(1) Aden minidsa sa idsa kanu siksa a pakawma.
(2) Kanu mga kafeer (I siksa) a dala maka-alaw lun.
(3) Abpun sa Allah i lakanin su mga langit.
(4) Na bamusugan nu mga malaa-ikat andu su jibrel lug ataman kanu ukul nin,su siksa a idsa nilan na sya makabatad kanu gay na nya nin kawgat na sagay na lima ngibu lagun.
(5) Sabari ka (Muhammad) sa kadsabar a matilak.
(6) Saben-sabenal su mga kafeer na nya nilan kaylay sa siksa na mawatan.
(7) Na kaylay nami lun na masupag a banal.
(8) Su gay a mabaluy su langit sa mana bulawan a gatunag.
(9) Andu mabaluy manem su palaw sa mana bumbul a pakabayug.
(10) Andu dili makaidsa nu suled nin su suled.
(11) Ipaylay sakanilan su naraka,na nya mapanganaganay nu kafeer na makapangon nin sa siksa su mga wata nin.
(12) Atawka si kaluma nin atawka suled nin.
(13) Atawka su katupwan nin.
(14) Andu su dalam nu lupa,mawli na malapas.
(15) Dikana ka naraka a pagkalaw-kalaw (i makwa nilan).
(16) Padtutung sa kimalaput atawka upis na ulu.
(17) Panganggatan na tumalingkud andu manda.
(18) Nya nin tinimu na tamuk sya kanu pambatadan lun.
(19) Saben-sabenal su manusya na binaluy sa reklamador.
(20) Amayka nawma na mapya na masingit.
(21) Andu ngin den kapya na ginawa amayka mawma na mapya.
(22) Nya tabya na su barasambayang.
(23) Silan a mga taw na dala labat nilan sa sambayang.
(24) Andu ibagawa nilan su kawajib kanu tamuk nilan.
(25) Lu kanu bangani,atawka naibpadan (a tamuk)
(26) Andu bangimbanalan nilan su gay a kapamalas.
(27) Andu silan a mga taw na ipag-kagilakan su siksa nu kadnan nilan.
(28) Saben-sabenal kanu siksa nu kadnan na dala kalapas lun.
(29) Antu antuba a mga taw na tinuganul nilan su sangulan nilan.
(30) Sa salakaw kanu mga kaluma nilan atawka ulipan nilan ka dili silan ambaradusa.
(31) Su taw a sagadan nin su dulunan antu ba i darwaka.
(32) Antu ba a mga taw na padtyakapan nilan su inisalig sakanilan andu su pasad nilan.
(33) Antu ba a mga taw na tindagan nilan i kadsaksyan nilan.
(34) Na antuba a mga taw na pabparihalan nilan su sambayang nilan.
(35) Antuba i mga taw a dalam na surga a ipab-pulu silan.
(36) Ngin i mga kafeer antu a padsangulan sakanilan sa padtulik tanan salaka.
(37) Biwang-kawanan nengka sa nadtumpuk silan.
(38) Ngentu nya kyug na uman-isa sakanilan na makaludap sa surga naa’eem.
(39) Dili, saben-sabenal a binaluy nami silan sa katawan nilan.
(40) Saki (Allah) idsapa ku sa ginawa ku tigwan sa sabangan-sadapan na magaga nami i sambyan nami.
(41) Silan sa labi i kapya nin,na dala salakami i malima kami.
(42) Pasagadi ka silan sa baatil nilan andu kandadalmat bu,ka mawma nilan i gay nilan a napagadil a siksa sakanilan.
(43) Gay a kalyu nilan sa Qubur sa lu silan maka-pamagayas kanu kabuligan a matidtu i katundug a bamagayas.
(44) Lusak i kabpagilay a maytam i biyas,antu ba su gay a siksa saknilan,antu ba su siksa a banganin nilan sya sa dunya.