(1) 1. سویند ب تێشتەگەهێ.
(2) 2. و سویند ب شەڤێ، دەمێ هەمی گیاندار تێدا ڤەدهەسن، و بێنا خۆ ڤەدكەن.
(3) 3. خودێ پشتا خۆ نەدایییە تە، و كەرب ژ تە ڕانەكرییە.
(4) 4. دویماهی بۆ تە ژ پێشییێ چێترە [ئەڤە مزگینییە بۆ بەردەوامیا پێغەمبەرینیێ].
(5) 5. ڤێجا خودێ دێ هندێ دەتە تە، هەتا تو پێ قایل دبی.
(6) 6. ما تو سێوی نەدیتی، و تو ڤەحەواندی.
(7) 7. و ما تو شەپرزە نەدیتی، و ڕێ نیشا تە دا.
(8) 8. و ما تو دەستكورت نەدیتی، و تو بێ منەت كری.
(9) 9. ڤێجا تو ژی، سێوی ڕسوا نەكە و نەئێشینە.
(10) 10. و خواستەكی (و خوازخازوكی) پاشڤە نەبە.
(11) 11. و تو هەر بەحس و دابێشا خێر و كەرەما خودایێ خۆ بكە، و پێ باخڤە و د جهێ وێ یێ پێدڤیدا ب كاربینە.