(1) 1. سویند ب ڕۆژێ و ڕۆناهییا وێ.
(2) 2. و سویند ب هەیڤێ دەمێ دكەڤتە دویڤ (ژ بۆ ڕۆنكرنێ).
(3) 3. و سویند ب ڕۆژێ دەمێ ب ڕۆناهییا ڕۆژێ ڕۆن دبیت.
(4) 4. و سویند ب شەڤێ دەمێ ڕۆناهییێ هلدچنیت.
(5) 5. و سویند ب ئەسمانی، و سویند ب یێ ئەسمان دانای و ڕانای.
(6) 6. و سویند ب ئەردی، و یێ ئەرد بەرهەڤكری و دەشتكری بۆ ژینێ.
(7) 7. و سویند ب نەفسێ، و یێ نەفس بێ كێم و كاسی چێكری و دای.
(8) 8. و پاشی قەنجی و خرابی نیشا دای.
(9) 9. [سویند ب ڤان هەمییان] ب ڕاستی هەر كەسێ ئەو نەفس ژ گونەهان پاقژ كر سەرفەرازە [ڕۆژا ئاخرەتێ].
(10) 10. و دیسا ب ڕاستی هەر كەسێ نەفسا خۆ ب گونەهان كێمكر و شكاند، زیانكارە [ڕۆژا ئاخرەتێ].
(11) 11. (ثمود) پێغەمبەرێ خۆ درەوین دانا، ژ بەر دەستدرێژی و زێدەگاڤییا خۆ د گونەهاندا.
(12) 12. دەمێ یێ ژ هەمییان پیستر [و خرابتر]، ڕابوویییە سەر خۆ.
(13) 13. و پاشی پێغەمبەرێ خودێ گۆتە وان: ژ حێشترا خودێ بگەڕن و مایێ خۆ د ئاڤ و ڤەخوارنا وێدا نەكەن.
(14) 14. باوەری پێ نەئینان و درەوین دانا و حێشتر كوشتن، ڤێجا خودایێ وان ئیزا و نەخۆشی ب سەر واندا داڕێت، ژ بەر گونەها وان و هەمی دانە بەر [چونكی هەمی د هەڤپشك و هاریكاربوون د گونەهێدا].
(15) 15. خودێ ئەڤە ب سەرێ وان ئینا، و ژ دویماهیكا ڤێ ئیزادانێ ژی نا ترسیت. [ئانكو چو ترسێ ژ پاشەڕۆژا ڤێ ئیزادانێ ژی ڕاناكەت].