(1) 1. سویند ب ئەسمانی، و وان ستێرێت ب شەڤ دەردكەڤن.
(2) 2. تو چ دزانی ئەو ستێرێت ب شەڤ دەردكەڤن چنە؟.
(3) 3. ئەو ستێرە یا تارییێ دسومیت و هلدچنیت.
(4) 4. هەر كەسەكی ملیاكەتەك دگەلە، و كار و كریارێت وی دنڤێسیت.
(5) 5. بلا هەر كەسەك بڕێنتێ، كا ژ چ هاتییە چێكرن.
(6) 6. نێ یێ ژ ئاڤەكا هلپەڕژی (بلقە) چێبووی.
(7) 7. ئەڤ ئاڤە ژ مۆركێت پشتا مێران، و ژ هەستییێ سینگێ ژنان دزێت.
(8) 8. و خودایێ مەزن ل سەر ساخكرنا وی، پشتی مراندنێ، خودان شیانە.
(9) 9. ڕۆژا هەمی نهینی ئاشكەرا دبن.
(10) 10. وێ ڕۆژێ وی مرۆڤی چو هێز و پشتەڤان نینن.
(11) 11. سویند ب وی ئەسمانێ خودان باران، و باران داڕێژ.
(12) 12. و ب وی ئەردێ خودان كەلش [گل و گیا و شینكاتی دكەلێشن].
(13) 13. ئەها ئەڤ قورئانە گۆتنەكا ڤەبڕە و جوداكەرە [حەقی و نەحەقییێ ژێك جودا دكەت].
(14) 14. و ئەڤ قورئانە ڕاستییە، یاری تێدا نینە.
(15) 15. ب ڕاستی ئەوێت بێ باوەر بوویین ، و باوەری ب ڤێ قورئانێ نەئینایین، فندوفێلان دگێڕن.
(16) 16. و من ئاگەهـ ژ وان هەیە و ئەز ژی ئویینان بۆ وان ددانم و دێ فندوفێلێت وان ب سەرێ واندا دشكێنم.
(17) 17. ڤێجا بێهنا خۆ ل گاوران فرەهـ بكە، و پیچەكا مۆلەتێ بدە وان، دێ بینی كا دێ چ ئینمە سەرێ وان.