(1) (Su rasulallah) na nalibadtang andu tinumaligkud.
(2) Sa kinawma na taw a dili makaylay ( si Abdullah Bin Um-Maktum).
(3) Dili nengka gatawan na basi pad-sutti
(4) Atawka maindaw na aden katagan nin salakanin su indawan.
(5) Atag kanu taw a kawasa.
(6) Na ibamamantag nengka gayd.
(7) Dika matila amayka dili padsutti.
(8) Su nakawma salaka a aden apas na ginawa nin a tutulu.
(9) Na kagilakan sa Allah.
(10) Na dala nengka ipamimiyas.
(11) Nya ban a indawan/patadam (su Qur’an).
(12) Su taw a pagkyug sa mapya natadaman nin su Allah kanu langun na galabak nin.
(13) Su nya ba a indawan na lu sa mapulu (Law al Mahfuz).
(14) Dala kulang nin, dala kasimbuli.
(15) Lu kanu lima nu mga malaa-ikat.
(16) Na mapulu a mga mapya.
(17) Namulkan su manusya sabap sa ngin den a kapag-kafeer.
(18) Ngin ba i nabpunan a kinabaluy salakanin.
(19) Nakabpun sa ig ( na mama-babay) sa inukul a ridzki nin, ajal nin.
(20) Mawli na pinakalamwan sa lalan.
(21) Mawli na inimatayan sekanin sa lu nakabatad sa kubur nin.
(22) Mawli na pambuwatan sekanin.
(23) Dala nin makatunay su suguwan.
(24) Ilay nu manusya su pagkan nin.
(25) Binubwan nami sa ig.
(26) Mawli na pinambutakad nami su lupa (andu kaludapan na ig).
(27) Pinatu nami su mga lagas.
(28) Andu sui nab,andu su pagkan nu binatang.
(29) Andu su zaytun andu kayu-kulma.
(30) Andu mga pamulan a midsubing.
(31) Andu su mga pagkan andu mga binatang.
(32) Kalilinyan su sekanu andu su binatang nu.
(33) Amayka makawma su kabangkit sa dunya.
(34) Gay na palaguyan nu taw su suled nin.
(35) Andu inan nin andu ama nin.
(36) Andu kaluma nin andu mga wata nin.
(37) Uman-isa na awangin I tyugan nin.
(38) Aden mga biyas sa namba a gay a gasuwat.
(39) Padtatawa a gagalaw.
(40) Andu aden manem mga biyas sa namba a gay a malugkug.
(41) Migkaytam su mga banang.
(42) Silan su mga taw a supak sa Allah.