(1) Su pinaka-malimu a Allah.
(2) Namandu sa Qur’an.
(3) Binaluy nin su manusya.
(4) Sekanin (Allah) na pinagkataw nin adtalu.
(5) Su sanang andu ulan-ulan na balalaguy s atuganul.
(6) Andu su mga bitun andu su kayu napad-sujud (sa Allah).
(7) Andu su mga langit na inipulu nin andu inibatad nin su timbangan.
(8) Na daka nu andalat sa timbangan.
(9) Andu itunay nu su kad timbang sa bantang, andu dinu lumapis su katimbang nu.
(10) Andu su lupa na inibatad nin kanu mga taw.
(11) Aden lun i mga ungan na kayu, andu kayu kulma aden pusu nin.
(12) Andu lagas, andu ulak nin andu baw nin.
(13) Andaw pan i limu a dala salakanu (jin-manusya) ka mapandalbut kanu bun.
(14) Binaluy su manusya abpun sa lupa a matagas.
(15) Andu binaluy nin su jin abpun sa landab a apuy.
(16) Andaw i limu a dala salakanu (jin-manusya) ka pamandalbut kanu bun.
(17) Kadnan a pad-sabangan, andu kadnan nu sadapan.
(18) Andu pan i limu a dala salakanu (jin-manusya) ka mapandalbut kanu bun.
(19) Pinan-dulug nin i lagat a matimus andu ig a tabang sa nakag-kambila.
(20) Aden pagalatan nilan a dili silan makadsimbul.
(21) Andaw pan i limu a dala salakanu (jin-manusya) ka mapandalbut kanu bun.
(22) San ba pakabpun su muntya, andu watu a ulak (mapulu i mga alaga nin).
(23) Andaw pan i limu a dala salakanu (jin-manusya) ka mapandalbut kanu bun.
(24) Andu san bas u mga bagadan a mga masla sa lagat, sa mana den palaw i kasla nin a inumbal na manusya.
(25) Andaw pan i limu a dala salaknu (jin-manusya) ka mapandalbut kanu bun.
(26) Langun na nakadalam sa lupa (atawka dunya) na maka-awa bun tanan.
(27) Su Allah bu i masama a mapulu masla.
(28) Andaw pan i limu a dala salakanu (jin-manusya) ka mapandalbut kanu bun.
(29) Sekanin a (Allah) i banganyan nu pitu lapis a langit andu lupa, na uman gay napapam-bwat nin su kahanda nin.
(30) Anduw pan i limu a dala salakanu (jin-manusya) ka mapamndalbut kanu bun.
(31) Pagitungan nami su galabakan nu (manusya andu jin).
(32) Andaw i limu a dala salakanu (jin-manusya) ka mapandalbut kanu bun.
(33) Hee sekanu a jin andu manusya, amayka magaga nu i makalyu kanu sa kanu ambala-bala balas a langit andu su lupa na nakumba kalyu kanu, di kanu makalyu u dikana bagal.
(34) Andaw pan i limu a dala salakanu (jin-manusya) ka mapandalbut kanu bun.
(35) Makawma salakanu i kandila-dila nu apuy, andu pagalan nin den su apuy, na dili kanu bun makagaga.
(36) Andaw pan i limu a dala salakanu (jin-manusya) ka mapandalbut kanu bun.
(37) Na amayka mawpak den su langit na mabaluy sa mana den tinunag a tumbaga.
(38) Andaw pan i limu a dala salakanu (jin-manusya) ka mapandalbut kanu bun.
(39) Antu ba a gay na dili kaidsan nu uman-isa u ngin i dusa nin su manusya ndu su jin.
(40) Andaw i limu a dala salakanu (jin-manusya) ka mapandalbut kanu bun.
(41) Makilala su mga dupang kanu tanda nilan a maytam i biyas nilan, papad-talabpagan i biyas nilan andu ay nilan sa kawlug sa kanilan sa naraka.
(42) Andaw pan i limu a dala salakanu (jin-manusya) ka mapandalbut kanu bun.
(43) Nya bas u apuy a papan-dalabutan nu mga dupang.
(44) Pam-babalibat silan kanu pamagalatan nu apuy a sangat i kayaw nin.
(45) Andaw pan i limu a dala salakanu (jin-manusya) ka mapandalbut kanu bun.
(46) Su magilak sa katindag sa isa kadnan nin na dwa i surga nin.
(47) Andaw pan i limu a dala salakanu (jin-manusya) ka mapandalbut kanu bun.
(48) Aden mga panga nin a kayu mimbyas_byas i nanam nin.
(49) Andaw i limu a dala salakanu (jin-manusya) ka mapandalbut kanu bun.
(50) Nakadalam i dwa ka buwal a pilagilay.
(51) Andaw pan i limu a dala salakanu (jin-manusya) ka mapandalbut kanu bun.
(52) Nakadalam i unga na kayu, uman i isa na dwa-kabyas (imbalangan nin).
(53) Andaw pan i limu a dala salakanu (jin-manusya) ka mapandalbut kanu bun.
(54) Padsandang silan kanu mga binalat a nya nin kama (bagiganan) na ni istabraq, andu ungan na kayu a makwa sa padtindag, magagayan,bagiga.
(55) Andaw pan i limu a dala salakanu (jin-manusya) ka mapandalbut kanu bun.
(56) Aden pan mga babay a mapya i kanggu-mata nin a dala pan silan makambil na manusya atawka jin.
(57) Andaw pan i limu a dala salakanu (jin-manusya) ka mapandalbut kanu bun.
(58) Mana den silan a mga muntya a pag-kinggat.
(59) Andaw pan i limu a dala salakanu (jin-manusya) ka mapandalbut kanu bun.
(60) Dala balas nu mapya a dikana mapya.
(61) Andaw pan i limu a dala salakanu (jin-manusya) ka mapandalbut kanu bun.
(62) Andu aden pan lusa baba nilan a dwa a surga.
(63) Andaw pan i limu a dala salakanu (jin-manusya) ka mapandalbut kanu bun.
(64) A sangat i kanga-gadung nin.
(65) Andaw pan i limu a dala salakanu (jin-manusya) ka mapandalbut kanu bun.
(66) Lu pamba i dwa a buwal a sanitiasa.
(67) Andaw pan i limu a dala salakanu (jin-manusya) ka mapandalbut kanu bun.
(68) Nakadalam kanu surge unga na kayu kulma andu rumman .
(69) Andaw pan i limu a dala salakanu (jin-manusya) ka mapandalbut kanu bun.
(70) Aden pan mga mapya i palangay nin andu banang nin.
(71) Andaw pan i limu a dala salakanu (jin-manusya) ka mapandalbut kanu bun.
(72) Mga bidadari, dina-lindingan silan i bilik nilan sa surga.
(73) Andaw pan i limu a dala salakanu (jin-manusya) ka mapandalbut kanu bun.
(74) Dala makambil a manusya atawka jin.
(75) Andaw pan i limu a dala salakanu (jin-manusya) ka mapandalbut kanu bun.
(76) Pad-sandang silan kanu gadung andu mapya i palas nin.
(77) Andaw pan i limu a dala salakanu (jin-manusya) ka mapandalbut kanu bun.
(78) Mahasutti sun gala nu kadnan nengka a mapulu a malimu.