(1) Ha-Mim, su Allah i mataw kanu ma’ana nin.
(2) Saki (Allah) idsapa ku su kitab a mapayag.
(3) Saben-sabenal initulun nami (su Qur’an) kanu magabi a barakat,saben-sabenal a ipapagkagilak kanu mga taw.
(4) Su namba a magabi i bagatulan su manggula nu mga taw kanu salgun.
(5) A kabpagatul abpun salakami ka sakami i padsugu.
(6) Limu abpun sa kadnan nengka (Muhammad), ka saben-sabenal a sekanin a (Allah) i pakikinag a mataw.
(7) Kadnan nu mga langit andu su lupa andu su pagalatan nu dwa antu amayka ipadtagu nu sa ginawa.
(8) Dala kadnan nya tabya su Allah, a banguyag a bangimatay, ka kadnan u sekanu andu su mga lukas nu nangawna.
(9) Ugayd na pandwa-dwa silan a pandadalmat bu silan.
(10) Angapi ka (Muhammad) su gay a kambwat nu langit sa bal( adtagabal) a mapayag.
(11) Gabawsan su mga taw,namba a siksa a masakit.
(12) Kadnan nami iyawa nengka i siksa a nya ka saben-sabenal a mangimbanal kami den.
(13) Dala kagaga nin sui man kanu kawma nu siksa na saben-sabenal a nawma bun silan nu sinugu a mapayag.
(14) Mawli na dala pinatagan nilan 9sa sinugu) andu pidtalu nilan i bamandu sa (Qur’an na buneg.
(15) Saben-sabenal na iyawa nami sa paydu su siksa kadsalumanan nu bun i kadupangan.
(16) Aden gay a madsima ku su bagal nu Allah a masla, ka saben-sabenal a simawp kami.
(17) Andu saben-sabenal a finitna nami bun su nawna sakanilan a mga taw ni fir’awn, andu nakawma bun sakanilan i sinugu a mapulu (su musa).
(18) (Pidtalu nin) i taliman nu su anggaga-isa ku salakanu a mga ulipan nu Allah, ka sinugu aku a kasaligan.
(19) Andu dinu pabpapaluwi su Allah, ka aden tindag ku a mapayag.
(20) 20 . Andu lumindung aku sa kadnan ku a kadnan nu bun sa kabamalantay nu.
(21) Andu amayka dili kanu mangimbanal salaki, na dia aku nuden balingasa.
(22) Nangani kanu kadnan nin na silan a mga taw na darwaka.
(23) Paganat ka su mga ulipan ku kanu magabi, ka saladen kanu ni (fir’awn).
(24) Andu itagak nengka su lagat sa andaw i palas nin (padtana a malingaw) ka makagalad silan.
(25) Ngin den i kadakal i natagak nilan a mga surge abdu mga buwal.
(26) Andu pamulan andu padtindagan a mapulu (mga taw ni fir’awn)
(27) Andu limu a pagkalilinyan nilan.
(28) Mamba i nanggula na pinawarisan nami su dalapa nilan sa salakaw a mga taw.
(29) Andu dala bun silan ulyangi nu langit andu su lupa andu dala den makakisu sa apya paydu su tyuba sakanilan.
(30) Andu saben-sabenal a linipas nami su tupu nu Israel kanu siksa(fir’awn) a pakabinasa sakanilan.
(31) Kagina si fir’awn na mabpapulu (migkadnan) na nabaluy sakanin a nakasagad i palangay nin sa kumpasan.
(32) Andu saben-sabenal a pinamili nami silan (Israel) sa kataw nami kanu dunya.
(33) Andu inanggan nami silan sa mga ayat a batalu a mapayag.
(34) Saben-sabenal su mga taw (sa makkah) na nya nilan kadtalu na.
(35) Nya bub a i kawyag tanu, dili tanu den makambibiyag sa ulyan a kapatay tanu.
(36) Pambwat nu su mga lukas nami amayka banal a sinugu kanu.
(37) Ngintu silan pan i mapya kanu mga taw a nawna sakanilan a bininasa nami silan, kagina silan a mga taw na darwaka.
(38) Andu dala kanu kinabaluy nami kanu mga langit andu lupa, andu su pagaltan nin sa mindadalamat kami bu.
(39) Na dala kinabaluy nami kanu langit andu su lupa nya tabya na bantang,ugayd na nya madakal i kanu mga taw i dili mataw.
(40) Saben-sabenal su gay a kagkukum i waktu nilan langun.
(41) 41 . Gay a dala katagan nu kadsulad ,kabpakat apya paydu andu dala makadtabang sakanilan.
(42) Nya tabya na su inikalimu nu Allah a mapulu a malimu.
(43) Saben-sabenal su kayu a zaqqum
(44) I pagkan nu mga taw a baradusa.
(45) A mana bun sabu na lana sya sa tiyan.
(46) Sa mana bun kapadsabu na ig a sangat i kayaw nin.
(47) (nya pidtalu) kwa nu su baradusa ka isumak ku san sa naraka jahannam.
(48) Mawli na bubway nu su ulu nin kanu siksa a sangat i kayaw nin.
(49) (adtalun sakanilan) nanami ka, ka seka i pamamasla a pabpapapulu.
(50) Ka saben-sabenal nyaba su siksa a pandwa-dwa kanu.
(51) Saben-sabenal su magilak (sa Allah) na lu silan sa padtindagan a dala lingasa nin.
(52) Kanu mga surga andu mga buwal.
(53) Pambalagkas silan sa mga sundus a pagkinggat a padsasangulay silan.
(54) Andu pinagkaluma silan sa mga bidadari.
(55) Pandayan silan sa mga unga na kayu a sajahatra.
(56) Dala mananam nilan a kapatay a lyu kanu kinapatay nilan paganay, andu dinalindingan silan kanu apuy sa naraka.
(57) Limu intu abpun kanu kadnan nengka, antu ba i badtugan a masla a mapya.
(58) Pinakalmu nami (su Qur’an) sa basa nengka, ka andu silan maindaw.
(59) Pagangap ka den (Muhammad) ka silan a mga darwaka na bangangapan bun silan na naraka.