(1) 1. سویند ب ڤی باژێری [كو مەكەهە].
(2) 2. و تو یێ د ڤی باژێریدا.
(3) 3. و دیسا سویند ب باب و زارۆكێت وی. [ئانكو ب ئادەمی و دویندەها وی]
(4) 4. ب ڕاستی مە مرۆڤێ چێكری ژ كەڤت و ڕەفت و نەخۆشیێ، [و د دنیایێدا باش و خراب د هەڤپشكن، د دیتنا نەخۆشی و وەستیانێدا ب كارێ تەنگاڤی و خەمخۆارنێ].
(5) 5. ئەرێ مرۆڤ هزر دكەت كو كەس نەشێتێ.
(6) 6. ب شانازیڤە دبێژیت: من گەلەك مال یێ مەزاختی [و من گەلەك مال یێ هەی].
(7) 7. ما هزر دكەت كەس وی نابینیت، ئانكو یا ژ ویڤە، خودێ وی نابینیت و پسیارێ ژێ ناكەت [كا ئەو مال ژ كیڤە ئینایە، و د چ دا مەزاختییە؟!].
(8) 8. ما مە ڕوی و چاڤ نەدایینێ.
(9) 9. و ما مە ئەزمانەك و دو لێڤ نەدایینێ.
(10) 10. و ما مە هەردو ڕێك [یا قەنج و یا خراب] بۆ ئاشكەرا نەكرینە و نیشا نەداینە.
(11) 11. بلا ژ ئاستەنگێ ببۆریت [و گەلەك مرۆڤ ژ ئاستەنگان نەبۆرین ـ ئەو ئاستەنگێت ڕێكا وان ژ سەرفەرازییێ ددا پاش ـ و ڕێكا سەرفەرازییێ نەگرتن].
(12) 12. و ما تو چ دزانی كا ئەو ئاستەنگ چییە؟
(13) 13. گەردەن ئازاكرنە.
(14) 14. و ناندانە د ڕۆژا برسێدا.
(15) 15. بۆ سێوییێ ژ خزم و خوینا مرۆڤی.
(16) 16. یان بۆ بەلنگازەكێ دەست تەنگ.
(17) 17. پاشی ژ وان بیت ئەوێت باوەری ئینایین، و هەڤدوو ب بێنفرەهی و دلۆڤانییێ شیرەت دكەن.
(18) 18. ئەها ئەڤەنە دلخۆش و بەختەوەر [كتێبا خۆ ب دەستێ ڕاستێ وەردگرن].
(19) 19. و ئەوێت باوەری ب قورئانێ نەئینایین، ئەون بەخت ڕەش و دل نەخۆش [كتێبا خۆ ب دەستێ چەپێ وەردگرن].
(20) 20. د ناڤ ئاگرەكێ دادایی دانە، و هەمی ڕەخێت ئاگری ل وان یێت دائێخستینە [و ب چو ڕەنگان هیڤی نینە ژێ دەركەڤن].