(1) Padtasbih su dalam nu mga langit andu su lupa,lekanin (Allah) su kapagkamilik andu pugi andu kagaga nin i langun na anggaga-isa.
(2) Sekanin (Allah) na binaluy nin i aden kafeer salaknu aden bamaginugut,su Allah na katawan nin i mga galabak nu.
(3) Binaluy nin i mga langit andu lupa sa bantang,andu pinabpalas kanu nin sa pibpya-pyanan nin i palas nu(langun nu) na lubun makadsunud salakanin(Allah).
(4) Katawan nin (Allah) su dalam nu langit andu su lupa andu katawan nin su ipadsulen nu andu su ipabpayag nu,su Allah na gatawan ni su dalam nu pusung nu.
(5) Dala makatingguma salakanu su tudtulan kanu mga kafeer a nawna?(pidtalu sakanilan) i nanami nu su lalaw nu pinggalabak nu andu sakanilan pan i siksa a masakit.
(6) Sabap sa namba na pinapaytan silan sa mga sinugu sa nakapananggit sa mga tanda a mapayag,na nya nilan pidtalu na,taw bun i banutulu salakitanu (manusya bun) pig-kapiran nilan andu tinagak nilan,su Allah na dala patagan nin sakanilan,andu su Allah na kawasa a pabpugin.
(7) Initagu sa ginawa nu mga kafeer i saben-sabenal na dili silan makambwat (sa gay a mawli) adtalu ka (Muhammad) ibet sa Allah na makambwat kanu,kanu gay a mawli,mawli na makwa nu su balas nu galabak nu,antu na malamu gayd sa Allah.
(8) Pangimbanal kanu sa Allah andu su sinugu nin andu su sigay a initulun nami(Qur’an) andu su Allah na langun na galabak nu na katawan nin.
(9) Kanu gay a limudan kanu sa kagkukum,antu bas u gay a kapangimbulat(bamaginugut kanu kafeer) na antayn inangimbanal sa Allah andu minggalabak sa mapya na punasan su kawagan nin,andu paludapan sa surge a pilagilay sa kababan i mga ig sa dili silan makalyu,antu ba i badtugan a masla.
(10) Andu su mga kafeer andu napandalbut kanu ayatan nami na antuba tigwan sa naraka sa dala den kalyu nilan,nan gin den a kawag a kadsunudan.
(11) Dala tyuba abpun kanu mga tyuba,nya tabya na kahanda nu Allah, su taw a nangimbanal sa Allah na natutulu su atay nin,andu su Allah a langun na anggaga-isa na katawan nin.
(12) Paginuguti nu su Allah andu su sinugu nin,amayka manda kanu(dili kanu tumalima) na kappa-padsampay bus a mapayag su mga sinugu.
(13) Allah,dala kadnan nya tabya na sekanin (Allah) andu su Allah ipadsaligan nu mga bamaginugut.
(14) Hee sekanu anan atagin a bamaginugut aden kanu mga kaluma nu andu su mga wata nu i satru nu,na ingati nu,na amayka pasagadan nu,tigkali nu, ampunan nu na saben-sabenal su Allah na bangampun a malimu.
(15) Saben-sabenal su mga tamuk nu andu su mga wata nu na fitna,lusa Allah i balas a masla.
(16) Ikagilak nu su Allah sa magaga nu,andu pakikinag kanu andu paginugut kanu,andu imbaranggya kanu,ka antuba i makagkapya sa ginawa nu,su taw a tabpadan nin su kasingit na antuba i naka-untung.
(17) Upama pautangan nu su Allah sa mapya na takaapan ni salaknu andu ampunan kanu nin,su Allah na masukur a matigkal.
(18) Katawan nin (Allah) su gayb andu su mapayag,sekanin (Allah) i mapulu a mataw mapandadayta.