(1) Saben-sabenal ngintu nakawma salaka su tudtulan sa gay a mawli?
(2) Su pamanangan kanu antu ba a gay na agkagilakan.
(3) Su minggalabak sa dunya sa kadupangan na madsamak nin su kasiksan sa gay a mawli.
(4) Paludapan silan kanu apuy sa naraka a pupus i kayaw nin.
(5) Pabpaginuman kanu ig a midtaman i kayaw nin.
(6) Dala pagkan nilan nya tabya na mga tanakan mana su kayu a zakkum.
(7) Dili makawsug andu dili makangguna kanu taw a gagutam.
(8) Su pamanangan (nu namalityaya) kanu namba a gay na mga galaw sabap kanu mga galabakan nilan sya sa dunya.
(9) Na mapya i ginawa nin (sa gay a mawli) sabap kanu pinggalabak nin a mapya sya sa dunya.
(10) Sa kanu dalam nu surga a mapulu.
(11) Dala making nengka lu sa surga a mawag a mga bityala.
(12) Aden lun i mga buwalan a bamadtuga.
(13) Aden lun i bamangigan a mga mapya a luba pagkalban su mga babay a bidadari.
(14) Andu mga basu a pinagadil.
(15) Andu mga ulunan a pinamadsandaya.
(16) Na andu su mga palamadan nin a pinamalat.
(17) Ngintu dili nilan gadsuliman su unta sa panun i kinabaluy lun?
(18) Andu su langit sa panun i kinapulu lun?
(19) Andu su mga palaw sa panun i kinabuladtek nin andu kinapasak nin?
(20) Andu su lupa sa panun i kinabalat nin?
(21) Patadam ka (Muhammad) andu panginggilak ka silan, ka seka man i mapadtadem-tadem.
(22) Na dili nengka man silan mamagas.
(23) Nya tabya na antayn i dili tumalima (sa indawan) na andu kafeer.
(24) Na siksan nu Allah sa kasiksan a masla.
(25) Saben-sabenal na sekami i kawliyan nilan kanu ulyan nu kapatay nilan.
(26) Mawli na sya lekami su kagkwinta sa kanilan.