(1) (Tig nu Allah) idsapa ku su malaa-ikat a panggansing (kanu nyawa nu mga kafeer).
(2) Andu idsapa ku sa malaa-ikat a pabpya-pya (kanu mga bamaginugut).
(3) Andu idsapa ku su mga malaa-ikat a padtasbih.
(4) Andu idsapa ku su kuda a ipambunwa (sya kanu agama islam).
(5) Andu idsapa ku su malaa-ikat a padataldu kanu dunya.
(6) Su gay (paganayan) a kayup kanu sanggakala na ibagimatay sa bibyag,ipanggubal sa dunya.
(7) Tundugan sa ika-dwa a kayup kanu sanggakala sa ibaguyag sa minatay.
(8) Su mga pusung na dili gumanggan sa gilak.
(9) Su mga mata na mibpalas sa galansi.
(10) Nya nilan madtalu andukan makam-balingan tanu pamun sa liwawaw na lupa.
(11) Sa apya nalupat den su mga tulan nu.
(12) Kadtalu nilan intu na kalugyan.
(13) Benal na isa-timan bu intu a ipadtakaw sakanilan (su kadwa a kayup).
(14) Makatukaw bu silan antu den kanu untul na kubur sa bibyag silan.
(15) Nakawma selaka (Muhammad) su tudtulan kanu musa?
(16) Tinawag nu kadnan nin lu kanu bawgan a sutti.
(17) (Tig nu Allah) luka kani fir’awn, ka sinumagad i galabak nin kanu kumpasan.
(18) Nya ka adtalu na ngintu aden pamun salaka i kad-sutti?
(19) Andu tutulun ku seka kanu kadnan nengka,ka andu ka ludepan na gilak.
(20) Inipilay nin (kani fir’awn) i tanda a masla.
(21) Pinandalbut nin (si musa) andu sinumupak.
(22) Mawli na tinumaligkud (si fir’awn) sa dili pagkyug sa bantang.
(23) Linimud nin su mga taw a nanawag.
(24) Nya nin pidtalu (si fir’awn) na saki i kadnan nu a mapulu.
(25) Bininasa nu Allah ka indawan kanu nawna andu mawli.
(26) Benal a namba na indawan kanu taw a magilak.
(27) Ngentu sekanu pan i matagas atawka su langit a pimbalay nu kadnan?
(28) (Su Allah) na inipulu nin su langit sa dili malabing,mapya i palas nin sabap kanu mga bitun,ulan-ulan.
(29) Pinagkalibutang nin su magabi,andu pinagkalinawag nin su malamag.
(30) Andu su lupa kanu ulyan antu, na inibalat nin sa mawlad.
(31) Pinambwat nin su mga ig,mga utan.
(32) Andu su mga palaw na pinad-takana nin.
(33) Makan su bagatu (kanu lupa) andu su mga binatang nu.
(34) Amayka makawma den su gay a masla (gay a mawli).
(35) Namba a gay nakatadaman nu taw su pinanggalabak nin.
(36) Andu mapayag su naraka kanu makaylay lun.
(37) Su taw a nakasagad i galabak nin (kadupang nin).
(38) Inilabi nin su kawyag sa dunya.
(39) Benal su naraka i walay nin.
(40) Su taw a inikagilak nin su kadnan nin andu sinapalan nin su hawa nafsu nin.
(41) Benal su surga i kadtakanan nin.
(42) Ibagidsa nilan selaka (Muhammad) u kanu i kawma na gay a mawli?
(43) Dala selaka (Muhammad) i katawan nengka i gay a kawma nin.
(44) Sekanin bu (Allah) i mataw lun.
(45) Nya bu leka (Muhammad) na kapakagilak kanu magilak.
(46) Su gay a katindeg nilan kanu kubur nilan, na nya nilan kagadam kanu dunya na mana mapita bu atawka malulam bu atawka sagad bus a gay.