(1) Idsapa ku kanu Allah su gay a mawli.
(2) Andu idsapa ku sa Allah su nafsu a matagal mamulagis.
(3) Ngintu antapan a manusya i dili nami limudan su tula nin?
(4) Kana, ka magaga nami mapa-ulit su mga kamal nin.
(5) Na nya nin kyug u mga manusya na kandupang ka adtawbat bu.
(6) Idsan nin u kanu i kawma na gay a mawli?
(7) Amayka lumansi su mata sa kapangingilay.
(8) Andu amayka mawa den su sigay nu ulan-uan.
(9) Andu makadtimwa su sanang kanu ulan-ulan.
(10) Na madtalu nu manusya andaw den i kapalaguyan?
(11) Inunta na dala den kalindungan.
(12) Lu kanu kadnan nengka i kadtakanan.
(13) Balasan su manusya sa nawli nawna a galabak nin.
(14) Andu su manusya na katawan nin i ginawa nin.
(15) Apya ngin i dawa nin.(diden makadawa).
(16) Daka padsalngan pambatya sabap sa bamagayas ka.
(17) Kabuligan nami bun sa sa pusung nengka andu kabatya lun.
(18) Amayka binatya nami antuba i unuti ka.
(19) Mawli na ipayag nami bun selaka.
(20) Kana,ka nya nu bun kalinyan su mangagan sa dunya.
(21) Andu ipadtagak nu su akhirat.
(22) Andu su mga biyas nagkagalaw (namba su mga bamaginugut).
(23) Luden bagilay kanu kadnan nin.
(24) (Aden manem) mga biyas a mga maytam (namba su mga kafeer).
(25) Napasad kanu ginawa nin i pakaydan salakanin a mapasang.
(26) Kana, ka amayka sundulan den (sakratal mawt)
(27) (Na nya madtalu) na antayn i tumuganul kanu nyawa nin atawka gumamut.
(28) Andu natagu den sa ginawa nin su kabpitas.
(29) Andu makadtinggumaya su mapasang nun dunya andu su mapasang a akhirat.
(30) Ka luden mabulig kanu kadnan nengka.
(31) 31 . (Su kafeer) na dala pangimbanal sa mapayag masulan andu dili adsambayang.
(32) Ugayd na napandalbut,andu minanda sa katalima sa Islam.
(33) Mawli na lu mibpawang sa kaluma nin a midsambayang.
(34) Nakaduwan-duwan ka den,tidtu den a nakaduwan-duwan kaden.
(35) Mawli na nakaduwan-duwan kaden,tidtu den a nakaduwan-duwan kaden.
(36) Ngentu antapan a manusya i pasagadan sakanin sa dili makambwat sa gay a mawli?
(37) Saben-sabenal a mana sekanin paganay i nabpunan nin.
(38) Mawli na nabaluy a sapu binaluy nu Allah sa pinabpalas nin.
(39) Lu nin ba binaluy su babay-mama.
(40) Su Allah na nya nin pan dili magaga i kapanguyagan kanu minatay.