(1) 1. ب پاك و پاقژی ناڤێ خودایێ خۆ یێ بلند بینە.
(2) 2. ئەو خودایێ هەر تشتەك چێكری، و بێ كێماسی لێكدایی و ب سەروبەر كری.
(3) 3. و ئەوێ هەر تشتەك ب كێش و پیڤان كری، و ڕێ نیشادایی.
(4) 4. و ئەوێ چەرە دایی و شینكری.
(5) 5. پاشی سەواند (هشكر)، و كرە پویشەكێ هشك و ڕەش.
(6) 6. ئەم دێ تە كەینە قورئانخوین، و تو چو ژێ ژ بیر ناكەی.
(7) 7. ئەو تێ نە، یا خودێ ڤیایی، خودێ تشتێ ئاشكەرا و نەپەنی دزانیت، و ئاگەهـ ژێ هەیە.
(8) 8. و ئەم دێ تە ب سەر ڕێكا سانەهی ئێخین [كو ئیسلامە].
(9) 9. خەلكی ب قورئانێ شیرەت بكە، ئەگەر بۆ خۆ مفایەكی ژ شیرەتێ وەربگرن.
(10) 10. و ئەو دێ مفایی ژێ وەرگریت، یێ ژ خودێ بترسیت.
(11) 11. و ئەو دێ پشتا خۆ دەتێ و گوهدارییێ لێ ناكەت، یێ ژ دل ل سەر گاورییێ.
(12) 12. ئەو كەس ژدل گاور دێ چیتە د ناڤ ئاگرێ مەزندا.
(13) 13. پاشی نە تێدا دمریت، دا ژێ ڕزگار ببیت، و نە ژی خۆشییێ تێدا دبەت.
(14) 14. ب ڕاستی ئەو كەسێ سەرفەرازە یێ خۆ ژ گونەهان پاقژ بكەت .
(15) 15. و ناڤێ خودایێ خۆ ژ دل بینیت و نڤێژان بكەت.
(16) 16. بەلێ هوین خۆشییێت دنیایێ، ب سەر ئاخرەتێ دئێخن و چێتر دبینن.
(17) 17. و ئاخرەت چێترە و خودان مانە و ب دۆمە.
(18) 18. بێ گۆمان ئەڤا بۆری، د كتێبێت بەرێدا یا هاتی، و یا هەی.
(19) 19. د كتێبێت ئیبراهیم پێغەمبەر و مووسا پێغەمبەردا.