(1) Su gay a mawli.
(2) Ngin i pidtalu a gay a mawli?
(3) Na dili nengka gatawan (Muhammad) u ngin a pidtalu a gay a mawli.
(4) Pinandalbut ni thamud andu si Aa’d su gay a mawli.
(5) Nya inibinasa kanu thamud na kilat i mapasang i swara nin.
(6) Andu nya manem inibinasa kanuAa’d na sambal a sangati kabagal nin.
(7) Na dayun su sambal sa nakapitu i magabi na nakawalu i malmag sa midtundug-tundug,nya nengka kaylay kanu mga taw na nakadampas sa nakailing sa kayu na kulma a nangalundus.
(8) Dala maylay nengka (Muhammad) sakanilan a nasama a bibyag.
(9) Andu nakatundug manem su fir’awn andu su nawna pan salakanin andu su taw nu dalpa (dalapa nu lut) a galabak a madakal a supak.
(10) Sinangka nilan su sinugu nu kadnan sakanilan,na bininasa nu Allah silan sa muna pan i kapasang nin kanu nawna.
(11) Saben-sabenal su kinadagan na pinapagada nami (kanu awing nu nuh) a panggampung.
(12) (namba a nanggula) na binaluy nami a indawan salakanu andu dili kalimpangan nu tangila a dili makalimpang.
(13) Na amayka yupan den su sanggakala a makaisa.
(14) Andu makapulu su lupa andu su palaw na malupat tanan sa makakadsalangan pan.
(15) Antu den ba su kabangkit sa dunya.
(16) Andu malupat den su langit,antuba i kagkalubay nin.
(17) Andu su mga malaa-ikat na sya sa ambala-bala andu su pabpusan kanu arsh kanu pulu nilan na walu.
(18) Antu ba a gay na pagitungan den su mga galabakan nu sa dala makapagana salakanu.
(19) Antayn i tampal sa kawanan nin i kakwa nin kanu kitab nin na nya nin madtalu na sya kanu ka batyan tanu su kitab ku.
(20) Ka dili abpalis na mawma ku su kapagitung salaki a malmu.
(21) Sekanin na dalam uyag-uyag a kasuwatan nin.
(22) Lu sa dalam na surge a mapulu.
(23) Su mga unga na kayu na masikan kanu pagkwa lun.(mawma kumwa).
(24) (na nya adtalun sakanilan) na kan kanu andu inum kanu sa pya nu i ginawa nu sabap kanu nangawna a galabak ku(lu sa dunya a mapya).
(25) Su taw manem a tampang sa biwang i nasugwan nu kitab nin na nya nin madtalu na,nya b aka dala den inggay salaki i kitab ku.
(26) Ka andu dala koden katawi i kapagitung sa galabak nu.
(27) (nya nin mapanganay) na antuba ka napasad aku den sa kinapatay ku sa dya ku den makambwat.
(28) Dala natagan nin salaki su tamuk ku.
(29) Na-awa den salaki su bagal ku.
(30) (Adtalun nu Allah kanu malaa-ikat) i kwa nu anan ka bulikas nu.
(31) Mawli na iludap nu sa naraka.
(32) Mawli na lu manem kanu lantay-lantay a pitu-pulu ka siku i sagkal (bagikatan).
(33) Saben-sabenal ka antu a mga taw na dili bangimbanal kanu Allah a masla.
(34) Andu dili masugu su ginawa nin sa kapakan kanu miskinan.
(35) Naa dala den salakanin saguna i pagali a makam-brapantag salakanin.
(36) Andu dala pan makanin a salakaw kanu danan nu sa taw sa naraka.
(37) Dala makakan sa nan nya tabya su baradusa.
(38) Inidsapa nu Allah su binaluy nin agkaylay.
(39) Andu su binaluy a masulan.
(40) Su Qur’an kadtalu nu sinugu a mapulu a malimu.
(41) Andu dikana kadtalu nu pababayuk,na paydu i mangimbanal.
(42) Andu dikana kadtalu na taw a adtaw-taw,na paydu i kaindaw nin.
(43) Nakatulun abpun kanu kadnan nu dunya.
(44) Umana bu ka midtatabu su (Muhammad) sa adtabu nin salakami.
(45) Na binasan nami den sekanin sa bagal.
(46) Mawli na tabpadan nami salaknin sy ugat a papatayan.
(47) Na dala salakanu apya sakataw i makapangalaw lun.
(48) Andu saben-sabenal (su Qur’an) na indawan kanu magilak.
(49) Andu saben-sabenal a katawan nami i kapad salakanu na pandalbut.
(50) Andu saben-sabenal a ma-antang-antang su mga kafeer.
(51) Andu saben-sabenal su Qur’an na banal gayd.
(52) Tasbih kanu ngala nu kadnan nengka a masla.