(1) 1. سویند ب بایێ ل دویڤ ئێك دئێت.
(2) 2. و سویند ب هوڕەبایێ هوڕ.
(3) 3. و سویند ب وان ملیاكەتێت عەوران بەلاڤ دكەن.
(4) 4. و سویند ب وان ملیاكەتێت فەرمانێت خودێ دئینن، دا ڕاستی و نەڕاستی ژێك بێنە ڤاڤارتن.
(5) 5. و سویند ب وان ملیاكەتێت وەحیا خودێ بۆ پێغەمبەران دئینن.
(6) 6. دا خەلكی هەجەتبڕ بكەن، یان دا خەلكی بترسینن.
(7) 7. ئەو تشتێ سۆز و پەیمان بۆ هەوە پێ دئێتە دان دێ هەر ئێت.
(8) 8. گاڤا ستێر ڕژیان و ڕۆناهی وان نەما.
(9) 9. و گاڤا ئەسمان كەلشت و دەرزی.
(10) 10. و گاڤا چیا ژ بن دچن و هویرهویر دبن.
(11) 11. و گاڤا وەخت بۆ پێغەمبەران هاتە دەستنیشانكرن بۆ حوكمكرنێ.
(12) 12. بۆ كیژ ڕۆژێ هاتییە پاشئێخستن؟.
(13) 13. بۆ وێ ڕۆژێ ئەوا حساب تێدا د ناڤبەرا خەلكیدا دئێتەكرن كو ڕۆژا قیامەتێیە.
(14) 14. ما تو چ دزانی، ئەو چ ڕۆژە.
(15) 15. وێ ڕۆژێ نەخۆشی و ئیزا بۆ بێ باوەرانە.
(16) 16. ما مە پێشییێت وان یێت گونەهكار د هیلاك نەبرن.
(17) 17. پاشی ما مە گونەهكارێت پشتی وان ژی، نەدانە دویڤ.
(18) 18. ئەها ئەم ڤێ ب سەرێ خرابكاران دئینین.
(19) 19. وێ ڕۆژێ نەخۆشی و ئیزا بۆ بێ باوەران بیت.
(20) 20. ما مە هوین ژ ئاڤەكا بێ بها چێ نەكرینە؟.
(21) 21. و مە ئەڤ ئاڤە كرە د جهەكێ موكومدا [كو مالبچویكە].
(22) 22. هەتا وەختەكێ دیاركری.
(23) 23. و مە شیا وی چێ كەین، و ئەم چ خۆش خودان شیانین.
(24) 24. وێ ڕۆژێ نەخۆشی و ئیزا بۆ بێ باوەران بیت.
(25) 25. ما مە ئەرد بۆ هەوە نەكرییە مرۆڤ هلگر.
(26) 26. ساخان ل سەر ڕوییێ خۆ ڕادكەت، و مرییان د زكێ خۆدا ڤەدشێریت.
(27) 27. و مە چیایێت بلند تێدا یێت چێكرین، و مە ئاڤەكا شرین و خۆش یا دایییە هەوە.
(28) 28. وێ ڕۆژێ نەخۆشی و ئیزا بۆ بێ باوەران بیت.
(29) 29. دێ بەر ب وێڤە هەڕن، یا هەوە باوەری پێ نەدئینا و درەو ددانا.
(30) 30. دێ هەڕنە بەر سیبەرا دویكێلا سێ چەق.
(31) 31. ئەو سیبەرا نە هەوە ژ گەرمێ دپارێزیت، و نە ژ گورییا ئاگرێ دۆژەهێ.
(32) 32. وی ئاگری هندە چریسك ژێ دچن، تەمەتی ئاڤاهییێت مەزنن.
(33) 33. ئەو چریسك دبنە دویڤەڕێزك، دێ بێژی حێشترێت سۆرن كەڤتینە پشت ئێك.
(34) 34. وێ ڕۆژێ نەخۆشی و ئیزا بۆ بێ باوەران بیت.
(35) 35. ئەڤە ڕۆژەكە كەسێ چو ئاخڤتن نینە.
(36) 36. و دەستویری ژی بۆ وان نائێتە دان هەجەتان بگرن.
(37) 37. وێ ڕۆژێ نەخۆشی و ئیزا بۆ بێ باوەران بیت.
(38) 38. ئەڤە ڕۆژا ژێكڤەكرنێیە، مە هوین د گەل یێت بەری هەوە، یێت كۆمكرین.
(39) 39. هەكە هەوە فند و فێلەك هەبیت بكەن.
(40) 40. وێ ڕۆژێ نەخۆشی و ئیزا بۆ بێ باوەران بیت.
(41) 41. هندی خودێترسن یێت د بن سها باغ و بیستانان، و یێت د ناڤ كانیاندا.
(42) 42. و یێت د ناڤ وی فێقیدا ئەوێ ل دویڤ دلێ وان.
(43) 43. بخۆن و ڤەخۆن، هەوە نۆشی جان بیت، ژ بەر وان كار و كریارێت هەوە كرین.
(44) 44. ئەها هۆسا، ئەم قەنجیخواز و قەنجیكەر و خۆشمرۆڤان خەلات دكەین.
(45) 45. وێ ڕۆژێ نەخۆشی و ئیزا بۆ بێ باوەران بیت.
(46) 46. د دنیایێدا بخۆن و پیچەكێ كەیفێ بكەن، هوین خرابكار و گونەهكارن.
(47) 47. وێ ڕۆژێ نەخۆشی و ئیزا بۆ بێ باوەران بیت.
(48) 48. و ئەگەر گۆتە وان نڤێژان بكەن، نڤێژان ناكەن.
(49) 49. وێ ڕۆژێ نەخۆشی و ئیزا بۆ بێ باوەران بیت.
(50) 50. ئەرێ ئەو پشتی قورئانێ، دێ باوەر ژ چ گۆتنێ كەن؟!.