(1) Ta. Sin. Mim. Su Allah i mataw kanu ma'ana nin.
(2) Nya su mga ayatan nu Qur-an a mapayag. (peb-payag sa Haqq andu Baatil)
(3) Ikalimu nengka (Muhammad) su ginawa nengka sa patana ka, kagina di silan bangimbenal.
(4) O nag-kahanda nami i patulunan nami silan abpun sa langit sa mga tanda-na di mapinda sakanilan i kadukum nilan kanu lig nilan sa kasangkup. (sa Allah)
(5) Andu dala pakawma sakanilan a Qur-an a pakatundug a dikena ya nilan anggulan na taligkudan nilan. (di nilan palityayan)
(6) Saben-sabenal a pinan-dalbut nilan i sinugu, na makawma bun sakanilan su lalaw nu kab- pagungat nilan.
(7) Di nilan gad-suliman su lupa na madakel i pinatu nami lun ambalangan a mga mapiya?
(8) Nakadalem lu ba su tanda, (a kapeg-kagaga nu Allah) andu dala bun kanu kadakelan sakanilan i kapa-ngimbenal.
(9) Andu su kadnan nengka na sekanin i mapulu a malimu.
(10) Andu labit ka (Muhammad) sakanilan su kinatawag nu Allah kanu Musa sa angay kanu sa kanu mga taw a talimbuten.
(11) Qaum nu Fir-awn sa namba ka magilek bu silan. (sa Allah)
(12) Tig nu Musa- kadnan ku bangandam aku sa pandalbuten aku nilan.
(13) Andu magaget i laleb ku andu di mapantas i dila ku, na paunuti aku kani Harun.
(14) Andu aden pan dusa ku sakanilan na bangandam aku sa bunun aku nilan.
(15) Tig nu Allah dili! Lu kanu den duwa, pananggit nu su mga ayatan nami, ka salta kami salkanu duwa, gakineg nami bun sekanu.
(16) Lu kanu sa kani Fir-awn, ka adtalu nu salkanin i sinugu kanu nu Allah a kadnan nu Alameen.
(17) (Adtalu nu) i pawnut ka salkami (Fir-awn) su tupu nu Israel.
(18) Tig nu Fir-awn dikena tinyakapan nami seka (Musa) sa manot ka pan andu nawget ka salkami. (nakatalu pulu lagun)
(19) Andu ping-galbek nengka i pinggula nengka (a kina-imatay sa taw) seka na kuyug ka kanu mga kafeer.
(20) Tig nu Musa o anggulan ku sa ulyan na nya ba (kina- sabut ku) na kuyug aku sa mga tadin.
(21) Pinalaguyan ku sekanu guna aku kagilki salkanu, na inenggan aku nu kadnan ku sa hukuman andu binaluy aku nin kanu mga sinugu.
(22) Andu limu nu Allah salaki (sa daku nengka ma- ulipen) sa kanu kab-pangulipen nengka kanu mga tupu nu Israel.
(23) Tig nu Fir-awn na antayn i kadnan nu sa dunya?
(24) 24 .Tig nu Musa- su kadnan nu mga langit andu lupa andu su pagelatan nin, amayka mangimbenal kanu.
(25) Tig nu Fir-awn kanu nakalibet salkanin-ngin nan gakineg nu bun?.
(26) Tig nu Musa-kadnan nu a kadnan nu mga lukes nu a nangawna.
(27) Tig nu Fir-awn sinugu ba nya a sinugu san salkanu na saben-sabenal a buneg.
(28) Tig nu Musa- kadnan nu sebangan andu sadepan andu su pageltanin amayka magungangen kanu.(magitung kanu)
(29) Tig nu Fir-awn amayka mumbal ka pan sa kadnan a salakaw salaki na lu ka makab-pawang sa nanga-bilanggu antu.
(30) Tig nu Musa-apya aden bun tindeg ku a mapayag?
(31) Tig nu Fir-awn pambwat ka amayka benal ka.
(32) Na pinitasan ni (Musa) su tungkat nin, na mimbaluy a nipay a mapayag.
(33) Andu pinalyu nin su lima nin a mapya ugayd kaputinin kanu pakaylay lun.
(34) Tig nu Fir-awn kanu naka-balibet lun mategel sa sihir (pakayd) a mataw.
(35) kyug nin na matagak ku i dalpa nu sa namba sihir nin anan, na ngimba i lekanu anggulan?.
(36) Tig nilan di sasawan silan andu pasugwi ka su langun na taw nu dalpa sa langun nilan.
(37) Ka andu silan makanggay sa mataw gayd sa sihir.
(38) Linimud su mga matagel sa sihir kanu waktu a napasadan.
(39) Andu pidtalu kanu mga taw i ngin nan nanga-bulig kanu den?.
(40) Ka andu tanu ya bun kaunutan su mga pasi-sihir amayka tumaban silan.
(41) Guna makawma su mga mategal sa sihir na pidtalu nilan kani Fir-awn i aden balas a makaa nami (premyu) amayka sekami i tumaban?
(42) Tig nu Fir-awn-uway, ka makasupeg kanu den salaki.
(43) Pidtalu nu Musa sakanilan i butawani nu den i langun na pem-butawanan nu.
(44) 44 .Binukawanan nilan i mga tali andu ped a kasangkapan nilan a tanan maka-gilek i palas nin andu pidtalu nilan i sabap sa kapulu ni Fir-awn a kadnan na sekitanu den i tumaban.
(45) Binutawanan nu Musa su tungkat nin, na yanin pinggula na belinun nin su langun nu pinam-bwat nilan a kalbutan.
(46) Na nakadempas su mga taw na sihir sa nakasujud silan.
(47) Ya nilan pidtalu (sa bagulyang silan) na nangimbenal kami kanu kadnan nu dunya.
(48) A kadnan nu Musa andu si Haron.
(49) Tig nu Fir-awn nangimbenal kanu kani Musa sa daku pan makasugut salkanu? Su kaunutan nu bun a namandu salkanu sa sihir i dupang, na di abpalis na katawan nu i teb-peden ku i mga lima nu andu su mga ay nu sa pambidayan ku andu bitinen ku sekanu langun.
(50) Tig nilan di makag-kayd, ka lu kami den mumpil kanu kadnan nanmi.
(51) Ka bagapasen nami i ampunen nin su mga dusa nami, ka sekami i nawna a mangimbenal kanu nya ba a timpu.
(52) Andu ini-wahi nami kanu Musa i paawa ka sa magabi i mga ulipen ku, ka sekanu na tundugen kanu nilan.
(53) 53 Pina-suguwan nu Fir-awn su taw nu dalpa sa binulig nin silan.
(54) Na silan na pidtalu nilan i paydu bu i nasama kanilan.
(55) Andu silan na nya nilan galbek na pakasakit sa ginawa tanu.
(56) Andu saben-sabenal i sakitanu na mangingat tanu tanan.
(57) Pinalyu nami silan (taw nu Fir-awn) kanu mga surga nilan andu su mga buwal.
(58) Andu tamuk a ginadung, andu bamagagayanan a mapiya.
(59) Mamba i kina-pawarith nami lun kanu mga tupu nu Israel.
(60) Sinaled nilan (su Musa) andu su mga bamaginugut. (kaped-sebang naa sanang)
(61) 61 Guna silan maka-pamagilaya naya nadtaluno mga tagapedano Musa-na magos tano den.
(62) Tig nu Musa dili,ka salta salaki su kadnan ku a tutulun aku nin.
(63) Ini-wahi nami kani Musa i ibetay nengka i tungkad nengka sa lagat, nagupakan, (sa sapulu andu duwa) uman-isa na mana kasla na palaw i pageltan nin. (luba silan minukit sa dala silan mawasa)
(64) Andu pina-supeg nami (su Fir-awn) andu su mga tagapeda nin.
(65) Andu linepas nami su Musa andu su mga minunut salkanin langun.
(66) Mawli na pinagaled nami (su Fir-awn) andu su kadakel nin.
(67) Lu ba su tanda a kapeg-kagaga nu Allah, andu dala bun kanu kadakelan nilan i nangimbenal.
(68) Andu su kadnan nengka na sekanin i mapulu a malimu.
(69) Andu labit ka (Muhammad) kanilan su tudtulan kani Ibrahem.
(70) Pidtalu nin kani ama nin andu su mga taw nin u ngen i namba pad-simban nu anan?
(71) 71 Tigilan: pedsimban nami na barahala a ped- takenan nami sa kaped-simba lon.
(72) Tigu Ibrahem: makineg kanu nin bun amayka tawagen nu?.
(73) Atawka pagkapya kanu nin bun atawka kag-kaydan kanu nin bun?
(74) 74 Tig nilan: nya den ba i nabaratemu nami kanu mga lukes a galbekan nilan.
(75) Tigu Ibrahem: sekanu andu langun a ped-simban nu banan.
(76) Sekanu andu su mga lukes nu a nawna.
(77) Na silan na satru ku, nya tabya (dikena ku satru) na su kadnan nu dunya.
(78) Antu ba i minaluy salaki, andu tutulun aku nin.
(79) Andu sekanin ipapegkan-pabpaginum salaki.
(80) Andu upama ka pedsakit aku na sekanin i papegkapya salaki.
(81) Andu sekanin i bagimatay salaki andu baguyag salaki.
(82) Andu bagapasen ku i ampunen nin su dusa ku kanu gay a mawli.
(83) Kadnan ku anggay aku sa hukuman andu ikuyug aku nengka kanu mga taw a mapya.
(84) Andu baluy ka salaki i dila a benal (sa bandingan a mapya) kanu pakasambi.
(85) Andu baluy ako sa mawarith kanu surga a Naeem.
(86) Andu ampun ka kani ama (su dusa) ka sekanin i kuyug kanu nangatadin.
(87) Andu di aku mapab-payan kanu gay a kambwat.(gay a mawli)
(88) Gay a di makam-barapantag su tamuk andu su wata.
(89) Nya tabya na nya nin kawma sa kanu kadnan nin na su pamusungan a sinumangkup.
(90) Andu isiken su surga kanu mga gilek sa Allah.
(91) Andu ipayag su naraka kanu mga kafir.
(92) Andu adtalun kanilan andu su pad-simba nu lu sa dunya. (barahala)
(93) A salakaw sa Allah i ngentu katabangan kanu nin atawka katabangan nilan i ginawa nilan?
(94) Na ulugen silan kanu naraka andu su mga kafir mga iblis.
(95) Andu su mga minunut kani iblis langun.
(96) Na pidtalu silan sa bamagukag. (sa dalem na naraka)
(97) (nya nilan madtalu) na ibet sa Allah na natading tanu sa mapayag.
(98) Kagina magidsan i inugut nami salkanu (a barahala) sa mana den inugut nami sa Allah.
(99) Andu dala nakatadin salkami, nya tabya na su mga baradusa.
(100) 100 .Na dala den maka-safa-at salkami.
(101) Andu dala pakat adtabang salkami.
(102) Na u makam-balingan kami bu na makuyug tanu kanu mga bamaginugut.
(103) Nadalem lu ba su tanda a kapeg-kagaga nu Allah, na dala bun kanu kadakel nilan i mangimbenal.
(104) Andu su kadnan nengka na sekanin i mapulu a malimu.
(105) Pinambudtud nu taw nu Nuh su mga sinugu.
(106) Pidtalu kanilan nu suled nilan a si Nuh sa upama ka namba ka magilek kanu sa Allah.
(107) Ka saki na sinugu aku salkanu a kasaligan.
(108) Ikagilek nu su Allah andu paginuguti aku nu.
(109) Andu di aku pagkwa salkanu sa sukay, nya tabya na lu sa Allah a kadnan nu dunya.
(110) Ikagilek nu su Allah andu paginuguti aku nu.
(111) Tig nilan: dikami maginugut saleka, ka nya bu naginugut na su mga baba a taw i gataman nin.
(112) Tigu Nuh- dala sabut ku kanilan sa kanu pang- galbaken nilan.
(113) Su Allah a kadnan ku i mataw umana bu ka kagedam nu.
(114) Andu diku bugon su mga bamaginugut.
(115) Ka dala salaki, nya tabya na kapab-pagingat a mapayag.
(116) Tig nilan upama dika manda Nuh sa namba a galbek, na makuyug ka kanu mga taw a barajaman.
(117) Tig nu Nuh: kadnan ku pinan-dalbuta ku nu mga taw ku.
(118) Bukati ka i bungawan kanu pageltan nami andu lapas aku andu su bagunut salaki a mga bamaginugut.
(119) Linepas nami sekanin andu su ped nin sya kanu awang a napanu.
(120) Mawli na pinageldami su nasama. (di bangimbenal)
(121) Luba nakadalem su tanda a kapeg-kagaga nu Allah, na dala bun kanu kadakelan nilan i nangimbenal.
(122) Andu su kadnan nengka na sekanin i mapulu a malimu.
(123) Pinandalbut nu A'ad su mga sinugu.
(124) Pidtalu nu suled nilan a si Hud: upama ka namba ka kagilkan kanu sa Allah.
(125) Ka saki (Hud) sinugu aku salkanu a kasaligan.
(126) Ikagilek nu su Allah andu paginuguti aku nu.
(127) Andu di ako pagkwa sa sukay, ka dala sukay ku nya tabya na lu kanu kadnan nu langun na dunya.
(128) Andu pembalayan nu bu i mga kabetadan a mapulu sa tanda penda-dalmatan nu.
(129) Andu bangumbal kanu sa mga kapandayan (mga bunggalu) ka nya nu kataw na matatap kanu lu ba. (di matay)
(130) Andu amayka mametay kanu, na mametay kanu sa dala den lasam nu.
(131) Ikagilek nu su Allah andu paginuguti aku nu.
(132) Andu ikagilek nu su minagal salkanu (Allah) kanu nangatawan nu.
(133) Binagel kanu nin sa mga binatang andu mga wata a mama.
(134) Andu mga pamulan andu mga buwal.
(135) Ikagilek ku salkanu su siksan nu gay a masla. (gay a mawli).
(136) Tig nilan: magidsan bun salkami i mangindaw ka atawka di ka den mangindaw
(137) Ka dala sanan (indawan nengka) nya tabya na inidtabu nu mga nawna.
(138) Andu dala salkami i masiksa kami.
(139) Pinan-dalbut nilan, na bininasa nami silan, lu ba su mga tanda nu (Allah) na dala bun kanu kadakel nilan i mangimbenal.
(140) Andu su kadnan nengka na sekanin i mapulu a malimu.
(141) Pinandalbut ni Thamud su mga sinugu.
(142) Pidtalu nu Salih a suled nilan upama ka namba ka magilek kanu sa Allah.
(143) Ka saki na sinugu aku salkanu a kasaligan.
(144) Ikagilek nu su Allah andu paginuguti aku nu.
(145) Andu dala pegkwan ku salkanu a sukay, nya tabya na lu sa Allah a kadnan nu dunya.
(146) Natagu sa ginawa nu i sya kanu ba lalayun sa dala makag-kayd salkanu?.
(147) 147 Sya kanu mga pamulan andu buwal.
(148) Andu su mga pamulan andu kayu-kulma a malmek i paganayan a unga nin.
(149) Andu bamaswan nu andu bagukilan nu su mga palaw a gabaluy a walay.
(150) Ikagilek nu su Allah andu paginuguti aku nu.
(151) Di nu baginuguti i suguwan nu baminasa.
(152) A silan i baminasa sya kanu dalpa sa ambalangan a kadarwakan andu di nilan papeg-kapyan su dalpa. (sa inugut sa Allah).
(153) Tig nilan dala alaga nengka, kagina nasugat kana sihir.
(154) Dala salka, nya tabya na manusya ka, a pagidsan nami bun, na pambwat ka i mga tanda nengka amayka benal ka.
(155) Tig nu Salih: nya su unta, a natantu i lekanin a kainum, na natantu bun manem i lekanu.
(156) 156 .Na di nu bu mamakaydan ni (mapakasakiti), ka masugat kanu na siksa kanu gay a masla.
(157) Na sinumbali nilan, na nakadsandit balawa silan.
(158) 158 .Bininasa nami silan sa siksa, nakadalem luba su tanda nu Allah, na dala bun sa kadakel nilan i nangimbenal.
(159) Andu su kadnan nengka na sekanin i mapulu a malimu.
(160) Pinandalbut nu taw nu Lut su mga sinugu.
(161) Pidtalu nu suled nilan si Lut kanilan, upama ka namba ka kagilkan kanu sa Allah.
(162) Ka saki na sinugu aku salkanu a kasaligan.
(163) Ikagilek nu su Allah andu paginuguti aku nu.
(164) Andu dala pagkwan ku salkanu a sukay ku, nya tabya a sukay ku na lusa Allah a kadnan nu dunya.
(165) Nya nu pegkaluman na mama kanu mga taw.
(166) Ipedtagak nu su mga kaluma nu a binaluy nu Allah salkanu? sekanu na pengganat sa halal peb- pawang sa haram.
(167) Nya nilan pidtalo: upama ka dika manda Lut sa padtalun nengka anan na makuyug ka kanu mga taw a binugaw nami. (pinaawa)
(168) 168 .Tig nu Lut na saki na kuyug aku sa gabansi kanu galbek nu.
(169) Kadnan ku lepas aku andu su kadakel ku kanu galbekan nilan.
(170) Na linepas nami sekanin andu su kadakel nin langun.
(171) Nya tabya na su kaluma nu Lut, ka nakamung mabinasa.
(172) Mawli na bininasa nami su langun nu dikenabamaginugut.
(173) Andu pinawlanan nami silan sa ulan a watu a apoy, na ngin den i kawag nin a ulan kanu nasugat nin.
(174) Lu ba su tanda nu Allah, andu dala bun kanu kadakel nilan i mangimbenal.
(175) Andu su kadnan nengka na sekanin i mapulu a malimu.
(176) Pinandalbut nu mga tagapeda nu Aikah (pegkalben sa bangayuwan) su mga sinugu.
(177) Pidtalu nu Shu'aib sakanilan upama ka namba ka magilek kanu bu sa Allah.
(178) Ka saki na sinugu aku salkau a kasaligan.
(179) Ikagilek nu su Allah andu paginuguti aku nu.
(180) Andu dikena aku pegkwa salkanu sa sukay ku, nya tabya na lu sa Allah a kadnan nu dunya.
(181) Talutup nu i kapagasad nu (kadtimbang) da kanu lamugi kanu mga taw.
(182) Andu timbang kanu sa bantang a matidtu.
(183) Di nu kumulangi su mga taw sa kawagib nilan andu da kanu pandupang kanu dalpa, ka mabinasa kanu.
(184) Andu ikagilek nu su minaluy salkanu (Allah) andu su nangawna salkanu.
(185) Nya nilan pidtalu na: seka na kuyug ka kanu nasugata sihir. (pakayd)
(186) Andu seka na manusya ka a pagidsan name andu dala ga-antap nami salka a dikena kuyug ka kanu mga malbut.
(187) Na paulugi kami sa siksa abpun sa langit amayka benal ka.
(188) Tig nu Shu'aib: su kadnan ku I mataw sa galbekan nu.
(189) Pinan-dalbut nilan, bininasa nami silan sa siksa a gabun i kaylay lun, kena ka siksa kanu gay a masla.
(190) Nakadalem lu ba su tanda nu Allah, na dala bun kanu kadakel nilan i mangimbenal.
(191) Andu su kadnan nengka na sekanin i mapulu a malimu.
(192) Andu su Qur-an na initulu nu kadnan nu langun nu Alam. (dunya).
(193) Initulu nu Jibrel a sinaligan nu Allah.
(194) Kanu atay nengka, ka andu ka makuyug kanu mga sinugu.
(195) Sa basa na arab a mapayag.
(196) Andu nalabit bun su Qur-an kanu nangawna. (tawrat, Zabur, Injil)
(197) Na ngintu ka di pan mabaluy a tanda kanu mga kafeer su ulama nu tupu nu Israel. (Abdullah bin Salam) a nag-Islam, sa nasabutan nin su Qur-an a benal sa dapan pag- islam.
(198) Uman na bu ka initulun nami su Qur-an kanu taw a dikena Arab.
(199) Na batyan nin sakanilan, na di nilan bun pangimbenalen.
(200) Mamba i kina-paludep nami sa kapan-dalbut kanu mga pamusungan nu baradusa.
(201) Di silan mangimbenal taman sa di nilan maylay i siksa a masakit.
(202) 202 Na makauma sa kanilan sa matekao sa di nilan mad-sagipa.
(203) Na nya nilan madtalu na mandagimbu ka di tanu pan siksan. (ka mag islam tanu).
(204) Na ngintu ka pidtagadan nilan su siksa?
(205) Upama ka pakalandun nami i kagkakalilini nilan sa lagunan.
(206) 206 Na mawli na makawma bun sakanilan su kapatay a kasiksa sakanilan.
(207) Na dala bun katagan nin sakanilan su kalendo na umur a kalilinyan nilan.
(208) Andu dala bininasa nami a dalpa nya tabya na aden bun sinugu lun.
(209) A bangindaw sakanilan, ka dikena kami dupang.
(210) Andu dikena shaytan i napatulun (kanu Qur-an)
(211) Andu dala kadayt nin andu dala kagaga nilan.
(212) Ka apya su kapakikineg nilan paganay (sa Qur-an) napalen saguna.
(213) Na daka mapakaduwa sa kadnan nengka, ka mabaluy ka sa makuyug ka kanu mga taw a pedsiksan.
(214) Andu paingat ka su kadakel nengka a masupeg salka.
(215) Andu ibaba nengka i ginawa nengka kanu mga taw a minunut salka a mgabamaginugut.
(216) Na amayka sangkan ka nilan na adtalu ka sakanilan i lepas ka kanu kanilan a mga galbekan.
(217) Andu salig ka kanu mapulu a malimu.
(218) A gaylay ka nin sa katindegen ka sa sambayang.
(219) Andu su kaped-sujud nengka.
(220) Ka sekanin i pakakineg andu mataw.
(221) Ngintu itutulu ku salkanu (a mga taw) su padtalun nu shaytan?
(222) Nya padtalun nu shaytan na su malbut a baradusa.
(223) Ipedtapenay nu shaytan i nakinegan a kalbutan.
(224) Su pababayuk nu mga kafeer na bagunutan nu mga dupang.
(225) Naylay nengka silan- sa apya andaw i bityala na nakasagd i sakanilan?
(226) Andu padtalun nilan i di nilan pang-galbaken.
(227) Nya tabya na su mga bamaginugut a minggalbek sa mga mapya andu tinademan nilan su Allah sa madakel andu tinumalaw silan kanu ulyan na kina-dupang sakanilan, ka di abpalis na katawan nu mindupang o ngin i palas na kam-balyunga nilan.