(1) Ya Sin. Su Allah i mataw kanu ma’ana nin.
(2) Saki (Allah) idsapa ku su Qur’an a natul sa mapya.
(3) Saben-sabenal a seka (Muhammad) na kuyug ka kanu mga sinugu.
(4) Nanget a padtuntul sa lalan a matidtu.
(5) Initulun abpun kanu mapulu a malimu (Allah).
(6) Andu nengka kapakagilkan su mga taw kanu inipakagilak kanu mga kalukasan nilan, ka silan na dala labut nilan (sa iman sa allah).
(7) Saben-sabenal na nya madakal sakanilan i nawajib su siksa, kagina dili silan bangimbanal (sa Allah andu nabi).
(8) Saben-sabenal a binaluy nami kanu mga tangu nilan i lantay-lantay taman kanu bakalngan nilan sa dili silan makatulug.
(9) Andu binaluy nami kanu kasangulan nilan i palen(makatagub) andu taligkudan nilan i palen na dinapang nami silan, sa dili den silan makaylay.
(10) Andu magidsan bun i pakagilkan nengka silan atawka dili, na dili bun silan mangimbanal.
(11) Na nya bu pam-barapantag kanu indawan na su minunut (sa Qur’an) andu nagilkan sa Allah sa gayb,na pakalilini ka silan kanu ampun andu balas a mapulu.
(12) Saben-sabenal na uyagan nami su namamatay andu isulat nami su mga galbak nilan a nawna andu su pinambwat nilan a mga hukuman pagidsan mapya-mawag, langun na tinuganul nami lu sa kitab a mapayag.
(13) Andu pambwat ka sakanilan i upaman kanu taw nu dalpa a nakawma sakanilan i sinugu nu Allah.
(14) Kutika kinasugu nami sa dwa kataw lu sakanilan na pinandalbut nilan, na binagal nami sa ikatalu, pidtalu nilan i sinugu kami san salakanu.
(15) 15 . Nya nilan pidtalu na, sekanu na manusya kanu bun a magidsan tanu bun, andu dala den initutulu nu Allah a apya ngin a dikana papan-dalbutan.
(16) Pidtalu nilan su kadnan nami i mataw, na saben-sabenal a sakami na sinugu kami salaknu.
(17) Andu nya bu man wajib salakami na kapapadsampay.
(18) Pidtalu nilan i, adtampwan nami sekanu, amayka kanu manda na rajaman nami sekanu, andu aden mananam nu salkami a siksa a masakit.(kadtalu nu mga darwaka, kanu mga sinugu).
(19) Pidtalu nu mga sinugu su kapanandit nu na sanbun salkanu sa kabpangindaw salkanu, ka sekanu a mga taw na nakasagad i kadarwakan nin.
(20) Andu nakawma ibpun sa mawatan kanu dalpa i mama bamagayas, nya nin pidtalu na hee sekanu a mga taw unuti nu su mga sinugu.
(21) Pamaginuguti nu i antayn i dili kanu nin ibpangi-ngidsan (abpanganiyan) : a sukay, sa silan na pamakatuntul
(22) Andu dala salaki i dili ku simban su minaluy salaki,andu lu kanu bun makambalingan salkanin.
(23) Ngentu ka mamaluy kanu pan sa kadnan a salakaw sa Allah, na u nya nin kyug salaki i makagkayd na dili makaparapantag salaki i safa’at nilan sa apya paydu.
(24) Upama ka maytu ban na saki den i natading sa mapayag.
(25) Saben-sabenal i saki na nangimbenal aku kanu padtiyakap sa lakanu na pamakikineg aku nu.
(26) Nya pidtalu salaknin ludep ka sa surge, nya nin nadtalu na nya ba ka su mga ku a katawan nilan bu.
(27) Sabap sa inampun nu kadnan ku, andu binaluy ako nin sa nakuyug aku sa kanu mga taw a ipabpulu.
(28) Andu dala initulun nami kanu mga taw nin sa ulyan a kinapatay nin a malaa-ikat abpun sa langit andu dili nami den itulun.
(29) Ugayd na siksa i makawma sakanilan, isa timan bu a takik i naksugat sakanilan, na dala nasama sakanilan.
(30) Duwan-duwan nin su mga ulipan a dala makawma sakanilan a sinugu a dikana bagungatan nilan bu.
(31) 31 . Ngentu dala nilan meylay i madakal bininasa nami a nawna sakanilan sa dala den silan makambalingan (sa dunya).
(32) Andu langun na nangawna andu su gagawli na kabulig sa hadapan nu Allah.
(33) Andu tanda sakanilan su lupa a minatay (dala bagatu lun) a inuyag nami,andu pinambwat nami I mga lagas, su kapad na pagkanu.
(34) Andu binaluy nami kanu lupa i mga pamulan kayu-kulma andu inab, andu poinambwat nami sya sa lupa i mga buwal.
(35) Ka andu silan makakan sa unga nin, andu su unga nu galbekan nu lima nilan, na ngentu dili silan makadsukur?
(36) Mahsutti su Allah a binaluy nin imbalangan a pab-pagatun u lupa andu su bagatu kanu lawas nilan(babay-mama) andu madakal pan i dili nilan katawan.
(37) Andu tanda pan sakanilan su magabi andu su malmag a padsukalya(u nakawma su magabi) na nalibutangan silan.
(38) Andu su sanang na sya bagukit kanu tampat nin, antu na atulan nu Allah a mapulu a mataw.
(39) Andu su ulan-ulan na binaluy nami a tanda (kapila na sabang) sabap kanu kabpagisag nin na gabpalin-palin (buntal nin) makailing sa tanduk a gapaku sa nagangu atawka mana langgaman.
(40) Dala kanu sanang i samanang kanu magabi na dala bun kanu ulan-ulan andu dala kanu magabi igka-gabi sa malmag, maytu bun bas u malmag, umani isa sa bagukit sa kanu lalan nin.
(41) Andu tanda sakanilan i pinagada nami su muli a taw nilan kanu awing. (awing nu Nuh).
(42) Andu binaluy nami bun sakanilan sya sa kapulwan i bagadan nilan.
(43) Upama pigkahanda nami bu i pagaldan nami silan sa lagat na dala makatabang sakanilan andu dala sakanilan i makalipus silan.
(44) Nya tabya na su limu abpun sa Allah, ka andu kanu malilini pamun taman sa ajal nu.
(45) Andu amayka pidtalu sakanilan i kagilak nu su dusa nu saguna andu su dusa nu a naypus ka malmu-lamu salakanu i ikalimu kanu (amayka maytuba inggulan nu).
(46) Andu dala abpaka-talingguma sakanilan a gugudan a ped kanu mga gugudan nu padtiyakap sakanilan u dikena nangabaluy silan nun a namamedtangkili.
(47) Andu amayka pidtalu sakanilan imbaranggya nu su kaped kanu ini-ridzki nu Allah salakanu, na nya adtalun nu mga kafeer kanu mga bamaginugut na andukan ka papagkanan nami si kya na u pagkyug su kadnan nu na sekanin den mun i mapakan lun, sekanu a taw(ped sugu sa kapakan) na natadin kanu sa mapayag.
(48) Andu kadtalu nilan pan u kanu i kowma na namba a pasad amayka banal lanu?
(49) Dala kapangangapan nilan nya tabya na kayup a paganay ka nu sanggakala a ipad-takaw sakanilan sa pang-gusyawa silan
(50) Na dili nilan magaga i kapanutuma sa apya ngin,andu dili silan makawli sa walay nilan.
(51) Andu su mawli den a kayup kanu sanggakala na langun nilan na makambwat kanu kubur nilan, ka lu silan mamagayas kanu hadapan nu Allah.
(52) Nya nilan madtaluna, antayn napagadam salakitanu? Nya den bas u inibpasad nu Allah a kambwat sa ulyan na kapatay, banal bun su langun na sinugu.
(53) Isa timan bu a swara a nakawma sakanilan na langun nilan na naibpad silan ,nabulig kanu pagkukuman.
(54) Saguna a gay na dili madsalimbut i uman-isa sa apya paydu, andu dala makwana nu a balas nya tabya lalaw nu galbak nu.
(55) Saben-sabenal su mga taw sa surge na magayp silan sa kagalaw na ginawa nilan.
(56) Silan andu su mga kaluma nilan na sya sa masilung a padsandang kanu mga kantil.
(57) Putut kanilan siya ku entu I mga unga na kasapadan endu putut pan kanilan I nganin a ebpamamedsinganin nilan.
(58) Kadtalu a mapya i making nilan abpun kanu kadnan a malimu.
(59) Nakasanggay manem kanu namba a gay i mga darwaka (lu sa naraka).
(60) Inibpasad ku selakanu a tupu nu adam i dili nu padsimba su shaytan, ka saben-sabenal a satru nu kanu nin sa mapayag.
(61) Andu saki nu i samba, ka nan ba i lalan a matidtu (su kasimba sa Allah).
(62) Andu saben-sabenal a natadin na shaytan i kadakalan salakanu, na ngentu ka di kanu maka pagugangan?
(63) Nya su naraka jahannam a inidtalanga salakanu.
(64) Ludep kanu saguna a gay, sabap kanu kapga-kafeer nu.
(65) Saguna a gay na dili nami padtalun su ngali nu, nya ambityala salakami na su mga lima nilan, a pad-saksi manem sy mga ay nilan kanu langun na galbak nilan.(sa dunya).
(66) Andu u manabu ka nagkahanda nami i pisakan nami i mga mata nilan na tumuntul silan sa lalan na panun i kaylay nilan.
(67) Andu upama manabu ka pigkahanda nami i smbyan nami silan sap alas lu kanu kambatadan nilan na dili silan makagaga misag atawka sumunud.
(68) Andu su pagkalandun nami i umur nin na agkulan su bagal-palas nin,na ngintu ka dili kanu makapamikir sa kawngaganan.
(69) Andu dala nami mapandwa sa bayuk (su Muhammad) andu dili nin gayt, nya tabya na indawan su Qur’an a mapayag.
(70) Andu nin mapangindaw su mga taw a bibyag andu madsama ku mga kafeer su siksa.
(71) Dili nilan kaylay i binaluy nami sakanilan kanu bagal nami su mga binatang a silan i pakapamilik lun.
(72) Andu pinandayan sakanilan, aden pagkudan nilan andu su kaped manem na pagkanan nilan.
(73) Andu aden pan kangatagan nin sakanilan,andu paginuman, na ngentu ka dili pakadsukur?
(74) Andu minumbal silan sa mga kadnan a salakaw sa Allah,ka basi makadtabang sa kanilan.
(75) Na dili makagaga tumabang sakanilan (su barahala) ka silan andu su barahala nilan na abpalawa silan sa hadapan nu Allah.
(76) Na dika lumidu i ginawa nengka sa kadtalu nilan ka katawan nami su ibagana nilan andu su ipab-payag nilan.
(77) Ngentu dili katawan nu manusya i binaluy nami sekanin abpun sa manni, na sakanin na mapayag gayd i katagas nin.
(78) Andu mininggay sa upaman sa nalimpangan nin su punan nin, nya nin kadtalu na antayn i makowyag sa tulan na nalupat?
(79) Adtalu ka (Muhammad) baguyagan nu minaluy lun paganay, andu su Allah na langun nu binaluy nin na katawan nin.
(80) Na sekanin (Allah) na binaluyan kanu nin abpun kanu maylaw a kayu sa apuy antu ba i ipadsulu nu.
(81) Su Allah i minaluy sa pitu lapis a mga langit andu lupa sa kagaga nin i mamaluy pamun sa pagidsan nin, su Allah i bamaluy a mataw.
(82) Saben-sabenal su Allah na amayka aden pagkahanda nin na nya nin bu adtalun na pangadan ka na maaden.
(83) Mahasutti su Allah a dalam bagilen su langun nu masulan kanu langun na anggaga-isa, andu lu bun pakadsunud i langun na binaluy nin.