(1) 1. دەمێ ئەسمان پرت پرت دبیت.
(2) 2. و [ئەسمانی] گوهدارییا خودایێ خۆ كر، و گوهدارییا فەرمانا خودێ ل سەر پێدڤی بوو.
(3) 3. و دەمێ ئەرد ڕاست دبیت، و چو كەند و كۆر و چیا تێدا نەمینن.
(4) 4. و ناڤ زكێ خۆ ژ مرییێت تێدا و هەر تشتەكێ دی، سەر ئەرد كر و چو د ناڤ خۆدا نەهێلا.
(5) 5. و گوهدارییا خودایێ خۆ كر، و گوهدارییا فەرمانا خودێ ل سەر پێدڤی بوو.
(6) 6. هەی مرۆڤۆ، هەر تشتەكێ تو خۆ پێڤە دوەستینی، و تو د گەل كارێ خۆ دێ چییە بەرانبەری خودایێ خۆ.
(7) 7. ڤێجا هەر كەسێ دەفتەرا خۆ ب دەستێ ڕاستێ وەرگریت [ملیاكەتا دایێ و ب دەستێ ڕاستێ وەرگرت].
(8) 8. دێ حسێبەكا سڤك د گەل ئێتەكرن.
(9) 9. و دێ ب دلخۆشی ب سەر كەس و كارێت خۆدا زڤڕیت.
(10) 10. و ئەو كەسێ ستۆیێ وی هاتە قڕاندن، و دەفتەركا كار و كریارێت خۆ ژ پشتڤە وەرگرت [وەختێ ملیاكەت دەفتەران دئینن مرۆڤێ چاك یێ ژ خۆ پشتڕاستە و كتێبا خۆ ب دەستێ ڕاستێ وەردگریت، بەلێ گونەهكار خۆ دنیاسیت دێ قەدەمێت وی شكێن و پێستركێ گریت، و یەللا دشێت ب دەستێ چەپێ وەرگریت].
(11) 11. هنگی دێ مرنا خۆ خوازیت و نفرینان ل خۆ كەت.
(12) 12. و دێ چیتە د دۆژەهێدا و ئیزایێ بینیت.
(13) 13. ئەو د ناڤ كەس و كارێت خۆدا ل سەر دنیایێ یێ دلخۆش و شاد بوو.
(14) 14. ئەوی هزر دكر ناچیتە بەر دەستێ خودێ، و جارەكا دی ساخ نابیتەڤە پشتی مرنێ.
(15) 15. نەخێر وەنینە چونكی خودێ ئاگەهداری هەمی كار و كریارێت وی بوو.
(16) 16. سویند ب سۆراتیا ڕۆژئاڤابوونێ.
(17) 17. سویند ب شەڤێ، و ب هەر تشتەكێ كۆم دكەت و دجڤینیت.
(18) 18. سویند ب هەیڤا چاردە شەڤی.
(19) 19. هوین دێ ژ ڕەوش و پەرگالەكێ چنە د ڕەوش و پەرگالەكا دیدا.
(20) 20. ڤێجا وان خێرە بۆچی ئەو باوەرییێ نائینن؟.
(21) 21. دەمێ قورئان بۆ وان دئێتە خواندن ئەو گوهدارییا وێ ناكەن، و سوجدەیێ بۆ نابەن.
(22) 22. نەبەس سوجدەیێ بۆ نابەن بەلكی ئەڤێت بێ باوەر، قورئانێ و ڕۆژا قیامەتێ دەرەو ددانن.
(23) 23. و خودێ دزانیت كا ئەو چ د دلێ خۆدا ڤەدشێرن (و كا چ د دلێ واندایە)؟
(24) 24. ڤێجا مزگینییا ئیزا و نەخۆشییەكا دژوار بدە وان..
(25) 25. ژ بلی وان ئەوێت باوەری ئینایین و كار و كریارێت قەنج كرین، خەلاتەكێ بێ ڤەبڕین بۆ وان هەیە.