(1) 1. خودایێ دلۆڤان.
(2) 2. قورئان نیشا پێغەمبەری و ملەتێ وی دا.
(3) 3. [و ئەوی] مرۆڤ چێ كر.
(4) 4. [و ئەوی] ئەزمان و ئاخڤتن نیشادا [كو بشێت تشتێ بڤێت پێ دیار بكەت].
(5) 5. ڕۆژ و هەیڤ ل دویڤ حسێبەكێ [یا ب ڕێك و پێك] دگەڕن [و ب ڤێ گەڕیانێ ئەم هەژمارا هەیڤ و سالوەخەت و سالان دزانین].
(6) 6. گل و گیا [یێ بێ بن] و دار [بۆ خودێ ] سوجدەیێ دبەن [ئانكو ل بەر فەرمانا وینە].
(7) 7. و [ئەوی] ئەسمانێ بلندكری و ترازیا عەدالەتێ یا دانایی [و ئەمرێ پێ كری].
(8) 8. دا هوین نەدەنە سەر عەدالەتێ [و د كێشان و پیڤانێدا ستەمێ نەكەن].
(9) 9. [گەلی مرۆڤان] كێشانێ ب عەدالەت بكەن، و د كێشان و پیڤانێدا ترازیێ كێم نەكەن.
(10) 10. و [ئەوی] ئەرد بۆ هەمی جانەوەر و خودان ڕوحان یێ چێكری.
(11) 11. هەمی ڕەنگێت فێقی و قەسپێت خودان قەلپك، پشكۆژ یێت تێدا دایین.
(12) 12. و هەمی دەخل و دان و گل و گیایێت بێن خۆش، تێدا یێت دایین.
(13) 13. ڤێجا [گەلی مرۆڤ و ئەجنەیان] هوین كیژ نیعمەتا خودایێ خۆ درەو ددانن و پەسەند ناكەن.
(14) 14. خودێ مرۆڤ ژ ئاخەكا هشك، وەكی یا ئامانێ ئاخێ، یێ چێ كری.
(15) 15. و ئەجنە ژ گوڕییەكا بێ دویكێلا ئاگری یێت چێ كرین.
(16) 16. ڤێجا [گەلی مرۆڤ و ئەجنەیان] هوین كیژ نیعمەتا خودایێ خۆ درەو ددانن و پەسەند ناكەن.
(17) 17. [ئەو دلۆڤان] خودایێ هەردو ڕۆژهەلاتان [یا هاڤینێ و یا زڤستانێ]، و خودایێ هەردو ڕۆژئاڤایان [یا هاڤینێ و یا زڤستانێ].
(18) 18. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(19) 19. خودێ هەردو دەریایان [یا شرین و یا سویر (شۆرە)]، دگەهینیتە ئێك و تێكەلی ئێك نابن.
(20) 20. ناڤبڕەك یا د ناڤبەرا هەردوویاندا، تێكەلی ئێك نابن.
(21) 21. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(22) 22. ژ هەردو دەریایان [ل ڤێرێ مەخسەد دەریایا سویر (شۆر) ب تنێیە، و ناڤێ هەردو دەریایان هاتییە چونكی یێت پێكڤە]، لۆلۆ و مەرجان دەردكەڤن.
(23) 23. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(24) 24. و گەمییێت وەكی چیایان بلند، ئەوێت د دەریایێدا دئێن و دچن یێت وینە [ئانكو خودێیە ڤان گەمییان د گەل مەزناتیا وان، ل سەر ئاڤێ ڕادگریت].
(25) 25. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(26) 26. هەر كەسێ ل سەر ئەردی هەی، دێ چیت و نامینیت [ئانكو دێ مریت و پویچ بیت].
(27) 27. و خودایێ تە ب تنێ دێ مینیت ئەوێ خودان مەزناتی و خودان كەرەم.
(28) 28. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(29) 29. ئەوێت د ئەرد و ئەسماناندا هەین، هەمی داخوازان ژ وی دكەن، و ئەو هەر وەختەكی كارەكی دكەت.
(30) 30. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(31) 31. [ڕۆژا قیامەتێ] دێ دەستێ مە ب هەوەڕا گەهیت، گەلی مرۆڤ و ئەجنەیان.
(32) 32. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(33) 33. گەلی ئەجنە و مرۆڤان، ئەگەر هوین بشێن ژ ڕەخ و ڕویێت ئەرد و ئەسمانان [ژ قەزا و قەدەرا خودێ] دەركەڤن دەركەڤن، و هوین نەشێن دەركەڤن ب ڕێكا دەستهەلاتەكێ نەبیت [ئەو ژی یا خودێیە].
(34) 34. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(35) 35. [ڕۆژا قیامەتێ] گورییا ئاگرێ بێ دویكێل و سفرێ حەلیایی دێ ب سەر هەوەدا ئێتە داڕێتن، و هاریكارییا هەوە ژی نائێتەكرن [و هوین ب خۆ ژی نەشێن هاریكارییا ئێك و دو بكەن].
(36) 36. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(37) 37. ڤێجا وەختێ ئەسمان دكەلشیت و وەكی گولەكا سۆر، و ڕوینێ داخكری لێ دئێت.
(38) 38. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(39) 39. و وێ ڕۆژێ پسیارا گونەهێ ژ كەسێ نائێتەكرن، نە ژ مرۆڤان نە ژ ئەجنەیان [چونكی ئەو ب سەر و سیمایی دئێنە نیاسین].
(40) 40. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(41) 41. گونەهكار ب سەر و سیمایێ وان دئێنە نیاسین، و ملیاكەت دێ وان د پەرچەم و پێپلۆكێت وانڕا گرن [و ئاڤێژنە د ئاگریدا].
(42) 42. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(43) 43. ئەڤە ئەو دۆژەهە ئەوا گونەهكاران درەو ددانا.
(44) 44. ئەو [ئەوێت دۆژەهـ درەو ددانا] د ناڤبەرا ئاگرێ دۆژەهێ و ئاڤا زێدە شاریاییدا دئێن و دچن.
(45) 45. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(46) 46. و ئەوێ ترسا ڕاوەستیانێ بەرانبەری خودایێ خۆ د دلیدا، دو بەحەشت یێت بۆ هەیین.
(47) 47. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(48) 48. هەردو بەحەشتان، دارێت وان ب چەق و فێقینە.
(49) 49. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(50) 50. دو كانی د ناڤڕا دچن.
(51) 51. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(52) 52. و ژ هەر فێقییەكی، دو جوین یێت تێدا هەین.
(53) 53. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(54) 54. ل سەر هندەك نڤینان یێت درێژكرینە، بەتەنێ وان ژ ئارمویشێ ستویرە، و فێقیێ هەردو بەحەشتان ژی یێ بەردەستە.
(55) 55. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(56) 56. ژنێت چاڤێت وان بەس ل زەلامێت وان، یێت تێدا، و بەری زەلامێت وان، دەستێ كەسێ نەگەهشتییە وان، نە ژ ئەجنە و نە ژ مرۆڤان.
(57) 57. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(58) 58. دێ بێژی (ئەو ژنێت ژێگۆتی) یاقووت و مەرجانن.
(59) 59. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(60) 60. و قەنجیێ، چو خەلات ژ قەنجییێ پێڤەتر نینن.
(61) 61. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(62) 62. و ژ بلی وان هەردو باخچەیان، دو باخچەیێت دی ژی یێت هەین.
(63) 63. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(64) 64. و هەردو ژی كەسكەكێ تارینە.
(65) 65. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(66) 66. و د وان هەردو باخچەیاندا، دو كانی یێت هەین بەردەوام دزێن، و ئاڤ ژ بەر وان دچیت.
(67) 67. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(68) 68. هەمی ڕەنگێت فێقی و دارقەسپ و هنار یێت تێدا.
(69) 69. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(70) 70. و ژنێت ڕەوشت پاك و جوان یێت تێدا.
(71) 71. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(72) 72. ئەو پەری چاڤگر و چاڤڕەشن، و د چادرێت خۆدانە.
(73) 73. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(74) 74. و بەری زەلامێت وان، دەستێ كەسەكێ نەگەهشتییە وان، نە ژ ئەجنە و نە ژ مرۆڤان.
(75) 75. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(76) 76. پالا وان [بەحەشتییان] یا ل بالیفكێت كەسك، و مەحفویرێت جوان و ب ڕویشی.
(77) 77. ڤێجا هوین كیژ نیعمەتا خودایێ خۆ درەو ددانن و پەسەند ناكەن.
(78) 78. پیرۆزە ناڤێ خودایێ تە، یێ خودان مەزناتی و خودان كەرەم.