(1) Ha-Mim, su Allah i mataw kanu ma’ana nin.
(2) Nakatulun su kitab (Qur’an) abpun sa Allah a mapulu a mataw sa kapandadayta.
(3) Saben-sabenal kanu mga langit andu su lupa na mga tanda (nu kaisa-isa nu Allah) kanu mga taw a mga bamaginugut.
(4) Andu kinabaluy salakanu (manusya) andu su pambwat a mga paulduled na mga tanda bun kanu mga taw a gatagu sa ginawa nilan.
(5) Andu su kapadsukalyan nu magabi-malamag, andu pinatulun nu Allah abpun sa langit a pakawyag kanu lupa sa ulyan na kinapatay nin andu su sambal a pabpayapat na mga tanda lu kanu mga taw a aden akal nin.
(6) Su langun nu mga tanda nu Allah na pambatyan nami selaka (Muhammad) sa bantang, nan gin pan i kadtalu a salakaw kanu kadtalu nu Allah andu su mga ayatan nin i pangimbanalan nilan.
(7) Su bowgan sa naraka i kadtakanan nu malbut a baradusa.
(8) Gakinag nin su mga ayatan nu Allah sa pambatyan salkanin, mawli na mananalusan bun su kapamamasla nin, sa mana bun dala nin making, panudtul ka salkanin su siksa salkanin a masakit.
(9) Amayka aden natawan nin a paydu a ayat na pinagungat nin bu, silan su mga taw a kanilan su siksa a dili nilan gangaganan.
(10) Taligkudan nilan su naraka, andu dala katagan nin sakanilan su pantyalyan nilan,andu su sinimba nilan a salakaw sa Allah, andu sakanilan su siksa a masla.
(11) Namba na tutulu, su mga kafeer kanu ayatan nu Allah (padsupakan nilan) na kanilan su siksa a kayaya a masakit.
(12) Su Allah na pinandaya nin salakanu su lagat, ka andu makapalalaguy su bagadan nu sa kahanda nu Allah, ka andu nu mapangilay su limu nu Allah andu kanu makadsukur.
(13) Andu pinandaya nin salkanu su dalam nu langit andu su lupa sa langun nin, langun antu ban a mga tanda nu Allah kanu mga taw, ka andu silan makapamikir.
(14) Adtalu ka (Muhammad) kanu mga bamaginugut i ampunan nilan su mga tawa dala kanilan su mga gay (gay a siksa) nu Allah andu kabalasan su mga taw sa lalaw nu galbak nilan.
(15) 15 . Su taw anggalbak sa mapya na lakanin bun su mawag manem na maytu bun ba, mawli na lu kanu bun makambalingan sa Allah.
(16) Andu saben-sabenal a inanggan nami su tupu nu Israel sa kitab andu kapangukum, andu su kanabi, andu rinidzkyan nami silan kanu mga mapya, andu su timpu nilan na inilabi nami silan kanu salakaw sakanilan sya sa dunya.
(17) Andu ininggay nami su mga mapayag a kasugwan, na dala silan ambida-bida nya tabya na nakawma sakanilan su kataw, sabap sa dangki nilan, su Allah bu i kumukum sakanilan sa gay a mawli kanu langun nu dili nilan bamagayunan.
(18) Mawli na binaluy nami (seka Muhammad) kanu lalan nu agama, na namba i unuti ka, dika munuti su kyug nu mga taw a dili mataw.
(19) Silan a mga tawna dala guna nilan salaka apya paydu,andu su mga dupang manem na silan-silan s agay a mawli,su Allah manem i padtaldu kanu magilak sa Allah.
(20) Namba (su Qur’an) i palitan nu mga taw, andu tutulu, andu limu kanu mga taw a natagu sa ginawa nin su gay a mawli.
(21) Gaantap nu mga kafeer a mga maladsik i galbakan nin i baluyan nami silan sa mana su mga nangimbanal andu minggalbak sa mga mapya sa magidsan silan sa kawyag andu kapatay, mawag a banal intu a hukuman.
(22) Andu binaluy nu Allah su mga langit andu su lupa sa bantang, ka andu kabalasan i uman-isa kanu galbak nin, andu silan na dili silan madtalimbul.
(23) Naylay nengka su taw a yanin pig-kadnan su kyug na ginawa nin, andu tinutupan su tangila nina andu su pusung nin andu su kaylay nin sa isa a tutup, na antayn i makatutulu salkanin a salakaw sa Allah,na ngintu dikanu maindaw
(24) Andu nya nilan kadtalu na dala inan (gay a mawli) nya tabya na mawyag tanu sa dunya, matay tanu andu mawyag tanu,andu dala makapatay salakitanu nya tabya na (makawma) su timpu, na dala sabut nilan sa tindag nilan nya tabya na kapangantap.
(25) Andu amayka batyan sakanilan su mga ayatan nami a mapayag na dala dalinan nilan nya tabya nadtalu nilan i pambwat nu su mga lukas nami amayka banal kanu.
(26) Adtalu ka (Muhammad) kanilan su Allah i baguyag salkanu, mawli na imatayan kanu nin, mawli na limudan kanu nin sa dala kabpalis nin sa gay a mawli, ugayd na madakal kanu taw i dili nilan katawan.
(27) Lakanin Allah i kamilik sa mga langit andu su lupa, andu su gay a mawma su gay a mawli na malugi den su mga batil i galbak nin.
(28) Andu maylay nengka su ummat a mayan sa balitakanan,uman-isa na tawagan sa kitab nin, saguna napambalasan kanu den kanu balas nu mga galabak nu.
(29) Nan su kitab nami, adtalun salakanu sa banal,ka padtaldun nami su langun nu panggalabakan nu.
(30) Su mga bamaginugut andu minggalabak sa mga mapya na paludapan silan nu kadnan nilan kanu limu nin, antu den bas u badtugan a mapayag.
(31) Andu su mga kafeer manem na idsan silan dikana ba pambatyan salkanu su ayatan kun a mimamasla kanu, na sekanu banan i mga taw a mga darwaka.
(32) Andu amayka pidtalu sakanilan su pasad nu Allah na banal a matuman andu su gay a mawli na dala kabpalis nin, na nya nu kadtalu na dili nami katawan i gay a mawli,bangantap kami bus a dikana bun gatagu sa ginawa nami.
(33) Andu napayag salakanilan su kawag nu galbak nilan, andu nakatumpalak den sakanilan su kabagungat nilan.
(34) Andu idtalu i saguna na itagak kanu sya sa naraka, ka mana bun su kinatagak nu sa nya ba a gay nu, andu nya nu kadtakanan su naraka a dala makadtabang salakanu.
(35) Kagina sekanu na nya nu pinakaydan kanu mga ayatan nu Allah na bagungatan bu,na simpang kanu na kapaguyag sa dunya na saguna a gay na dili silan makalyu sa naraka andu dala makapangani sa kagkapya nilan.
(36) Pugin su Allah tigwan sa mga langit andu su lupa,andu tigwan pan kanu dunya.
(37) Lakanin su kasla kanu pitu lapis a langit andu lupa, andu sekanin i mapulu a mataw sa kapandadayta.