(1) Amayka magubal den su langit.
(2) Andu yanin panuliman su kadnan nin a wajib salakanin i kapaginugut sa kadnan nin.
(3) Andu amayka datal den su lupa.
(4) Andu pagamon nin su namamatay kanu dalam nin ka abpukas.
(5) Ka nya nin panuliman su kadnan nin.
(6) Hee seka a manusya pan-dulugatan ka kanu kadnan nengka, na maparuli nengka bun su malat/mapya a galabak nengka.
(7) Su taw a kawanan (a lima nin) i inikwa nin kanu sinulatan kanu galabak nin.
(8) Pagitungan bun sa kapagitung a malmu.
(9) Makambalingan kanu kaluma nin sa magalaw.
(10) Andu su taw manem a tampal sa taligkudan su sinulatan sa galabak nin.
(11) Dili abpalis na makapananawag sa saki den a taw i nabinasa.
(12) Mapagyaw sekanin kanu padsindaw a apuy.
(13) Sabap sa benal a kag-kalilini bu i galabak nin lu kanu kaluma nin.
(14) Nya natagu sa ginawa nin na dili den makambwat kanu ulyan na kapatay nin.
(15) Kana, ka su Allah na gaylay nin (I langun a galabakan) sa dala pakapagana salakanin.
(16) Saki su Allah idsapa ku su maliga a sadepan.
(17) Andu saki su Allah idsapa ku su magabi a sangat a malibutang.
(18) Andu saki su Allah idsapa ku su ulan-ulan a mibpasad i kasla andu ka-kinggat nin.
(19) Dili abpalis na manggula nu bun i malipus su salapis na aden bun pila lapis (madsalin-salin su taw andu su timpu).
(20) Su mga kafeer na ngintu ka dili silan mangimbanal?
(21) Amayka batyan sakanilan su Qur’an na dili silan sumujud.
(22) Kana ka su mga kafeer i mapandalbut.
(23) Su Allah i mataw kanu dalam nu pusung nilan.
(24) Panudtul ka sakanilan su siksa a malipadas a masakit.
(25) Nya tabya na su mga bamaginugut a minggalabak sa mga mapya, ka aden sakanilan i balas a dala kadtamanan nin.