25 - Al-Furqaan ()

|

(1) Mahasutti su Allah a pinatulun nin su Qur-an kanu ulipen nin (Muhammad), ka andu nin maka- pangenggat kanu mga inaden sya sa dunya

(2) 2 .Lekanin su pitu lapis a langit andou su lupa andu dala wata nin, andu dala kaped nin kanu kadatu nin andu binaluy nin su langun na anggaga-isa sa inukul nin tanan.

(3) Silan a minumbal sa kadnan a salakaw sa Allah, na dala gabaluy nin apiya paydu (su barahala) a silan pan i bagumabalen-na dala magaga nin sa ginawa nilan a makag-kayd andu dala magaga nin a kaimatay andu kawyag andu dala magaga nin a kapambwat nin sa taw.

(4) Andu pidtalu nu mga kafeer dala inan (Qur- an) ya tabya na kalbutan bu ni (Muhammad) inidtebu nin andu tinabangan sekanin a ped a taw, saben- sabenal a silan i migkfir a mindalbut.

(5) Andu pidtalu nilan inamba (Qur-an) na kalbutan nu nangawna a inisulat nin na pambatyan salkanin sa mapita-malulem.

(6) Adtalu ka (Muhammad) sakanilan su (Qur-an) na pinatulu nu Allah a katawanin i masulen kanu mga langit andu su lupa, su Allah na mangampun a malimu.

(7) Andu pidtalu nilan i ngin i man a sinugu ka yanin pagken na su pad bun a pagken tanu andu balalakaw sya sa padyan? o namba ka initulun salkanin i Malaa-ikat a mabaluy a makatabang salkanin.

(8) Atawka namba ka inenggan sa ginadung (kakawasan) atawka pamulan sa lu ba kumwa sa kanen nin andu pidtalu nu mga kafeer kanu mga bamaginugut i dala inan a mama (Muhammad) a bagunutan nu anan-ya tabya na nasugat na sihir.

(9) Ilayka (Muhammad) su upaman nilan salka, ka natading silan, na di nilan magaga i makatuntul silan sa agama.

(10) Mahasutti su Allah o yanin kyug i baluyan kanin sa muna pan i kapya nin a surga a belagilay sa kababan i mga ig atawka baluyan kanin sa maligay na magaga nin.

(11) Ugayd na pinan-dalbut nilan su gay a mawli andu pinagadila nami kanu di bangimbenal sa gay a mawli i naraka a pagkaleg.

(12) Amayka maylay nilan sa mawatan pan na making nilan i sabu nin a lipunget i gabales nin andu swara a mapasang.

(13) Amayka yulug den silan kanu bengawan nin a masimpit sa pinawik su lima nilan kanu tangu nilan, mananawag sa nabinasa tanu.

(14) Adtalu nu Allah i da kanu banawag sa na binasa kanu sa maka-isa bu, ugayd na ya nu adtalu na nabina-binasa kami den.

(15) Adtalu ka (Muhammad) ka nilan i ngintu antu ba i mapya (na siksa antu) atawka ka su surga a tatap? Antu ba i inibpasad kanu magilek sa Allah na su surga i kanilan a balas andu kawliyan.

(16) Kanilan kanu surga indaw a kalilinyan nilan, sa dala kalyu nilan, na aden kanu kadnan nengka i pasad a mapanuntul.

(17) Andu su gay a buligen silan nu Allah andu su pedsimban nilan a salakaw sa Allah (barahala) nadtalu nu Allah sakanilan i ngintu sekanu i tinumading kanu mga ulipen ku a namba atawka silan bun i mid-tadingan sa lalan? (Islam)

(18) Ya nilan adtalun na mahasutti ka, ka di dayt salkami i mumbal kami sa salakaw salka a mga kadnan, ugayd na inikalimu nengka silan sa mapya a katamanan nilan andu su mga lukes nilan, taman sa nalimpangan nilan su Qur-an na silan i mga taw a nangabinasa.

(19) Na pinan-dalbut kanu padsimban nu (barahala) kanu padtalun nu, na dala magaga nu a katulak nu sa siksa andu makasapal sa ka-naraka nu, antayn salkanu igkafir na pananamen nami sa siksa a masla.

(20) Andu dala sinugu nami a nawna salka (Muhammad) a mga sinugu ya tabya na pegkan bun silan andu balalakaw bun sa padiyan andu binaluy nami su sabad salkanu sa ma-fitnah nin su kaped nin, o ngintu makad-sabar kanu andu su kadnan nengka na pedtulik.

(21) Andu pidtalu nu mga taw a di gatagu sa ginawa nilan su ka-adap nin salkami- o nya ba kaya pinatulun salkami i Malaa-ikat atawka nya ako maylay nami su kadnan nami, na saben-sabenal a mimamasla su ginawa nilan andu mib-papulu silan sa masla a kinab-papulu.

(22) Gay a maylay nilan i Malaa-ikat, (adtalu nu Malaa-ikat) i dala mapya kanu mga kafeer andu lumindung silan kanu mga Malaa- ikat.

(23) (Tigu Allah) inuna nami su galbek nilan sa dunya, na binaluy nami sa gay a mawli na matag nilan maylay na dala besen. (balas nin)

(24) Su taw sa surga kanu gay a kaludep nilan na mapya gayd a kadtakenan nila andu mapya gayd paped-salidepan nilan.

(25) Andu su gay a malundus i uman i langit (na mangawlug) i dadtem a maputi andu tumulun su mga Malaa-ikat-magubal den su dunya.

(26) Su kadatu sa antu ba a gay a bantang na kanu Allah andu antu ba a gay na sangat i kapasang nin kanu mga kafeer.

(27) Andu su gay a mabut nu kafeer su duwa a lima nin sa ya nin madtalu na kanugu nin, (ka antu ba) ka ya ku den mun napaginugutan na su Rasul.

(28) Duwan-duwan ku den- yako tumu i daku mab-pakat si kwana.

(29) Saben-sabenal a tinadin aku nin kanu Qur- an sa ulyan na kinawma nin salaki andu su shaytan na ibalusak nin su manusya.

(30) Andu ya kadtalu nu sinugu-kadnan ku su mga taw ku tinagak nilan su Qur-an sa dala pinatagan nilan lun kanu panduawanin.

(31) Andu mamba i kinabaluy nami kanu uman i nabi na aden satru nin kanu mga baradusa andu natabwan kanu kadnan nengka i tumutulu andu tumabang.

(32) Andu pidtalu nu mga kafeer o namba ka naka-isa bu nakatulun salkanin su Qur-an, (tigu Allah) mamba i kad-takena nin kanu atay nengka (Muhammad) na paydu-paydu i kina-batya nami lun salka.

(33) Andu dala pambwaten nilan a mga upaman a dikena lawanan nami sa bantang andu ya pan labi i kapya na kapayag nin.

(34) Antu ba i mga taw a bagulugen sa patuy lusa naraka andu silan i mawag i kan-dalpa nin andu tading sa lalan sya sa dunya.

(35) Andu saben-sabenal a inenggay nami kanu Musa su kitab (Tawrat) andu binaluy nami su suled nin a si Haron a ped-tabang salkanin.

(36) Na pidtalu nami sa angay kanu (duwa) sa mga taw a pinan-dalbut nilan su mga ayatan nami, na bininasa nami silan guna su da silan pangimbenal.

(37) Andu su mga taw ni Nuh-guna nilan pan- dalbuta su mga sinugu na pina-geldami silan andu binaluy nami a tanda kanu mga taw andu ini-pagadila nami kanu mga kafeer su siksa a sangat i kasakit nin.

(38) (Andu labit ka Muhammad) su taw nu Aa'd andu su Thamud andu su taw nu Shuaib andu madakel I mga taw sa pageltan nilan. (bininasa ka dala pangimbenal).

(39) Umani-isa na pinambwatan nami sa upaman, na langun nilan na bininasa nami silan sa ulyan na kinawma na sinugu a da nilan pangimbenala.

(40) Andu saben-sabenal a nawma nilan su dalpa (ni Lut) a nasugat na ulan a makabinasa (watu andu Apuy) na ngintu ka di silan ma- indaw sa kinaylay nilan kanu dalpa a nabalikwat? kagina dala sakanilan i kabangimbenal sa mawyag pan i taw a minatay den.

(41) O naylay sakanilan (Muhammad) na pagumpaken sakanilan bu, ya nilan kadtalu na namba basen i pinambwat nu Allah a sinugu?

(42) Pab-pagendan nin salkitanu su mga kadnan tanu? o dikena bu minanged kanu pamusungan tanu (na kandan tanu), na di abpelis na katawan nilan kanu kaylay nilan sa siksa nilan natading sa lalan.

(43) Su taw a ya nin sinimba su kyug na ginawa nin, na di nengka (Muhammad) magaga sa matutulu nengka.

(44) Atawka ma-antap nengka i madakel i banuliman sakanilan atawka bagungangen? na dikena! ka mana bun silan mga binatang andu muna pan silan sa binatang i kina-tading nin.

(45) Ngintu di nengka gaylay su galbek nu Allah o panun i kapegka-aden nu alung-alung? na uyanin kahanda i makatelen na antu ba i manggula, mawli na binaluy nami su senang a tanda nu alung-along.

(46) Mawli na pegkwan nami so alung-along sa paydu-paydu.

(47) Sekanin (Allah) i minaluy salkanu sa kanu magabi a dalinding nu andu su kaped- tulug nu a ibangin-talen nu andu su malmag a imbukakalu.

(48) Andu sekanin iped-sugu sa sambel a lilini nu mga taw kanu limu nu Allah andu pinatulun nami abpun sa langit su ig a sutti a maka-sutti.

(49) Ibaguyag nami kanu dalpa a minatay andu ipab-paginum nami kanu binaluy nami a mga binatang andu mga manusya a madakel.

(50) Andu saben-sabenal pina-payapat nami kanu pamageltan nilan, ka andu silan ma-indaw, na ya madakel sa taw na minenda, (dala talima) ya tabya na kinag-kafeer.

(51) O pigkahanda nami bu na uman i dalpa na aden Rasul nin.

(52) Na dika baginuguti su mga kafeer andu jihad ka silan sa masla. (su Qur-an)

(53) Andu sekanin (Allah) i napandulug sa tabang (a ig) andu lagat, su isa a tabang na baginumen, su isa na matimus, aden pageltan nilan a pagalet andu makasapal sa di nilan kadsimbul.

(54) Andu sekanin (Allah) i minaluy salkanu abpun sa ig (ig nu babay-mama) andu binaluy nin i katupuwan nin andu kang-gyagyamung nu, andu nya ka-aden nu kadnan nengka na pakagaga.

(55) Andu (silan) a pedsimban nilan i salakaw sa Allah a di pakangguna sakanilan andu di bun makag-kayd sakanilan, su mga kafeer na su kadnan nin a (barahala) na pedtabangan nu shaytan kanu inugut nin.(sa makasupak)

(56) Andu dala sinugu nami a dikena papeg- kalilini atawka papeg-kagilek.

(57) Adtalu ka sakanilan I di aku papedsukay sa kaped-sampay ku (kanu Islam) ya tabya na su taw a pam-baranggyan nin i tamuk nin sa lalan sa Allah. (ka diku sapalan)

(58) Andu salig ka, kanu Allah a di matay andu tasbih ka sa pugi salkanin (Allah) su Allah i mataw sa kadusan nu mga ulipen nin.

(59) Sekanin (Allah) i minaluy kanu mga langit andu su lupa, andu su pageltan nin san kanem gay, mawli na lu mig-kahanda kanu Arsh, na sekanin i ming-gungala sa Rahman, na idsa nengka (Muhammad) salkanin, ka sekanin i mataw kanu langun.

(60) Amayka pidtalu sakanilan i sujud kanu sa kanu Rahman-na ya nilan kadtalu ngin i Rahman? Sumujud kami sa suguwan nengka (Muhammad) (di kami a benal semujud) naisegan i kina-tangka nilan. (sa Islam)

(61) Mahasutti su Allah-binaluy nin sya sa langit mga lalan nu bitun, andu binaluy nin i senang andu ulan-ulan a pedsigay.

(62) Andu binaluy nin su magabi andu malmag a ped-suklya kanu taw a myug maka-tadem atawka myug sa kad-sukur.

(63) Andu su ulipen nu Allah na balakaw silan kanu lupa sa dala kasandag nin andu amayka imbityala nu mga Jahil na mapya i kasumpat nin.

(64) Andu silan na kanu magabi nilan na sumujud andu tumindeg, ka banunuwat sa Allah.

(65) Andu ya nilan kadtalu na: kadnan nami iyawa nengka salkami i siksa nu Jahannam, ka su siksa nin na yanin ka aden na di gapinda sa taman sa taman.

(66) Andu ngin den i kawag nin a kabetadan a kadtangenan.

(67) Andu silan (Mu'min) amayka mim- baranggya sa Allah na dala makasagad andu dikena manem da gos, andaw i nasasangan.

(68) Andu di silan mangeni sa salakaw sa Allah ka dala kaduwa nin su Allah a pedsimban nilan andu di silan mimatay kanu nyawa a hinaram nu Allah, ya tabya na Haqq andu di silan edsina, ka su taw anggulan nin intu ba na madsemak nin i dusa a kanaraka nin

(69) Andu takepen salkanin i siksa sa gay a mawli andu tatap sa naraka sa nakalusak.

(70) Ya tabya na su mid-tawbat, nangimbenal a ming-galbek sa mapya, ka sambyan nu Allah su kawagan nin sa mapiya, ka su Allah na sangat a bangampun a malimu.

(71) Su taw a mid-tawbat andu ming-galbek sa mapya na lu sa Allah adtawbat sa tidtu a kad-tawbat.

(72) undo di silan ad-saksi sa kalbutan andu amayka nasagadan nilan i mawag (a kambityala) na mapiya i kasagad nilan.

(73) Andu amayka linabit sakanilan su mga ayatan nu kadnan nilan na di silan ambiso- abpisekan.

(74) Andu kadtalu nilan: kadnan nami anggi kami sya kanu mga kaluma nami sa mga muli a-taw a kalilinyan nu mga mata nami, andu baluy ka a kaunutan nu mga magilek sa Allah.

(75) Silan i pembalasan sa pangkatan a mapulu (surga)sabap sa kinad-sabar nilan andu mabaratamu nilan i mapya kadtalu.

(76) Dala sakanilan i kalyu sa surga, mapya gayd a kabetadan a kadtangenan i kanilan.

(77) Adtalu ka (Muhammad) sakanilan i dala idan nu kadnan ku salkanu, o dikena bu su kapen- dua nu, ka pinan-dalbut nu su sinugu nin andu su Qur-an, na di abpelis na matatap su siksa