(1) Ibamagidsaya nilan.
(2) Su tudtulan a sangat i kasla nin.
(3) Na pimbida-bida nilan.
(4) Dili abpalis na katawan nilan bun.
(5) Mawli na katawan nilan bun.
(6) Binaluy nami su lupa sa nakadtakana.
(7) Andu su palaw a nakatigal kanu lupa.
(8) Andu binaluy nami sekanu sa anggagadwa (babay-mama,malambag-mababa).
(9) Andu binaluy nami i katulug nu a bangintalanan nu.
(10) Andu binaluy nami i magabi a makasapang.
(11) Endo binaloy nami so malamag sa ibaguyag atawaka ibangilay sa kawyagan.
(12) Andu pinambalay nami salakanu sa inipulu nami su pitu lapis a langit sa mabagal a atul sa mapya.
(13) Andu binaluy nami su senang a pakalayaw salakanu.
(14) Andu initulun nami abpun kanu dadtam i ulan a padtndug-tundug.
(15) Ka pabpagatun nami su mga lagas andu su bamangatu.
(16) Andu su mga pamulan a pad-subing.
(17) Benal su gay a kag-kukum na aden timpu nin.
(18) Su gay a kayup kanu sanggakala na maka-tingguma kanu sa madtumpuk.
(19) Mangalasu den su langit sa aden bungawan nin.
(20) Andu mamakabayug den su mga palaw.
(21) Benal su naraka (jahannam) na mapagadil.
(22) Na kadtakanan nu mga taw a naka-sagad i galabak nin kanu kumpasan.
(23) Lu ba silan gantangan sa dala tadtab nin.
(24) Dala mananam nilan a matanggaw a makapya sa ginawa nilan andu dala mainum nilan.
(25) Nya tabya na apuy a sangat a mayaw andu su ating nu taw sa naraka a dana sangat i kadu nin.
(26) Antuba balas a nakadayt sakanilan.
(27) Silan a mga taw sa dala nilan itagu sa ginawa su gay a mawli.
(28) Andu pinandalbut nilan su ayatan nami sa tidtu a kinapandalbut.
(29) Andu langun nu anggaga-isa na nakasulat.
(30) Nanami nu saguna,ka dala idsingguman salakanu a lyu sa siksa.
(31) Benal aden kanu mga taw a magilak sa Allah i kagkalabanan a kalilinyan nin.
(32) Mga pamulan andu mga unga na kayu na inab.
(33) Andu mga bidadari (babay sa surga) a mga nguda.
(34) Andu mga basu a baginuman a padtutundug.
(35) Dala making nilan a kadtalu a mawag andu kandalbut.
(36) Balas abpun kanu kadnan nengka a pagalan nin a mapya a nsasangan kanu galabak nilan.
(37) Kadnan nu mga langit andu su dalam nin, andu su pagalatan nin a sangat a malimu,dala makatika adtalu. (nya tabya su taw a sugutan nin).
(38) Antu ba a gay a katindag nu mga nyawa andu su mga malaa-ikat a midsap silan,dili silan makadtalu nya tabya na sugutan nu Allah,nya nin bu madtalu na benal.
(39) Antu ba a gay a bantang,na antayn i pagkyug mumbal sa mapya na tumuntul kanu lalan a mapya.
(40) Benal a inipakagilak nami selakanu su siksa sa masupag su gay a mawli a maylay nu taw su galabak nu lima nin,nya madtalu nu kafeer na mandagimbu ka mabaluy aku bu a libubuk.