(1) 1. سویند ب وی ئەسمانی، یێ ستێر لێ خودان جهـ و قویناخ.
(2) 2. و سویند ب وێ ڕۆژا ژڤان پێ هاتییە دان (كو ڕۆژا قیامەتێیە).
(3) 3. و سویند ب وان یێت شادەیییێ ددەن، و ب وان یێت شادەیی بۆ وان دئێتە دان.
(4) 4. خودانێت خەندەكێ ژ ڕەحم و دلۆڤانییا خودێ هاتنە دویرئێخستن.
(5) 5. خودانێت ئاگرێ ب داردوی.
(6) 6. دەمێ ئەو ل دۆر ئاگری د ڕوینشتی.
(7) 7. و وان نێزیك سەرپەرشتیا ڤێ نەخۆشییێ دكر، و ددیتن كا چ ب سەرێ وان باوەرداران دهات و بەرێ خۆ ددانێ.
(8) 8. ئەوان ئەڤ ئیزایە دا بەر وان ب تنێ، ژ بەر هندێ بوو چونكی وان باوەری ب خودایێ دەستهەلاتدار و هێژای سوپاسییێ ئینابوو.
(9) 9. ئەو خودایێ ملك و پاشاتیا ئەرد و ئەسمانان د دەستدا، و ئاگەهدار ب هەر تشتەكی.
(10) 10. بێ گۆمان ئەو كەسێت خودان باوەر، چ ژن چ مێر، ئیزاداین و سۆتین، و ل خۆ نەزڤڕین، ئیزایا دۆژەهێ و ئیزایا سۆتنێ بارا وانە.
(11) 11. و ئەو كەسێت باوەری ئینایین و كار و كریارێت قەنج كرین بەحەشتا گەلەك جۆ و ئاڤ د بنڕا دچن، دێ بیتە بارا وان، و ئەها ئەڤەیە سەركەڤتنا مەزن.
(12) 12. ب ڕاستی ئیزادانا خودایێ تە یا دژوارە.
(13) 13. ئەها ئەوە یێ مرۆڤی ژ چونەیێ چێدكەت، و ساخ دكەتەڤە [پشتی دمریت].
(14) 14. و ئەوە یێ گونەهان ژێ دبەت و دنخێڤیت، و ئەوە یێ بەندەدۆست.
(15) 15. خودانێ عەرشی، خودایێ پایە بلند.
(16) 16. تشتێ بڤێت، دكەت.
(17) 17. ئەرێ سوحبەت و دابێشا (بەحسێ) لەشكەری گەهشتییە تە.
(18) 18. فیرعەون و (ثمود).
(19) 19. بەلێ ئەوێت باوەری نەئینایین ژ قورەیشییان، تە درەوین ددانن.
(20) 20. و خودێ ئاگەهـ ژ وان هەیە، و دێ وان ژی وەكی لەشكەرێ فیرعەونی و (ثمود)ی تێ بەت.
(21) 21. نێ ئەڤە قورئانەكا مەزن و پیرۆز و پایە بلندە.
(22) 22. ئەڤ قورئانە د دەپەكێ پاراستیدا نڤێسییە.