(1) শপত আকাশৰ আৰু যি ৰাতিত আত্মপ্ৰকাশ কৰে;
(2) আৰু কিহে তোমাক জনাব যে, ৰাতিত যিয়ে আত্মপ্ৰকাশ কৰে, সেয়ানো কি?
(3) (সেয়া হৈছে) উজ্জ্বল নক্ষত্ৰ।
(4) প্ৰত্যেক জীৱৰ ওপৰতেই এজন তত্ত্বাৱধায়ক আছে।
(5) এতেকে মানুহে চিন্তা কৰা উচিত যে, তাক কিহেৰে সৃষ্টি কৰা হৈছে!
(6) তাক সৃষ্টি কৰা হৈছে দ্ৰুতগতিত স্খলিত হোৱা পানীৰে,
(7) যিটো নিৰ্গত হয় মেৰুদণ্ড আৰু বুকুৰ মাজৰ পৰা।
(8) নিশ্চয় তেওঁ তাক ওভোতাই আনিবলৈ সক্ষম।
(9) যিদিনা গোপন বিষয়সমূহ পৰীক্ষা কৰা হ’ব,
(10) সেইদিনা তাৰ কোনো শক্তি নাথাকিব আৰু কোনো সহায়কাৰীও নাথাকিব।
(11) শপত আকাশৰ, যিয়ে বৰষুণ ধাৰণ কৰে,
(12) শপত পৃথিৱীৰ, যিটো বিদীৰ্ণ হয়,
(13) নিশ্চয় এইখন (আল-কোৰআন) হৈছে মীমাংসাকাৰী বাণী।
(14) আৰু এইখন নিৰৰ্থক নহয়।
(15) নিশ্চয় সিহঁতে ভীষণ ষড়যন্ত্ৰ কৰে,
(16) আৰু ময়ো ভীষণ কৌশল কৰিছোঁ।
(17) এতেকে কাফিৰসকলক অৱকাশ দিয়া; সিহঁতক কিছু সময়ৰ বাবে অৱকাশ দিয়া।