas minim wẽense sẽn pa zemsd ne lihlaagã.

A wilgame tɩ lihlaangã la dĩin sẽn yaa sɩd dĩina, la a leb n kõ daliil dãmba, a leb n goma dĩina gãd-sõngã yelle, a leb n kewa nebã n yi lihlaangã rɩk n mams ne zɩɩlmã la dĩin dãmba taabã, b tɩ baasa ne nebã saglgo tɩ b gãd nĩina sẽn sagl zogo la yεl lanĩnsa wã.

A goma yεla nu: lihlaangã hakιιka, la lihlaangã zιhlem, la lihlaangã gũusguu, la lihlaam vιιm nakẽndre ne sẽn paa lihlaama.

Morã goma n wilg salmã ningr yɩɩdlem, la a keo nebã tɩ b zãag b mens ne a sʋɩtãan daba wã, la b leb n zãag belg-m-mengã, la ned fãa keng a meng n gɩd a sʋɩtãa kõoma zĩisẽ a yõorẽ wã.

Morã sõsã rã-yũuda yembr sẽn yũ rãamã n zarb, ya ned sẽn da be alhaal sõng zugu, tɩ rãama yɩ sabab n teem-a, a leb n wilga hɩkma ning sẽn be rãama harengã pʋgẽ.

Morã goma a waazʋ wã pʋgẽ, sẽn kẽed ne yεl nins sẽn wat ne kabrã nãngo, la yεl nins sẽn tõe n tɩlg ned n yi kabrã nãngo, la ãdm biig sẽn sõmb n gεεl a meng tʋʋm toto, la doag sẽn tõe n tɩlg ned kabrã nãngã toto.

Seekã goma a waazʋ wã pʋgẽ, zogd nins wẽn-tũud buudã fãa sẽn sõmb n talle, la wẽnd gũusgu tʋʋma pʋgẽ, la wẽn-zoεεga, la Wẽnd kosgo, la Wẽn-yεεsgo:

Seekã goma a waazʋ wã pʋgẽ, sẽn kẽed ne kos doaag n kõ kiida, la yao a noloer la pʋlenga, la maan Hagiind la Umra n kõ-a, la maan sãra n kõ-a.

Seekã goma a waazʋ wã pʋgẽ, sẽn kẽed ne zɩɩlmã, a hakɩɩka, la kõbg tor tore, la a wẽengã dĩina la dũni wã zugu ,.