(1) Saki (Allah) idsapa ku su sambal a pambayug sa libubuk.
(2) Andu su dadtam a bananggit sa ulan a mawgat.
(3) Andu su mga kapal(barku) a malmu i kabpagisag nin sa lagat.
(4) Andu su mga malaa-ikat a pambad-bad kanu mga ridzki andu ulan.
(5) Saben-sabenal su ipabpasad salakanu na banal.
(6) Andu saben-sabenal sub alas a malat-mapya na mawma.
(7) Andu su langit na aden lalan nin.
(8) Saben-sabenal sekanu na mimbida-bida i kanilan, kadtalu nin, galabak nin.
(9) Sumibay den (kanu nabi) ipadsibay.
(10) Namulkan su mga budtudan.
(11) Silan antu a mga taw a napanu na di kataw.
(12) Nya nilan idsa na kanu i kawma na gay a mawli?
(13) Gay a mapagyaw silan sa naraka.
(14) (adtalun sakanilan) i nanami nu su siksa nu, a namba su padtagadan nu lu sa dunya.
(15) Saben-sabenal su taw a magilak, na lu silan sa surge andu mga buwal.
(16) Pagkwan nilan su ibaganggay nu kadnan sakanilan, kagina silan lusa dunya na mga mapya silan.
(17) Paydu bu kanu magabi i padtulugan nilan.
(18) Andu magan mapita na pag-istighfar silan.
(19) Andu ipagawa nilan su haqq nu tamuk nilan, ibaginggay nilan kanu bangani andu su dala. (miskinan).
(20) Andu natagu sa lupa i mga tanda nu Allah kanu mga taw a dili gapinda kanu atay nilan i gay a mawli.
(21) Andu san kanu ginawa nu natanda bun, ugayd na dili nu gaylay.
(22) Andu san sa langit i ridzki nu, andu inibpasad salakanu.
(23) Ibat kanu mga langit andu lupa na banal i ridzki na dili gapitas nu taw, sa mana bun su kadtalu nin.
(24) Ngintu nakawma selaka su bityala kanu anan bisita nu Ebrahim a mga mapulu?
(25) Kutika a kinaludap nilan na nya nilan pidtalu na kalilintad, nya pidtalu nu (Ebrahim) sa kalilintad bun sa mga taw a dili ku katawan.
(26) Linu mu kani kaluma nin, nakapananggit sa sapu na sapi a pinagyaw.
(27) Inibatad sakanilan, pidtalu nin (Ebrahim) i kang kanu.
(28) Minggada-gada si (Ebrahim) kagina dili pagkan su mga bisita ni , pidtalu nila i daka kagilak ka aden mambata nu a wata agkataw.
(29) Na nakasangul su kaluma nin sa nakatakik, nabatay nin i biyas nin andu nadtalu nin i matuwa aku den.
(30) Nya pidtalu nu (malaa-ikat) man denba matuwa kaden, ugayd na pidtalu nu kadnan nengka, ka sekanin i mapandadayta a mataw.
(31) Pidtalu nu (Ebrahim) na ngin i kahanda nu a mga sinugu?
(32) Nya nilan pidtalu na, sinugu kami lu sa mga taw anan a mga darwaka.
(33) Pabpapagulanan nami silan sa watu a pinagyaw sa apuy.
(34) Aden ngala nu uman i gasugat nin abpun kanu kadnan nengka a mga taw a dupang.
(35) Pinalyu nami kanu dalpa su langun na bamaginugut.
(36) Dala nasama kanu dalpa a salakaw kanu walay nu mga muslim.
(37) Andu inisama nami i tanda nu kinabinasa nu mga taw nin kanu mga taw a kagilakan kan siksa a malipadas.
(38) Andu su Musa su kinawma nin kani fir’awn sa nakapananggit sa tanda a mapayag.
(39) Dala talima (su fir’awn) kagina aden padsaligan nin a bagal nin, andu pidtalu nin kanu musa sa sihit atawka buneg.
(40) Bininasa nami su (Fir’awn) andu su mga tagapada nin. Pinangalad nami (kanu lagat) ka dili mataw dawayan.
(41) Andu su Aa’d na inipasugat nami silan sa palanan a sambal a mabagal.
(42) Dala gasugat antu a sambal kanu langun na anggagaisa a dikana nagunsyal.
(43) Andu su thamud, pidtalu sakanilan i pamakut kanu s ataman dikanu matay.
(44) Sinangka nilan su kadnan nilan, na sinayab na kilat silan sa natakaw sa gaylay nilan bun.
(45) Na dala pakagaga sakanilan tumindag andu makadtabang.
(46) Andu su taw nu Nuh a nawna, nasugat a kadalam, ka mga faasiq silan.
(47) Andu pimbalay nami su langit sa bagal, magaga nami mapagkawlad.
(48) Andu binalat nami su lupa, na mapya gayd i kinadatal nin.
(49) Andu binaluy nami i langun anggaga-isa sa dwa ka biyas, ka andu malmu lamu i kadsukur nu.
(50) Idsangul nu su balas nu Allah, ka saki ipagkagilak na mapayag salakanu i kappa-pagkagilak.
(51) 51 . Andu dala kanu bangumbal sa kadnan a kapad, ka saki na mapayag salakanu i kapagkagilak.
(52) Saka maytu bun su mga taw a nangawna, a dala nakawma sakanilan a sinugu a dikana nya nilan kadtalu na sihir atawka buneg.
(53) Mana den inidtutuma na isa sa ped nin (bityala a maladsik) ugayd na silan a mga taw na darwaka.
(54) Pasagadi ka silan (Muhammad) ka dika bun matila u dili silan baginugut.
(55) Andu pangindaw ka, ka su indawan na makam-barapantag kanu mga bamaginugut.
(56) Andu dala kinabaluy nu (Allah) sa jina andu manusya nya tabya na kasimba sa Allah.
(57) Andu dili aku pagkwa sa ridzki sakanilan, andu dikana aku nilan pakanan.
(58) Saben-sabenal su Allah na sekanin iparidzki tigwan sa bagal.
(59) Andu aden kanu mga dupang i umun nilan a kanaraka, a mana bun umun nu mga tagapada nilan, na dili den silan mamagayas (kanu siksa, ka mawma nilan bun).
(60) Su bogan sa naraka i kanu mga kafeer, kanu gay nilan a pad-tagadan nilan sa lu pan silan sa dunya.