(1) Kaf. Ha. Ya. A'in. Sad. Su Allah i mataw kanu ma'ana nin.
(2) Niya ba i labitan kanu limunu kadnan nengka sa kanu ulipenin a si zacariyya.
(3) Su waqtu a min-dua kanu kadnan nin sa kinan-dua a masulen.
(4) Yanin pidtalu na kadnan ku sakina malubay ako den andu makapalden a benal su maputi na buk ku, na saki dala ku ma-aden na nengkataliman i dua ku. Sa di
(5) Andu kagilkan aku sa dadagen o pakatundog salaki su agama, andu su kaluma ku na bayas (di pembata)na enggiya ko abpun salka a kadnan sa wata.
(6) Sa maka-warith salaki, andu maka-warith kanu ya'cob sa kataw andu ka-nabi, (dikena kakawasan) andu baluy ka a kadnan ku a kasuwatan. (na Allah)
(7) (Tigu Allah) o zacariyya benal asekami na papeg- kalilinin nami seka(enggan nami seka) sa wata a yanin ngala na si yahya a dala sangay nina nauna pan salkanin.
(8) Tig zacariyyah- kadnan ku pann ika-aden a wata sa kaluma ku na bayas, na saki menem na nakasampaysa katuwa?
(9) Pidtalun malaa-ikat manggula den inan- pidtalunu kadnan nengka na yapan malmo kanu Allah, ka binaluy kanin paganay sa dala, namba i tanda nu kapegkagaga nu Allah, andu kaisa-isa nin.
(10) Tigu zacariyyah-kadnan ko umbalyako sa tanda (sa magingay su kaluma ku) tigu allah-yanin tanda na dika miyug edtalukanu mga taw sa taman sa telu gay. (ya tabiya na ka-tasbih)
(11) Liniyu wanin su mga taw abpun sa kan ped-sambayanganin-inigulinganin i zambayang kanu den sa mapita-malulem.
(12) (Tigu Allah) o yahya kamalika su kitab (taurat) sa mabagel, andu inenggaynami salkanin i kataw (ungangen)sa wata pan.
(13) (andu binaluy) a limu sekanin (kanu mga taw) abpun salkami (Allah)andu sutie sekanin andu na-adensa magilek sa Allah.
(14) Andu ebpiya-piya sa duwa a mimbataln, andu dala ma-aden sa tamegesena darwaka a supak sa kadnanin.
(15) Sajahatra sekanin sa kanugay akinambata lun (malilintad) andu su gay a kapatay nin, andu su kambuatin (kanu kinapatay nin) sa bibyag.
(16) Andu labit ka (muhammad) sansa kitab (qur-an) si maryam-kanu kutika a tinumangka (tinagakin) su kadakelin, sa lu mib-pawang sa gabetadan a tampal sa sebangan.
(17) Na nangaden sa maka-dalinding nin sa ginawa nin (linemambung),sinugu nami (tigu Allah) lu salkanin su jibriel a mibpalas sa manguda a mama a mapiya i palasin.
(18) Tignu maryam benal a lumindng aku sa Allah salka amayka sekana magilek sa Allah.
(19) Tignu jibriel- saki na sinugu aku nu kadnan nengka- kandu ku kanggan seka sa wata a mapiya.
(20) Tingu maryam panun i ka-aden a watasalaki sa dala aku makembil na mama andu dikena aku darwaka?
(21) Tignu jibriel manggula den inan, ugayd na pidtalunu kadnan nengka i nampambai malmo salkanin, andu balowin nami a tanda kanu mga taw andu limo abpon salkami, andu dibpelis namanggola bun.
(22) Na migkagingay (su maryam) na tinemangka sekanin sa mawatan kanu mga kadakelin.
(23) Na ginedamin su tyanin lukan lawasu kayu-kulma, (taman sa nakambata) yanin nadtalu na niya ba ka minatay aku sa dapan i niya manggula, na daladen mabanding (malabit) salaki sakalipatanan den.
(24) Na tinawagu jibriel sa tampal sa baba'sa dika pelidu i ginawa nengka, kasaben-sabenal a binaloy nu kadnannengka-san sa kababan nengka i iga pelagilay a kainuman.
(25) Andu kuyung ka i lawasa kayu-kulma anan, ka mangalubpug su unga nina mapiya a pegken.
(26) Kang ka lun, andu inum ka kanu ig, andu pakagalaw ka sa beneng, naamayka aden mailay nengka apiya sakatawa manusya na (edtaluka) i midsamaya aku sa Allah sa kab-puwasa sa dikadtalu-talu, na di aku a benal embityala saguna sa manusya?
(27) Initin su wata nin lu kanu mga kadakelin, ya pidtalunu mga taw- o maryam naitengka anan a wata na dikena paydu inan a kayayan.
(28) Seka (maryam) na suled kun na suled kani haroon, si ama nengka na dikena mawag (a mama) andu si ina nengka. (nandaw ka den anan miniling)
(29) Ini-gulinganin su wata nin, yanilan nadtal na: panun i kambityala nami sa wata a peb-puyut pamun?
(30) Tigu wata (su eisha) benal a saki na ulipen aku nu Allah inenggan aku nin sa kitab, andu binaloy aku nín a nabie.
(31) Pinam-barakata ko nin apiya enda aku makandaw, andu inid-tutumanin salaki i kad- sambayang andu kad-zakat taman sa bibyag aku pan.
(32) Kabpiya-piya sa kani ina ko, and daku nin baloya a tamegesen sa mawag.
(33) ajahatra (kalilintad) sya salaki kanu ukinambata salaki andu su gay a kapatay ku, andu gay a kambuat ku a bibyag aku.
(34) Namba si eisha a wata ni maryam a midtalu sa bantang a penduwa-duwa kanu. (kaped na pedtalu sa wata nu Allah).
(35) Dala sa Allah i mumbal sa wata nin,mahasutie sekanin, amayka aden kahanda nin na- yanin bu edtalun na pangadeng ka na ma-aden.(sapelek matabu i kangagan nin
(36) Su Allah i kadnan ku a kadnan nubun, na simbanu ka namba i lalan a matidtu a nakadsugatsa Allah.
(37) Na mimbida-bida su mga taw (kanu eisha) na sa bugan sa naraka i kanu mga kafir, kanu gay a kadalpa (kauma nilan) kanu gay a masla. (kabangkit sa dunya-kablig sa mahsar)
(38) Magaip silan kanu kakinegilan kailay-nilan- kanu gay a makatingguma silan salkami, ugayd na silan a baradusana saguna na natading silan samapayag.
(39) Pakagilek ka silan (muhammad) kanu gay a ka- anteng-anteng a napasad(ibagangap) i siksa nilan, na silana (kafir) na dala sa ginawa nilan i (masiksa) andu silan na di bangimbenal.
(40) (tigu Allah) benal a sekami i mawarithkanu lupa and su dalmin, andu syabun makam-balingan salkami. In 1 udste
(41) Labit ka (muhammad) sansa kitab (qur-an) si ebrahim, ka sekaninna benal (bantang) andu nabi sekanin.
(42) Pidtalu nin kani ama nin hee ama ku nginan kaped-simban nengka i dipakakineg, andu di pakailay, andu dala pakanggona nin salka apiya paido?
(43) Hee ama ku saben-sabenal a aden nakauma salaki a kataw a dala makawma salka, na unuti aku, katutulu ku seka sa lalan a matidtu bantang.
(44) Hee ama ku daka pedsimba sa shaitan,ka su shaitan na sinangka nin su Allah.
(45) Hee ama ko benal a kagilkan aku sa malumpak kanu siksa abpun sa Allah, na makuyog ka sa mad-tagapeda nu shaitan lusa naraka.
(46) Tigu ama ni ebrahim: nginan gabensiyan nengka i kadnan ku ebrahim? Amaykadika menda (tumelen) na rajameng ku seka, pasagadi aku, tangkay aku sa mawatan.
(47) Tignu ebrahim: su sajahatra nanget salka ipangeni ko seka sa ampun kanu kadnan ku, ka su kadnan ku na talima nin ipangeni ko.
(48) Andu ganatang ko sekanu, and su mga barahala a pedsimbanu a salakawsa Allah, andu niya ku pangenyan su kadnan ku, ka basi di aku bun makabpayan kan pangening ko sakadnan ku sa dinin taliman.
(49) Guna nin ganati silan and su pedsimban nilan a salakaw sa Allah na inenggaynami salkanin si ishaq andu su ya'cob andu umani- isa kanilan na binaloy nami a nabi.
(50) Inenggan nami silan ebpun kanu liu(sa tamuk andu wata), andu binaloy nami kanilan i labitan(badtugan) kanilan a mapulu.
(51) Labit ka (muhammad) san sa kitab (qur-an) su musa, ka sekanin na ikhlas andu sinugu sekanin andu nabi.
(52) Tinawag nami sekanin sa tampal sa kawanan nin kanu palaw,andu pinasupeg nami sekanin sa nakinegin su kadtalu nu Allah.
(53) Inenggay nami ebpn salkami su limu (su suldin a si haron) anabi a pakad-tabangainin.
(54) Andu labit ka (muhammad) san sakitab (qur-an) su ismael, ka sekanin na benal i pasadin, andu sekaninna sinugu a nabi. Qubul
(55) Pedsugunin su kaluma nin sa kad-sambayang andu kad-zakat, gasuwatanu kadnanin.
(56) Labit ka (muhammad) san sakitab anan (qur-an) su idris, ka sekanin na benal gayd i kadtalunin a nabi.
(57) A inipulu nami kanu gambetadana mapulu.
(58) Silan a mga taw a inikalimu nu Allah silan abpun a mga nabi a mga mawli ataw ni adam, andu su pinapageda nami kanu awing nu nuh. andu su mga mulyataw ni ebrahim andu su ismael andu su tinutulu nami andu pinamili nami, amayka batyan kanilan su nangalimbaban silan mga ayatan nu Allah na sa sinemujod, andu bagulyang.
(59) Nakambuat kanu ulyan nilan i mga taw a dinadag nilan su sambayang, andu yanilan inunutan na kiyuga ginawa nilan, na dibpelis naya nilan maparoli su bugan sa naraka.
(60) Ya tabiya su mid-tawbat andu nangimbenal andu minggalbek sa mga mapiya, na makaludep silan kanu surga, andu di silan madtalimbut sa apiya paydu.
(61) Mga surga a jannatu ad'n, a pib-pasado Allah kanu mga ulipen nin sa gaib, ka su Allah na matuman a benal i pasadin.
(62) Dala makinegilan sa surga amawag a kadtalu-ya tabiya na mapiya,andu kanilan i ridzqi nilan sa magabi-mapita.
(63) Entuba i surga a pawarisan nami kan mga ulipen nami a magilek sa Allah.
(64) Di kami (malaa-ikat) makatulun ya tabiya na suguwan nu kadnan nengka bu (muhammad) lekanina Allah su gasangulan d (a gay a mauli) andu su gataligkodanan (su dunya) andu su pageltanu duwa,dala kanu kadnan nengka i limpang .(malipat)
(65) Kadnanu pito lapis a langit andu su lupa andu su pageltanin, na simbanusekanin andu zabar kanu sa simba sa Allah, dala natawan nengka a sangay nu Allah.
(66) Edtalunu manusya (kafir) o matay aku na makambuat aku pamon a bibyag? (di manggola inan pedtaluni muhammad)
(67) Ngintu a di katademan nu mga manusya (kafir) i binaluy nami sekanin saunan a dala pan mabaloy na dala(bun) sekanin?
(68) Ibet kanu kadnan nengka (muhammad) na buligen nami silan kanu shaitanmauli na padalpan nami silan kanu ligid na naraka a namaka- lumpenisilan.
(69) Mauli na pamad-zenggayan i umanisa tumpuk, ka endaw i kategasa isasa Allah na lubumba bagunut ikapsanga siksa nin,
(70) Mauli na katawan nami bun kanilan i wagib lagangen (baganagen) sa naraka endu su ilaleg, endu su ped a kasiksan.
(71) Andu dala isa salkanu a di makaludep sa naraka, ka entu na hukoman nu kadnan nengka a dibpelis na kaukitan.
(72) Mauli na lepasen nami su nagilkan sa Allah, andu itagakami lusa naraka suumga baradusa sa lusak, endu mababa i kayanan nilan.
(73) Amayka batyan kanilan (kafir) su ayatan nami a mapayag, naya edtalunu mga kafir (a kawasa) kanu silan a mga mu'min (a miskinan) na endao kanu kafir atawa mu'min i mapiya i kabetadanin andu mapiya i kabuliganin?
(74) Madakel i bininasa name kanu mga taw a nangauna a silan pan i madakeli tamokin, andu mapiya i palasa kailay lun.
(75) Edtaluka (muhammad) su natading kanilan pab- peladaynu Allah andu ped-singgomananin sa limu a mapayag, kenaka ipedsiksa lun aman sag mailay nilan su inib-pasad kanilan (mabunu atawa mabyag silan) atawa ka siksa sa naraka, na katawan nilan den bantu o entain i mawag i kabetadanin, andu malubay i mga tantara nin. (sundalo nin)
(76) Andu zinggumananu Allah su nangatutulo sa tutulo, andu su inugot sa Allah, na gasama kanu egkuwanun i sangati kapiyanin kanu kadnan nengka i balasin andu kab-pawangan.
(77) Nailay nengka (muhammad) su taw a sinupakin su mga ayatan nami, andu pidtalunin i kanggan aku pamon sa tamok endu wata.
(78) Ngintu nailay nin i gaib atawa ka ngintu aden pasadilan sa Allah a minggo-ngala sa rahman?
(79) Kena ka dibpelis na isulat nami i pedtalunin andu umanan nami sekanin sa siksa.
(80) Sekami bun i mawarish kanu pedtalu nin a (tamuk endu wata) andu (tigu Allah) makauma bun salkami na isa nin bu.
(81) Minumbal silan sa kadnan a salakaw sa Allah, ka endu kanu maka-safaat kanilan
(82) Dikena, ibpalawa bu na mga barahala sa kinasimba nilan (sa barahala) andu mabaloy a semopak kanilan sa gay a mauli.
(83) Da nengka mailay (muhammad) i sinugo nami su mga shaitan lukanu mga kafir sa mapag-kawalao kanilan sa mawag.
(84) Na dika semasawi sa kasiksa kanilan, ka pembilangen nami bun su gay nilan atawa kapengginawa nilan taman kanu ajal nilan.
(85) Su gay a buligen nami su mga magilek sa Allah lusa rahman sa migkoda iganat sa kalyo nin sa qubur.
(86) Isedzeg nami su mga baradusa lusa naraka a bamelakaw a pamakainum gayd.
(87) Dala den makad-tabang (kanilan) ya tabiya na su tinumalima sa pasad abpun sa Allah.
(88) Andu pidtalu nu mga kafir i aden watanu Allah.
(89) Saben-sabenal a ungkir a masla a nadtalo.
(90) (sabap kanu kadtalu nilan) na paydu bu i di kapeg kalupetu mga langit sa namba a kadtalu nilan, andu su lupa na gabukakal, andu su mga palaw a galundus sa gagubal.
(91) Sa kinadtalu nilan sa aden watanu Allah.
(92) Dala kapatutin sa Allah i makaaden sa wata.
(93) Ka dala kanu dalem nu langit endu su lupa a dikena ulipen nu Allah.
(94) Saben-sabenal tinanudan nu Allah endu binilangin silan.
(95) Umai-isa na makauma sa Allah sa dala kapedin. (dala makadtabang lun)
(96) Benal mga mu'min a ming-galbek sa mga mapiya na pembaluwin nu Allah silan sa kag- kakalimua. (bam
(97) Pinakalmuan nami (su qur-an) ka basa nengka, ka endu kapakalilinyan nengka kanu mga magilek, andu kapa-kagilkan nengka su mga taw a di mataw sa haqq.
(98) Andu madakel i bininasa nami a mga taw a nauna kanilan, na dala isabu a maparoli nengka kanilan, atawa making kanilan a suara apiya paydu.