(1) 1. بخوینە ب ناڤێ خودایێ خۆ، یێ هەر تشتەك چێكری.
(2) 2. ئەو خودایێ مرۆڤ ژ خوینپارەیی چێكری.
(3) 3. بخوینە خودایێ تە، ژ هەر كەسەكێ بەخشندەتر و كەرەمدارترە.
(4) 4. ئەو خودایێ مرۆڤ ب ڕێكا قەلەمی ( خامە و پێنووسی) فێری نڤێسین و زانستێ كری.
(5) 5. مرۆڤ فێری وی تشتی كرییە، یێ مرۆڤ ژێ بێ ئاگەهـ.
(6) 6. نەخێر بلا كەرەمێت خودێ ژ بیر نەكەن، ب ڕاستی مرۆڤ د سەردا دچیت و ژ ڕێ دەردكەڤیت.
(7) 7. دەمێ خۆ دەولەمەند و بێ منەت دبینیت.
(8) 8. بێ گۆمان زڤڕین هەر بۆ نك خودایێ تەیە.
(9) 9. ئەرێ تە دیت ئەو كەسێ ڤیایی ڕێكێ بگریت
(10) 10. ژ بەندەیەكێ هەكە ببینیت نڤێژێ دكەت. [ئەڤ ئایەتە دراستا ئەبی جەهلدا هات، دەمێ سۆز داییە هەڤالێت خۆ هەكە ئەو پێغەمبەری (سلاڤێت خودێ ل سەر بن) ل كەعبێ ل سەر نڤێژی ببینیت دێ پاشڤە بەت و پێ خۆ دانیتە سەر ستۆیێ وی و پشتی هاتی نێزیكی پێغەمبەری بووی(سلاڤێت خودێ ل سەر بن) زوی ترساندا پشت و پشت ڤەگەریا گۆتنێ: ها تە چو گوتبوو و تە چو كر گۆت: ب خودێ خەندەكەكا ئاگری كەڤتە دناڤبەرا من و ویدا ئەز ترسیام و پاشڤەزڤریم]
(11) 11. بێژە من، ئەگەر ئەو كەسە ل سەر ڕێكا ڕاست بایە.
(12) 12. یان ژی داخوازا خودێترسی و پارێزكارییێ كربایە [ما ئەڤە بۆ وی چێتر نەبوو].
(13) 13. بێژە من كەسێ د ڕێكا كرنا نڤێژێدا ڕاوەستیایی، و باوەری نەئینایی و پشتا خۆ دایییە باوەرییێ، ما ژ خۆ ناترسن خودایێ مەزن ئیزایەكێ ب سەر واندا داڕێژیت؟.
(14) 14. ئەرێ ما ئەو نوزانیت و نەزانییە، خودێ وی دبینیت؟.
(15) 15. نەخێر بلا وەنەكەت، سویند ئەگەر ژ خۆڤە نەبیت [و دەست ژ دژمنكارییا دینی بەرنەدەت]، ئەم دێ وی د پۆرچكا ویڕا گرین، و بەر ب دۆژەهێ ڕاكێشین.
(16) 16. پۆرچكا درەوینا گونەهكار.
(17) 17. و پاشی بلا گازی دەستەك و جڤاتا خۆ بكەت.
(18) 18. ئەم ژی دێ گازی زێرەڤانێت دۆژەهێ كەین.
(19) 19. نەخێر، گوهێ خۆ نەدێ و نڤێژێت خۆ بكە، و خۆ بۆ خودایێ خۆ داچەمینە، و ب گوهدارییێ خۆ نێزیكی وی بكە.