(1) 1. دەمێ ئەسمان دكەلشیت و دكەڤیت.
(2) 2. و دەمێ ستێر دكەڤن و دپرتكن.
(3) 3. و دەمێ دەریا هەمی دپەقن، و هەمی دبنە ئێك دەریا.
(4) 4. و دەمێ گۆڕ سەرێك و بنێك دبن، و مرۆڤ ب سەردكەڤن و ژێ دەردكەڤن.
(5) 5. هنگی هەر ئێك دێ زانیت كا چ ل پێشییا خۆ كرییە، و چ ڕێكا باش یان یا خراب ب پاش خۆڤە هێلایە.
(6) 6. هەی مرۆڤۆ چ تو د سەردابری، تو ڕێكا خودێ نەگری.
(7) 7. ئەو خودایێ بێ كێماسی و ڕاست و دورست تو چێكری.
(8) 8. ئەو خودایێ تو د وێنەیەكێ لێكدایدا كو وی ڤیایی، تو چێكری.
(9) 9. نەخێر... هوین پشتا خۆ ددەنە ڕۆژا جزادانێ، و باوەرییێ پێ نائینن و هوین درەو ددانن.
(10) 10. و ب ڕاستی هندەك ملیاكەت د زێرەڤانن ل سەر نڤێسینا كار و كریارێت هەوە.
(11) 11. ئەو هندە ملیاكەتێت خودان ڕێز و ڕویمەتن، هەر تشتەكێ هوین بكەن دنڤێسن.
(12) 12. دزانن و دنڤێسن، یا هوین دكەن.
(13) 13. هندی چاك و خودێناسن، دێ د خۆشیان و د بەهەشتێدا بن.
(14) 14. و هندی گونەهكار و خرابیخوازن، دێ د ئاگرێ دۆژەهێدا بن.
(15) 15. ڕۆژا جزادانێ دێ چنە تێدا.
(16) 16. ب چ ڕێكان ژێ ڕزگار نابن و نەشێن ژێ برەڤن، و هەروهەر دێ تێدا بن.
(17) 17. تو چ دزانی ڕۆژا جزادانێ یا چاوایە؟.
(18) 18. دیسا تو چ دزانی ئەو چ ڕۆژە؟.
(19) 19. ئەو ڕۆژەكە كەس مفای ناگەهینیتە كەسێ، و نەشێت بەڕەڤانییێ ژێ بكەت، و وێ ڕۆژێ فەرمان فەرمانا خودێیە و بەس.