(1) 1. سویند ب شەڤێ دەمێ تاریاتیا خۆ ب سەر ئەردی داددەت.
(2) 2. و سویند ب ڕۆژێ دەمێ ڕۆن دبیت.
(3) 3. و سویند ب وی، یێ نێر و مێ چێكرین.
(4) 4. [سویند ب ڤان هەمییان] ب ڕاستی بزاڤ و خەباتا هەوە ژێك جودایە، هندەك بەر ب خرابییێیە، و هندەك بەر ب قەنجییێیە.
(5) 5. ڤێجا هەر كەسێ مالێ خۆ د ڕێكا خودێدا مەزاخت، و پاشی خۆ پاراست و فەرمانا خودێ ب جهـ ئینا.
(6) 6. و باوەری ب بەحەشتێ ئینا، و كار بۆ كر.
(7) 7. ئەم دێ ڕێكا وی بۆ كار و كریارا باش خۆش كەین [ئەو ڕێكا بەرێ وی بدەتە سەرفەرازیێ].
(8) 8. و ئەڤە و هەر كەسێ قەلسی و چڕویكاتییێ بكەت، و پاكی ب خێر و خەلاتێ خودێ نەبیت.
(9) 9. و باوەری ب بەحەشتێ نەئینا، و كار بۆ نەكر و درەو دانا.
(10) 10. ڤێجا ئەم دێ ڕێكا وی بۆ كار و كریارا نەباش خۆش كەین [ئەو ڕێكا بەرێ وی بدەتە زیانێ].
(11) 11. پاشی مالێ وی بەڕەڤانییێ ژێ ناكەت و چو پاكییێ لێ ناكەت، دەمێ دمریت.
(12) 12. ل سەر مەیە ئەم ڕێ نیشا هەوە بدەین (رێیا باش دا هوین بگرن، و ڕێیا خراب دا خۆ ژێ بدەنە پاش).
(13) 13. و هەر تشتەكێ د دنیایێ و ئاخرەتێدا، د بن دەستێ مەڤەیە و یێ مەیە.
(14) 14. ڤێجا مە هوین ژ ئاگرەكێ شاریای ترساندن.
(15) 15. ئاگرەكە ژ سەرگوم و ڕێبەرزە و گاوران پێڤەتر كەس ناچیتە تێدا.
(16) 16. ئەو كەسێ باوەری ب هەقییێ نەئینایی، و درەو دانای و پشت دایییە باوەرییێ.
(17) 17. و هەر كەسێ خۆ دویری سەرگومی و ڕێبەرزەیی و گاورییێ بگریت، دێ دویری ڤی ئاگری بیت.
(18) 18. ئەو كەسێ مالێ خۆ د ڕێكا خودێدا دمەزێخیت، و دڤێت ژ گونەهان پاقژ ببیت.
(19) 19. و كەسێ ژی چو منەت ل سەر نینن، دا بۆ ب بەر بێخیت.
(20) 20. ژ بۆ ڤیان و ڕازیبوونا خودێ نەبیت، وەناكەت.
(21) 21. پاشی ئەو مرۆڤ دێ قایل و دلخۆش بیت، ب خەلاتێ خودێ.