(1) Dala kanu mga kafeer a tigwan sa kitab (yahudi-krityan) andu su mga mushrik i manda silan (kanu supak) taman na makawma pan sakanilan su mapayag.
(2) Su sinugu abpun sa Allah na batyan nin sakanilan su kitab a sutti (Qur’an).
(3) Nakadalam su mga kitab a mga mapya gayd.
(4) Dala abpalakan su mga taw a aden kitab nin nya tabya ,ulyan na kinawma nu sinugu lu sakanilan.
(5) Dala sinugu nami sakanilan nya tabya na simban nilan su Allah sa dalam na ikhlas a matidtu lusa Allah su agama andu itunay nilan su sambayang andu inggay nilan su zakat ka antuba i agama a matidtu.
(6) Su mga taw a aden kitab nin (yahudi-krityan) a mig-kafeer andu su mga mushrik na dalam a naraka jahannam, dili den silan makalyu, antu ba i mga taw a mawag sa langun.
(7) Su mga bamaginugut manem a minggalabak sa mga mapya na silan i mga taw a mga mapya sa langun.
(8) Nya nilan balas na surga a balagilay kanu kababan na ig a dili den makalyu nasuwatan nu kadnan silan, naswatan nilan mambu su kadnan nilan andu sub alas sakanilan. Nya makakwa sa antuba na su magilak kanu Allah.