(1) 1. مە نووح بۆ ملەتێ وی هنارت، و مە گۆتێ ملەتێ خۆ بترسینە ژ ئیزا و عەزابا خودێ، بەری ئەو بەرهنگاری تۆفانێ ببن و د تۆفانێدا بخەندقن.
(2) 2. گۆت: هەی ملەتێ من، ئەز هەوە ب ئاشكەرایی ژ ئیزا و عەزابا خودێ دترسینم.
(3) 3. ئەز فەرمانا هەوە دكەم هوین پەرستن و عەبدینیا خودایێ خۆ ب تنێ بكەن، و پارێزكارییا وی بكەن، و گوهدارییا من بكەن.
(4) 4. دێ گونەهێت هەوە پویچ كەت، و ژییێ هەوە دێ درێژ كەت هەتا وەختەكێ دەستنیشانكری، ئەگەر ئەو وەختێ خودێ دەستنیشانكری هات، نە هوین پێش دكەڤن و نە پاش دكەڤن، ئەگەر هوین بزانن.
(5) 5. گۆت: خودێوۆ من ب شەڤ و ڕۆژ (ئانكو هەمی وەختان) گازی ملەتێ خۆ دكر بۆ ڕێكا تە.
(6) 6. بەلێ من چەند گازی وان دكر ئەو پتر ژ ڕێكا تە دویر دكەڤتن.
(7) 7. و هەر جارا من داخواز ژ وان كربایە باوەرییێ ب تە بینن، دا گونەهێت وان نەهێلی، تلێت خۆ دكرنە د گوهێت خۆڕا، و جلكێت خۆ ب سەرێ خۆدا دئینان، دا من نەبینن و دا گول من نەبن، و هەر مانە ل سەر ئێك و دویا خۆ، و ژ مەزناتی و دفنبلندی پشتا خۆ دانە باوەرییێ.
(8) 8. پاشی من ب ئاشكەرایی و بێ ترس، گازی وان كر.
(9) 9. پاشی من ب ئاشكەرایی و نەپەنی، گازی وان كر.
(10) 10. من گۆتە وان ل خودایێ خۆ بزڤڕن و ژێ بخوازن گونەهێت هەوە نەهێلیت، ب ڕاستی هەر ئەوە تۆبەیێ وەردگریت و گونەهان ژێ دبەت.
(11) 11. دێ بارانێ ل هەوە زێدەكەت، و دێ بارانێت بۆش و ل دویفئێك بۆ هەوە بارینیت.
(12) 12. و دێ مال و زاڕۆكان ل هەوە زێدە كەت، و دێ هەوە ب چەم و باغ ئێخیت، و دێ ڕویبارێت ئاڤێ دەتە هەوە.
(13) 13. هەوە خێرە هوین ب دورستی ژ خودایێ خۆ ناترسن، و قەدر و مەزناتیا هێژایی وی بۆ نادانن؟!.
(14) 14. و وی هوین د چەند قویناخاندا یێت دایین (چپكەكا ئاڤێ، پاشی پرتەكا خوینێ، پاشی پارچەیەكا گۆشتی و هۆسا...).
(15) 15. ما هوین دەستهەلاتدارییا خودایێ خۆ د چێكرنا ئەسماناندا نابینن، كا چاوا حەفت قاتێت ئەسمانان ل سەرێك نژناندینە.
(16) 16. و كا چاوا هەیڤ د ئەسمانێ دنیایێدا كرییە ڕۆناهی بۆ ئەردی، و كا چاوا ڕۆژ بۆ هەوە كرییە چرایەكێ گەش.
(17) 17. و خودێ بابێ هەوە ئادەم ژ ئاخێ چێكر، و هوین ب دویفئێخستن د ئەردیدا.
(18) 18. و جارەكا دی دێ هەوە زڤڕینیتەڤە ئەردی، و بێ گۆمان جارەكا دی دێ هەوە ژ ئەردی دەرئێخیتەڤە بۆ مەحشەرێ.
(19) 19. و خودێیە بۆ هەوە ئەرد دەشتكری و ڕانایی بۆ ژینێ.
(20) 20. دا هوین بشێن بۆ خۆ ڕێكێت بەرفرەهـ بۆ هاتن و چۆنێ و كاروانێت خۆ، د ئەردیدا ببینن.
(21) 21. نووحی گۆت: خودێوۆ وان گوهدارییا من نەكر و ب دویفزەنگین و گرەگر و كەنكەنەیێت خۆ كەڤتن، ئەوێت مال و زاڕۆكێت وان ژ سەردابرن و خوسارەتییێ پێڤەتر ل وان زێدە نەكری.
(22) 22. و پیلان و ئۆیینێت مەزن گێڕان.
(23) 23. و گۆتنە دویكەڤتییێت خۆ: پەرستییێت خۆ نەهێلن، و وەدد و سوواع و (یغوث) و یەعووق و نەسری نەهێلن (ئەڤە بوتێت وان بوون).
(24) 24. و ڤان كەنكەنە و گرەگران گەلەك مرۆڤ یێت د سەردابرین، ژ بەر ڤێ چەندێ [خودێوۆ] تو ژ خوسارەتی و گومڕایییێ پێڤەتر ل وان زێدە نەكە.
(25) 25. ژ بەر خرابكاری و گونەهكارییا وان، مە ئەو د تۆفانێدا خەندقاندن ـ پاشی دێ وان كەینە د ئاگریدا ـ و وان ژ بلی خودێ كەس نەدیت وان ژ تۆفانێ قورتال بكەت.
(26) 26. نووحی گۆت: خودێوۆ كەتێ ژ گاوران نەهێلە، ل سەر ڕوییێ ئەردی.
(27) 27. ئەگەر تو وان بهێلی دێ بەندەیێت تە د سەردابەن، و یێ ژ وان ژی ببیت دێ هەر یێ خرابكار و گاور بیت.
(28) 28. خودێوۆ تو گونەهێت من ژێ ببە، و یێت دەیبابێت من و هەر كەسێ بێتە د مالا مندا ژی ژ خودان باوەران، چ ژن چ مێر.. و ژ زیانێ و هیلاكێ پێڤەتر نەدە بەر زۆردار و گاوران.