(1) Adtalu ka (Muhammad) sakanilan i aden nakikinag kanu kapambatya kanu jin a pidtalu nilan kanu mga tagapada nilan i nakinag nami i Qur’an a makagayp.
(2) Kapdtutulu kanu makagkapya na pinangimbanal nami andu dili kami den a balam sumakutu sa kadnan a apya mka-isa.
(3) Andu mahasutti a masla su kadnan tanu dala pamaluy sa kaluma andu wata nin.
(4) Andu nya pidtalu nu (iblis/shaytan) kanu Allah na subra a kalbutan.
(5) Andu saben-sabenal a sekami a ga-antap nami i di madtalu na manusya andu jin i kalbutan sa Allah.
(6) Andu aden (Muhammad) mama na manusya a nya nilan lindungan sa ginawa nilan na mama a jin,na kawmanan bun silan na kadrwakan.
(7) Andu silan na antapan nilan na magidsan bun kanu antapan nu sa diden mapambwat su Allah sa apya maka-isa bu(sugun a manusya atawka jin).
(8) (pidtalu nu mga jin) i saben-sabenal a kinambil nami su langit na nawma nami i napanu na pambantay a mapasang andu bitun a pagkalag.
(9) Andu sekami paganay na bamagagayan kami sa bakikinag lu sa pulu,antayn i makakinag saguna na nya nin mawma na apuy a pinagadil.
(10) Andu saben-sabenal a dili nami katawan upama mawag I kaghanda sa taw sya sa lupa,atawka nya kahanda nu Allah sakanilan sa mapya.
(11) Andu saben-sabenal a aden salakitanu i mga mapya na aden bun dikana mapya,sakitanu na ambida-bida tanu(supak/matidtu).
(12) Andu natagu sa ginawa nami i dili tanu malapas kanu kahanda nu Allah sya kanu dalpa andu dili tanu kapalaguyan.
(13) Andu saben-sabenal a guna nami making su tutulu na pinangimbanal nami,sa antayn i ,mangimbanal kanu kadnan nin na dili magilak sa kaulangan su mapya nin atawka kawmanan su kawag nin.
(14) Andu saben-sabenal a aden salakitanu i muslim andu aden bun i pandarwaka,antayn i sumangkup na silan i migkahanda sa kambantangan.
(15) Andu su mga dupan na silan ibalalag kanu naraka.
(16) Umana bu ka mid-tinidtwan silan kanu lalan (islam) na bubwan nami silan sa ridzki a malagas.
(17) Ka batalun nami silan kanu ridzki,na su taw a dili nin tadaman su kadnan nin paludapan nami kanu siksa a mapasang.
(18) Andu saben-sabenal su masgit na kanu Allah na da kanu sumakutu sa Allah sa apya makaisa.
(19) Andu saben-sabenal a guna padtindag su ulipan nu Allah (Muhammad) sa kapadsambayang nin na (silan a mga jin) na pamakadtatambaka sakab-pakikinag (kanu batyan nu rasul)
(20) Adtalu ka (Muhammad) i nya kubu simban su kadnan ku,andu diku sakutun sekanin sa apya maka-isa bu.
(21) Adtalu ka i saben-sabenal na saki na diku kagkaydan sekanu andu diku makapagkapya sekanu.
(22) Adtalu ka i,saben-sabenal a saki na dala makalapas lun a salakaw sa Allah andu dala salakaw salakanin a kalumpingan ku.
(23) Ka saki napad-sampaya kubu abpun sa Allah andu su mga hukuman nin,su taw a supakan nin su sinugu na lakanin su naraka sa diden makalyu.
(24) Taman sa amayka maylay nilan su siksa nilan na katawan nilan den u antayn i malubay i tabang nin andu paydu i bilangan nin (i mapya nin).
(25) 25 . Adtaku ka (Muhammad) i,diku katawan u masupag su siksa salakanu anayka di kanu mangimbanal,atawka aden bun binaluy nin a kawma nin.
(26) Sekanin (Allah) i mataw sa gayb,dala mataw kanu gayb nin apya sakataw,
(27) Nya tabya na su nasuwatan nu Allah a sinugu nin a paylayn nin su Mu’jizat salata na pambantayan nu malaa-ikat i kasangulan-taligkudan nilan.
(28) Ka andu nilan katawan i saben-sabenal su sinasampay nilan kanu mga ayatan nu kadnan nilan,andu langkap kanu hadapan nilan andu su langun nu angagga-isa.