(1) Batya ka sun gala nu kadnan nengka a namaluy salaka.
(2) Binaluy nin su manusya abpun sa lugu a paydu.
(3) Batya ka, andu su kadnan nengka a dala pagidsan nin a malimu.
(4) Sekanin i napag-kataw sa mapya a khat sabap kanu pencil.
(5) Pinakatawan nin kanu manusya su dili nin katawan.
(6) Benal su manusya na makasagad i galabak nin.
(7) Amayka magadam nin kanu ginawa nin i pagkawasa sekanin.
(8) Na lubun kanu kadnan nengka i kadsunudan.
(9) Natawan nengka (Muhammad) su taw a padsapalan nin ?
(10) Su ulipan amayka midsambayang.
(11) Adtalu ka (Muhammad) su padsapalan na pakatuntul kanu tutulu.
(12) Atawka padsugu sa gilak sa Allah.
(13) Adtalu ka (Muhammad) su padsapal i papandalbut andu minanda sa inugut.
(14) Ngintu dala nin katawi su Allah i pakaylay salakanin.
(15) Benal amayka dili manda na guyudan nami su biyas nin sa naraka.
(16) Biyas a malbut a baradusa.
(17) Tawagan nin den i mga kadakal nin.
(18) Ka tawagan nami su mga malaa-ikat a pambantay sa naraka.
(19) Dili ka paginuguti (Muhammad) sujud kabun andu sikan ka bun kanu kadnan nengka.