(1) Saki (Allah idsapa ku (su Malaa-ikat) a nya nin bu galbak na samba sa Allah.
(2) Andu idsapa ku su malaa-ikat a padsed-seg sa sambel.
(3) Andu (idsapaa ku) su pambatya kanu kitab.
(4) N a saben-sabenal na kadnan nu na isa bu.
(5) Na kadnan nu mga langit andu lupa andu su pagaltan nin andu kadnan nu padsabanagn.
(6) Saben-sabenal a pib-palasan nami su langit u dunya sap alas nu mga bitun a pagkinggat.
(7) Andu ipabparahala sa shaytan a darwaka.
(8) Dili den silan maka-pakikinag lu sa pulu andu pam balanten silan sa ambala-bala.
(9) Binugaw silan, andu aden siksa nilan a tatap.
(10) 10 . Nya tabya na su bamagayas a banayab, na gatunduga na apuy abpun kanu bitun sa gatutung.
(11) 11 . Idsay ka silan (Muhammad) u silan i mabagal a binaluy atawka su binaluy nami (langit-lupa) na binaluy nami su manusya abpun sa lupa a malumikat.
(12) Nagayp ka (Muhammad) sa kapagungat nilan selaka.
(13) Andu amayka patadaman silan na dili silan tumadam.
(14) 14 . Upama aden neylay nilan a ayat na pinagumpak nilan
(15) 1 Andu nya nilan adtalun na, namba sihir a mapayag.
(16) Andukan upama matay tanu na nabaluy tanu na libubuk andu su mga tulan tanu, na makambwat tanu pan.
(17) Andu su mga kalukasan tanu a nangawna.
(18) Adtalu ka (Muhammad) uway makambwat kanu sekanu na makalusak kanu.
(19) Ka makaisa bu a kayup (kanu sanggakala) na maulay nu i katamanan nu.
(20) Andu nya nilan madtalu na , nabinasa tanu, nya su gay a kabaras.
(21) Nya ba su gay a kagkukum a pinandalbut nu (mga kafeer).
(22) (Adtalun kanu mga malaa-ikat) i bulig nu su mga kafeer andu su mga kaluma nilan andu su pad-simban nilan. (a barahala)
(23) A salakaw sa Allah, itutulu sakanilan i lalan lu sa narakka jahannam.
(24) Andu pabpalan nu silan ka madakal i bagidsa sakanilan.
(25) Na ngin nan ka dili kanu padtatabangay
(26) Saguna a gay na sinumangkup silan sa dala katagan nin.
(27) Andu adsasangula silan sa naraka sa tipwan nu isa su kaped nin.
(28) Adtalun nu mga lubay i sekanu a mga mabagal u dikana sekanu na di kami maka naraka, ugayd na inisapa nu lu sa dunya i banal kanu.
(29) Tig nu mga mabagal, di bun, ugayd na da kanu bun pangimbanal.
(30) N adala saguna bagal nami a makatabang salkanu, andu sakanu na dupang kanu bun tanan.
(31) Wajib su siksa salkitanu saguna, ka nanaman tanu langun.
(32) Sakami bu i sabap, ugayd na tadin tanu bun tanan.
(33) Silan kanu gay a mawli na pinadsimbul silan kanu siksa.
(34) Sabenal benal i sekami na maytu ba i kabpangungkayd dami ku mga balasala .
(35) Silan na amayka pidtalu sakanilan, i dala kadnan a wajib a simban nya tabya na su Allah na mimamasala silan.
(36) Andu kadtalu nilan pan i andukan ka padtagakan tanu su mga kadnan tanu sabap bus a pababayuk a bunag?
(37) Inunta na bantang i napananggitan andu pinangimbanal a nawna a mga sinugu.
(38) Sekanu na nanami nu su siksa a sangat i kasakit nin.
(39) Andu dala ibaras salakanu a salakaw kanu lalaw nu galbak nu.
(40) Nya salakaw na su mga ulipen nu Allah a pinamagel nin.
(41) Silan na aden ridzki nilan a natawan sa mapayag.
(42) Mga unga na kayu,andu silan na padsasangulay.
(43) Sa dalam na surge na na’eem.
(44) Lu kanu mga kantil silan padsasanulay.
(45) Pam-balibatan silan sa basu a baginuman a mapya i nanam nin.
(46) Na maputi palanan a kapyanan su baginuman.
(47) Dala magadam nilan a malat andu dala sakanilan i kalangut.
(48) Andu aden pan sakanilan i mga babay a nya nin bu maylay na su kaluma nin.
(49) Na pakalagid sa kaputyan na laman a nabosan.
(50) Andu adsasangula silan ka mamagidsaya silan sa dalam na surga.
(51) Nya adtalun nu isa sakanilan na aden tagapada ku lu sa dunya.
(52) Nya nin adtalun salaki na,pangimbanal nengka i gay a mawli.
(53) Amayka matay tanu andu libubuk tanu andu nalupat su mga tulan tanu na makambwat tanu pamun.
(54) Pidtalu nilan i, ngentu naylay nu bun saguna?
(55) Guna nin bagilaya na lu nin naylay sa naraka jahannam.
(56) Na nya nin madtalu na ibat sa Allah na paydu sama na makailing aku selka sa lusak.
(57) Andu upama ka dikna bus u limu nu Allah na nakamung aku den sa naraka.
(58) Na dala den kapatay tanu.
(59) Nya tabya na su nowna a kinapatay tanu lu sa dunya nan gin pan i siksa tanu.
(60) Saben-sabenal a namba i kinabadtug a masla.
(61) Su namba a upaman na wajib inggalabak su mga taw.
(62) Na ngentu antu ba i mapya atawka su kayu a zakkum.
(63) Saben-sabenal a binaluy nami i namba a kayu a fitna kanu mga kafeer.
(64) Antu a kayu na lu minatu sa naraka jahannam.
(65) Mga panga nin na mana den su ulu su mga shaytan.
(66) Saben-sabenal na pagkan silan kanu (zakkum) a dili nilan na-uta a dili malamad.
(67) Mawli na aden pan baginuman nilan i sangat i kayaw nin.
(68) Mawli na saben-sabenal a baguliyan nilan na lusa Naraka jahannam.
(69) 69 . Kagina silan na nabalatamu nilan su mga lukes nilan sa mga tadin.
(70) Silan na nya nilan bamagayasan padtuntul su ukit nu kalukasan.
(71) Andu saben-sabenal a madakal i natadin a nawna pan sakanilan.
(72) Andu saben-sabenal a sinugu nami lu kanilan i papagkagilak.
(73) Ilayka (Muhammad) upama ngin i ulyan na nanggula nu mga taw a dala pangimbanal.
(74) Nya tabya na su mga ulipan nu Allah a ikhlas.
(75) Andu saben-sabenal a tinawag nu Nuh (su Allah) na mapya gayd a tinumalima.
(76) Andu linapas nami (su nuh) andu su kadakal nin kanu batalu a masla.
(77) Andu binaluy nami su mawli a taw nin sa silan i mga nasama.
(78) Andu inisama nami selakanin i badtugan a mapya.
(79) Mahasutti nangat ka nu Nuh kanu dalam nu dunya.
(80) Saben-sabenal a maytu ba i kabalas nami kanu mga mapya a taw.
(81) Sekanin na kuyug kanu mga ulipan a nangimbanal.
(82) Mawli na pinagalad nami su madakal (a kafeer).
(83) Andu saben-sabenal a aden kanu bun kanu mga tagapada nin i sya manem kanu Ibrahim.
(84) Kanu kinasangul nin kanu kadnan nin sa pusung a sajahatra.
(85) Aden gay a pidtalu nin kani ama nin andu su mga taw nin i ngin i padsimban nu.
(86) Kalbutan a mga kadnan a salakaw sa Allah i kalilinyan nu.
(87) Ngin i kalangan nu kanu kadnan nu dunya.
(88) Minilay su (Ibrahim) kanu mga bitun.
(89) Nya nin balawa nadtalu na saben-sabenal a saki na dili gapya i ginawa ku.
(90) Na tinagak nu mga taw nin sa namangawa silan.
(91) (Su Ibrahim) na linamu kanu mga kadnan nilan (barahala) nya nin pidtalu na di kanu pagkan?
(92) Ngin na ka di kanu padtalu? (mga barahala).
(93) N antu pan ba a pinamamatay nin sa kawanan.
(94) Pidsagul manem (u nga pusung) mamagayas.
(95) Nya nin pidtalu (si Ibrahim) ngin na ka padsimban nu i sekanu bun i bagumbal lun.
(96) Andu su Allah i minaluy salakanu andu su panggalabakan nu.
(97) Nya nilan pidtalu na, tambaki nu sa kayu sa tutudan ka idtug sekanin sa apuy.
(98) 98 . Bagitungan sa mabinasa, na binaluy nami sa silan i nabinasa.
(99) Andu pidtalu nu (Ibrahim) i saben-sabenal a saki na sangulan ku su kadnan ku, ka tutulun aku nin.
(100) Kadnan ku anggayi aku sa kanu mga mapya.
(101) Pinagkalilinyan nami (kanu Ibrahim) i wata a matigkal (Esmail).
(102) Guna su pakatabang den su galabakan (Esmail) kani ama nin (Ebrahim) pidtalu nu Ebrahim, Hee wata ku sa kapadtulug ku i sumbalin ku seka, nan gin i laka?, tig nu Esmail, Hee ama anggalabak ka isugwan selka, ka maparuli aku nengka bun amayka myug su Allah lu kanu mga taw a bara-sabar.
(103) Guna su sinumangkup silan dwa, andu inibatad ni su putaw sa bakalangan nin.
(104) Na tinawag nami sa Hee, Ebrahim, sugati kaden.
(105) Ka saben-sabenal natuman nengka den su tinaginapan nengka, sekami (Allah) na maytu ba i kabalas nami kanu mga mapya a mga taw.
(106) Ka anan a nanggula na batalu na mapayag.
(107) Andu sinambyan nami su (Esmail) sa kibas a masla.
(108) Andu tinagak nami a badtugan a mapya salkanin sya kanu gangawli.
(109) Su sajahatra nan get den kanu Ebrahim.
(110) Sa maytu ba i egkabpa numbas sami ku
(111) Ka sekanin na kuyug kanu mga ulipen a nangimbanal.
(112) Andu pinakalilinyan nami salkanin su ishaq a nabi a kuyug kanu mga mapya.
(113) Andu pinambarakat nami salkanin andu su Ishaq andu mga muli a taw nilan na aden bamaginugut andu aden bun kafeer sa mapayag.
(114) 114 . Andu saben-sabenal a linanun nami su Musa andu harun.
(115) 115 . Andu linipas nami silan dwa andu su mga taw nilan kanu tyuba a masla.
(116) Andu tinabangan nami silan, na silan i tinumalaw.
(117) Andu inanggan nami silan dwa sa kitab a mapayag.
(118) Andu tinutulu nami silan dwa sa lalan a matidtu.
(119) 11 Andu inisama nami sakanilan dwa i mapya a badtugan kanu gangawli sakanilan.
(120) Su jahatra nangat kanu Musa andu kani Harun.
(121) Banal a mamba i kabalas nami kanu mga mapya a mga taw.
(122) Banal na silan dwa na kuyug kanu mga ulipan a nangimbanal.
(123) Andu su Ilyas na kuyug kanu mga sinugu.
(124) Kutika a pidtalu nin kanu taw nin, i namba ka magilak kanu bus a Allah.
(125) Ngentu ka nya nu padsimban i barahala, na ipadtagak nu su mapya gayd i kapamaluy nin.
(126) Su Allah i kadna nun a kadnan bun nu mga lukas nu a nangawna.
(127) Pinandalbut nilan, na silan ba i taw sa naraka.
(128) Nya tabya na su mga ulipen nu Allah a mga ikhlas.
(129) Andu inisama nami i mapya a bandingan salakanin kanu gangawli a mga taw.
(130) Su jahatra naget kanu ilyasin.
(131) Banal a mamba i kabalas nami kanu mga mapya a mga taw.
(132) 132 . Saben-sabenal na sakanin na kuyug kanu mga ulipan nami a nangimbanal.
(133) Andu su lut na kuyug bun kanu mga sinugu.
(134) Na linipas nami sekanin andu su kadakal nin langun.
(135) Nya tabya na su kaluma nin a nakuyug kanu mga taw a nabinasa.
(136) Mawli na bininasa nami su langun nu lyu sakanilan.
(137) Andu sekanu na padsagadan nu bun su dalpa nilan sa mapita.
(138) Andu magabi, na ngentu ka di nu kapamandapat a pikiran?
(139) Andu saben-sabenal su yunus na kuyug bun kanu mga sinugu.
(140) Su kutika a minawa sa lu mibpawang kanu bagadan sa napanu na lulan.
(141) Na sekanin (Yunus) i nambwatan nu ilayan sa sekanin i pagaldan sa lagat.
(142) Andu nilinu nu sada, salta aden padtalya salakanin.
(143) Upama ka dikana bu matagal tumasbih.
(144) Na matangan kanu tyan nu seda taman sa kabangkit sa dunya.
(145) Pinagamaw nami sekanin sya sa tadtab nu lagat sa malubay sekanin.
(146) Andu pinatu nami salkanin i kayu a kasilungan nin a makagayp.
(147) Andu sinugu nami sekanin lu kanu labi magatus ngibu a mga taw atawka subra pan.
(148) 148 . Na nangimbanal silan, na inanggan nami silan sa kalilini a taman bu kanu ajal nilan.
(149) Idsa nengka (Muhammad0 kanu mga kafeer u kanu kadnan nengka su mga babay na kanilan su mga mama.
(150) Atawka kinabaluy nami kanu mga malaa-ikat na ngentu nadsaksyan nilan i mga babay su malaa-ikat?
(151) Saben-sabenal na nya nilan bun madtalu na kalbut nilan.
(152) Na pinambata nilan su Allah na silan na sangat i kalbut nin.
(153) Sa nya kun pinamili nu Allah na su mga babay kanu mga mama.
(154) Dala selkanu i kapangukum sa dala nu maylay.
(155) Ngetu di kanu den ma-indaw agkatulangad?
(156) Atawka aden tindeg nu a mapayag. (Kanu padtalun nu).
(157) Pambwat nu i kitab nu amayka banal kanu.
(158) Andu inumbalan nu mga mushrik sa kabpagalya nilan kanu jin, na saben-sabenal a katawan nu jin su mushrik na padsiksan sa naraka.
(159) Mahasutti su Allah kanu langun na kadtalu nilan a supak.
(160) Nya tabya na su mga ulipen nu Allah a mga ikhlas.
(161) Na saben-sabenal sekanu andu su padsimban nu (barahala).
(162) Dla selakanu i mabinasa nu apya isa-kataw bu.
(163) Nya tabya na su mga taw a pakaludap sa naraka a jaheem.
(164) Andu dala isa sa lakitanu a dikna aden simban nin a natawan nin.
(165) 165 . Andu sakitanu na padsaf tanu sa sambayang.
(166) Andu sakitanu na pad-tasbih tanu.
(167) Andu saben-sabenal na nya nilan pan kadtalu na,
(168) Upama mana bu ka aden salkitanu i kitab abpun kanu nangawna
(169) Na mabaluy tanu a ulipen nu Allah a mga ikhlas.
(170) Na sinupak nilan bun, na dili abpalis na katawan nilan.
(171) Andu saben-sabenal a nawna den kalmia nami kanu mga ulipan nami a mga sinugu.
(172) Na saben-sabenal a silan (mga sinugu) na silan i padtabangan.
(173) Andu su sundalu nami (bamaginugut) na silan i tumaban.
(174) Pasagadi ka silan a mga kafeer sa taman a dipan gabunu silan.
(175) Andu ilayka su siksa sakanilan, ka dili abpalis na maylay nilan bun.
(176) Ngentu ka padtagadaan nilan su siksa nami sakanilan.
(177) Na amayka nakatulun kanu lama-lama nilan na mawag den i katamanan nu mapita nu mga taw a pinakagilkan a dala kagilaki.
(178) Pasagadi ka silan s ataman a dika pan gasugu sa kabunu sakanilan.
(179) Andu ilayka su siksa, ka dili abpalis na maylay nilan bun.
(180) Mahasutti su Allah a kadnan nengka a kadnan a mapulu kanu langun nu kadtalu nilan a kadusan a masla.
(181) Andu su jahatra na nanget kanu mga sinugu
(182) Andu puji nu su Allah a kadnan nu langun na dunya.