(1) 1. ئەرێ سالۆخێ ڕۆژا قیامەتێ بۆ تە هات؟ [ئانكو ئەو سالۆخ بۆ تە هاتییە، كو دبێژنە ڕۆژا قیامەتێ (غاشیە) چونكی ترس و لەرزا وێ هەر گیاندارەكی دگریت].
(2) 2. وێ ڕۆژێ هندەك سەروچاڤ د ڕەزیل و ڕسوانە.
(3) 3. د دنیایێدا كار و كریارێت وەسا كرینە، كو ڕۆژا قیامەتێ بۆ وان ببنە ئیزا و نەخۆشی.
(4) 4. وێ ڕۆژێ ئەو دێ چنە د ئاگرەكێ شاریایدا.
(5) 5. دێ ئاڤێ ژ كانییەكا كەل و گەرم، دەنە وان.
(6) 6. وان چو خوارن نینە ژ بلی سترییەكێ گەنی و تەحل نەبیت.
(7) 7. نە مرۆڤی قەلەو دكەت، و نە برسێ دشكێنیت.
(8) 8. وێ ڕۆژێ هندەك سەروچاڤ د گەش و دلخۆشن.
(9) 9. ژ كار و كریار و خەباتا خۆ، پڕ قایلن.
(10) 10. د بەحەشتەكا بلند دانە.
(11) 11. تو تێدا ئاخڤتنا پویچ و بێ مفا نابهیسی.
(12) 12. كانیێت ئاڤ ژ بەر دچیت تێدانە.
(13) 13. تەختێت بلند و بەركەڤتی تێدانە.
(14) 14. هەروەسا پەرداغێت دانایی و ڕێزكری.
(15) 15. و بالگەهێت ڕێزكری.
(16) 16. و بەڕكێت (مەحفویرێت) ڕائێخستی تێدانە.
(17) 17. ما ناڕێننە حێشترێ، كا چاوا هاتییە چێكرن؟!.
(18) 18. و ما ناڕێننە ئەسمانی، كا چاوا بێ ستوین هاتییە بلندكرن؟!.
(19) 19. و ما ناڕێننە چیایان، كا چاوا د ئەردیدا هاتینە چكلاندن؟!.
(20) 20. و ما ناڕێننە ئەردی، كا چاوا هاتییە ڕاستكرن؟!.
(21) 21. بینە بیرا وان، بەس شیرەت و بیرئینان ل سەر تەیە.
(22) 22. دەستێ تە نە ل سەر سەرێ وانە، و تو ل سەر وان نەیێ سەردەست و زالی.
(23) 23. ئەو تێ نەبیت یێ پشت ددەتە باوەرییێ، و گاور دبیت.
(24) 24. ڤێجا خودێ دێ ئیزا و نەخۆشییا دۆژەهێ (جەهنەمێ) یا مەزن دەتە بەر وی.
(25) 25. بێ گۆمان زڤڕینا وان، هەر ب بال مەڤەیە.
(26) 26. پاشی جزادانا وان ژی، هەر ل سەر مەیە.