Vlera e shtimit te agjerimit vullnetar ne muajin Muharrem

Përshkrimi

Pyetje të cilës iu është përgjigjur hoxha i nderuar Muhamed Salih El Munexhid – Allahu e ruajtë – e teksti i saj është: “A është prej synetit shtimi i agjërimit në muajin Muharrem? Ky muaj, a dallohet nga muajt e tjerë me ndonjë veçori?”

Download
Shkruani përgjegjësit të faqes

Hollësitë

    Vlera e shtimit të agjërimit vullnetar në muajin Muharrem

    ﴿ فضل الإكثار من صيام النفل في شهر المحرم ﴾

    ] Shqip – Albanian – ألباني [

    Muhamed Salih El Munexhid

    Përktheu : Driton Lekaj

    2010 - 1431

    ﴿ فضل الإكثار من صيام النفل في شهر المحرم ﴾

    « باللغة الألبانية »

    محمد صالح المنجد

    ترجمة: دريتون ليكاي

    2010 - 1431

    Pyetja: A është prej synetit shtimi i agjërimit në muajin Muharrem? Ky muaj a ka ndonjë veçori prej muajve të tjerë?

    Përgjigja:

    Falënderimi i takon Allahut ...

    Muaji Muharrem është muaji i parë i muajve hënorë dhe është një nga katër muajt ‘Hurum’ (në të cilët ndalohet lufta). Allahu i lartësuar thotë:

    “Te All-llahu numri i muajve është dymbëdhjetë (sipas hënës), ashtu si është në librin e All-llahut prej ditës kur krijoi qiejt dhe tokën. Prej tyre katër janë të shenjtë. Kjo është fe e drejtë. Pra, mos e ngarkoni (me mëkat) veten tuaj në ata (katër muaj). Luftoni të gjithë idhujtarët pa dallim, siç ju luftojnë ata juve pa dallim, e dijeni se All-llahu është me ata që ruhen (të këqijave).” (Et-Tevbe: 36)

    Buhariu dhe Muslimi transemtojnë nga Ebu Bekrete (Allahu qoftë i kënaqur me të) se Pejgamberi (paqja dhe mëshira e Allahut qofshin mbi të) ka thënë:

    “Koha është rrotulluar në formën që e kishte ditën kur Allahu krijoi qiejtë dhe tokën. Viti përbëhet prej dymbëdhjetë muajve, katër prej tyre janë ‘Hurum’. Tre janë të njëpasnjëshëm si: Dhul Kade, Dhul Hixhe dhe Muharremi dhe Rexhebi është tek. E ai është muaji që është mes Xhumades dhe Shabanit.” [1]

    Gjithashtu është vërtetuar nga i Dërguari i Allahut (paqja dhe mëshira e Allahut qofshin mbi të) se agjërimi më i vlefshëm pas Ramazanit është agjërimi i muajit Muharrem. Ebu Hurejre (Allahu qoftë i kënaqur me të ka thënë: I Dërguari i Allahut (paqja dhe mëshira e Tij qofshin mbi të) ka thënë:

    “Agjërimi më i vlefshëm pas agjërimit të muajit të Ramazanit është ai i muajit të Allahut, Muharremit dhe namazi më i vlefshëm pas farzeve është namazi i natës.”[2]

    Fjala e tij: (Muajit të Allahut) Bashkëngjitja e muajit emrit të Allahut aludon në madhërimin e tij. El Karij thotë: Se më afër është që për qëllim është i tëri muaji Muharrem.

    Por, është vërtetuar se Pejgamberi (paqja dhe mëshira e Allahut qofshin mbi të) nuk e ka agjëruar asnjë muaj të plotë përveç Ramazanit kështu që nga ky hadith kuptojmë nxitjen për shtimin e agjërimit në muajin Muharrem dhe jo agjërimin e plotë të tij.

    E Allahu e dinë më së miri.

    [1] Buhariu me nr: 3167 dhe Muslimi me nr: 1679.

    [2] Muslimi me nr: 1163.

    Kategoritë: