(1) Masupag su gay a mawli, andu nowpak su ulan-ualn.
(2) Andu amayka naylay nilan i tanda na ayat na dili nilan taliman, nya nilan kadtalu na sihir a maawa bun inan.
(3) Napandalbut silan, nya nilan inunutan su kyug na ginawa nilan, andu langun na galabak na makadtakana bun kanu tigwan lun.
(4) Andu saben-sabenal a nakawma sakanilan i mga tudtulan sa gay a mawli andu su mga taw a nawna a makalma sa ginawa.
(5) Indawan a mabagal, na dala bun makangguna su indawan.
(6) Taligkudi ka silan (Muhammad) ka aden bun gay a tawagan silan nu bananawag, lu makabpawang kanu di nilan kyugan.
(7) Lusak i kapangingilay nilan, lumyu silan sa qubur samana den tapudi a pakapayapat.
(8) Maka pamagayas silan lu kanu bananawag, nya madtalu nu mga kafeer na nya den i gay a mapasang.
(9) Nya nawna a napandalbut na su taw nu nuh, (tig nu Allah) pinandalbut nilan su ulipan nami, nya nilan pidtalu na buneg, andu pagkayan nu (su nuh).
(10) Min-dua kanu kadnan (si nuh) sa tinalaw aku, na tabangi aku (ya Allah).
(11) 11 (Tig nu Allah) inukan nami su mga bungawan nu langit sa ig a malagas.
(12) Andu pinambwat nami kanu lupa su mga buwal, namidsumbak sui g sa pulu andu kababan, sabap sa kahanda nu nangadan.
(13) 13 . Andu pinapagada nami (su mga bamaginugut) kanu awing (nu Nuh) a kayu a matagas andu tutuk a mtigkal.
(14) Balalakaw sa dalam parihala nami inibalas (kanu Nuh) a pigkafiran (na mga taw nin).
(15) Andu saben-sabenal a initagak nami a tanda (sya sa lupa) ka andu makaindaw.
(16) Na labi den (a mapasang) su siksa lu sa naraka).
(17) Andu saben-sabenal a pinakalamwan nami su Qur’an sa kalangag nu, ka andu maka-indaw kanu mga taw.
(18) Napandalbut su Aa’d na su siksa ku pan (Allah) a makasugat, na dala nilan itagu sa ginawa.
(19) Saben-sabenal a ipinasugat nami silan sa sambal a sangat i kabadel nin, kanu gay a mapasang (kanu mga kafeer) a bananalus.
(20) Sa nakaidtug su mga ulu nu mga taw, nakailing silan sa mga tud na kayu-kulma a nangatabpad.
(21) Su siksa ku pan (Allah) a makasugat na dala nilan itagu sa ginawa.
(22) Andu saben-sabenal a pinakalamwan nami su Qur’an sa kalangan nu, ka andu maka-indaw kanu mga taw.
(23) Pinandalbut bun ni thamud su mga indawan.
(24) Nya nilan kadtalu na, sakataw bu a manusya bun ibagunutan tanu? Na saben-sabenal a sakitanu na natading tanu andu nabunag tanu.
(25) Panunanan ka nakawma salkanin i wahi sa nya bun salakitanu? Buneg sakanin andu malbut a pamamasla gayd.
(26) katawan nilan bu namag u antayn i malbut a pamamasla.
(27) Saben-sabenal a sakami (Allah) na anggan nami silan sa unta a babay a fitna sakanilan, andu ipadtiki ka silan (salih) andu sabra ka.
(28) Andu saben-sabenal a nakawma kanilan i mga tudtulan sa gay a mawli andu su mga taw a nawna a makalma sa ginawa.
(29) Inipananawag nilan su mawag a galabak nilan, inanggan sa parang sa sinumbali nilan (su unta a babay).
(30) Su siksa nu pan (Allah) a makasugat, na dala nilan itagu sa ginawa.
(31) Na saben-sabenal a sinugu nami lu kanilan i sawalu bu a swara (ni jibrel) na nakailing silan sa utan a nagangu (sabap sa kilat).
(32) Andu Saben-sabenal a pinakalamwan namu su Qur’an sa kalangag nu, ka andu maka-indaw kanu mga taw.
(33) Pinandalbut bun nu taw nu lut su mga indawan.
(34) Na saben-sabenal a sinugu nami kanilan i sambal a bananggit sa watu, nya bu dala masugat na su masikan bu kanu lut sa kanu tyuba a magan mapita.
(35) Limu antu abpun kanu kadnan nengka, na mamba i kalapas nami kanu mga taw a bamaginugut a barasukur.
(36) Andu saben-sabenal a pinaka gilakan silan kanu tyuba kanilan, na mib-palawa silan, napandalbut silan kanu ini-pakagilak.
(37) Andu saben-sabenal a pinamagayukan nilan su (bisita ni lut) na pinunas nami su kaylay nilan, na nanami nu su siksa nu (Allah) andu su ini-panginggilak salakanu.
(38) Andu saben-sabenal na pibpanayan nilan su siksa a dayun.
(39) Nanami nu su siksa nu (Allah) andu su dala nu kapanuliman sa indawan.
(40) Andu saben-sabenal a pinakalamwan nami su Qur’an sa kalangag nu, ka andu maka-indaw kanu mga taw.
(41) Andu saben-sabenal a nakawma bun kanu kadakal ni fir’awn su indawan.
(42) Pinandalbut nilan su langun nu ayatan, bininasa nami silan sa mana sa kabpaminasa nu mapulu a pakagaga.
(43) Ngintu su ka-kafeer na nya mapya salakanu (a mga bamaginugut) atawka na lapas kanu den sa naraka lu kanu mga kitab a nangawna?
(44) Atawka nya nilan adtalun (mga kafeer) na langun tanu na sakitanu bun i tumalaw.
(45) Napandalbut silan, nya nilan inunutan su kyug na ginawa nilan andu langun na galabak na makadtakana bun kanu tigwan lun.
(46) Banal den, su gay a mawli i pasad kanilan, andu su gay a mawli na labi pan a tyuba andu mapayt.
(47) Saben-sabenal su mga dupang na natadin silan, andu naraka a pagkalaw-kalaw.
(48) Su gay a bamatuwin silan lu sa naraka (nya padtalun sakanilan) na, nanami nu pan su kayaw na apuy.
(49) Saben-sabenal a binaluy nami su langun na anggaga-isa sa aden ukul nin.
(50) Andu dala kanu kahanda nami a dikana mana sapalak mata (kangagaga nin).
(51) Andu saben-sabenal a bininasa nami su mga pagidsan nilan s aka-kafeer a nangawna, na ngintu ka dikanu den maindaw?
(52) Andu langun nu mga galabak nu mga ulipan na lu tanan sa padtutulu.
(53) Andu langun na manot andu masla na nakasulat bun tanan.
(54) Saben-sabenal su magilak sa Allah na lu silan sa surga andu mga ig.
(55) Lu sa bagayan a mapya, sa hadapan nu Allah a pakagaga.