(1) Su naraka i makwa sa dili kapatidtu sa asadan (timbangan).
(2) Amayka kanilan i asadan na patidtun nilan.
(3) Amayka asadan atawka timbangan su kanu mga taw na dili nilan patidtun
(4) Ngintu dili matagu sa ginawa nilan i makambwat silan sa gay a mawli.
(5) Namba a gay na sangat i kasla nin (su gay a mawli).
(6) Gay a katindag nu mga taw kanu kadnan nu langun na inadan.
(7) Dikana manem su gapagitung nilan ka benal su kitab nu mga darwaka na lusa luganan (luganan a kabpawangan nilan.
(8) Dili nengka katawan (Muhammad) i luganan.
(9) Sinulatan sa bilangan na uman-isa.
(10) Su naraka i makwa nu taw a pandalabut.
(11) Silan a mga taw na dili bangimbanal sa gay a mawli.
(12) Dala mapandalbut,nya tabya na darwaka a baradusa.
(13) Amayka batyan kanilan su ayatan nu Allah na yanin kadtalu na nambumba su nangawna a mga sulat.
(14) Dikana sa mana gapagitung nilan ka silan na minangad kanu pusung nilan su galabak a kadusan.
(15) Dikana mana su kapagitung nilan ka silan a mga taw na dili nilan maylay su Allah.
(16) Mawli na lu silan malupang sa naraka.
(17) Antu pan adtalun sakanilan i nya bas u papandalbut nu.
(18) Dikana (mana su kapagitung nilan) ka banal su sinulatan kanu mga mapya taw na nakabatad sa mapulu (mapya).
(19) Dili nengka gatawan (Muhammad) u ngin a mapulu.
(20) Sinulatan a aden bilangan na uman-isa.
(21) Padsaksyan nu (mga malaa-ikat) a masikan kanu Allah.
(22) Su mga mapya a taw na dalam silan a limu.
(23) Sya silan sa kantil a mapulu (mapya).
(24) Gaylay kanu biyas nilan i kapya na gatamanan.
(25) Pab-paginuman silan sa mapya i nanam nin andu baw nin.
(26) Dinapangan sa pinakamamut sa mama-gandagaya silan.
(27) Sinimbulan sa nya den labi i kapya nin a baginuman sa surge (tasnim).
(28) Namba i baginuman nu mga taw a masikan sa Allah.
(29) Benal su mga taw a baradusa,na nya nilan galabak na adtatawan nilan su mga bamaginugut.
(30) Amayka nasagadan nilan su mga bamaginugut na pagungatan nilan.
(31) Amayka nakawma silan sa walay nilan na migkalilini silan.
(32) Upama ka maylay nilan su mga bamaginugut na nya nilan kadtalu na namba i mga taw a nangatadin.
(33) Dikana nan i kinapambwat kanu mga darwaka na silan i tumyakap kanu mga bamaginugut.
(34) Saguna a gay (gay a mawli) nadtatawan nu mga bamaginugut su mga kafeer.
(35) Sya silan kanu kantil a mapulu (mapya).
(36) Dala ini-balas kanu mga kafeer a salakaw kanu lalaw nu galbakan nilan.