(1) Ha-Mim ,su Allah i mataw kanu ma’ana nin.
(2) Ayn,Sin,Qaf , su Allah i mataw kanu ma’ana nin
(3) Namba ipawahi salaka (Muhammad) andu su nangawna salaka nu Allah a mapulu a mataw.
(4) Lakanin a Allah su mga langit andu su lupa andu sakanin i mapulu a masla.
(5) Paydu bu i dili kapagkalupit nu langit sa gilak sa Allah,. Su mga malaa-ikat na padtasbih sa pugi nilan kanu kadnan nilan andu ibangani nilan sa ampun sa Allah su taw nu lupa, sekanin Allah i bangampun a malimu.
(6) Su mga kafeer na sinumimba sa salakaw sa Allah sekanin bu i mataw lun, dala salaka (Muhammad) i tuganul nengka silan.
(7) Andu namba ikiniwahi nami selaka (Muhammad) sa kanu Qur’an sa basa na arab, ka andu nengka kapakagilakan su taw sa Makkah andu su ambala-bala lun, andu su gay a kabulig a dala kabpalis nin, su kapad a taw na lusa surga, su kaped na lusa pagkalaw-kalaw a apuy.
(8) Upama ka nya bu pigkahanda nu Allah i satiman bu i agama nu mga taw na magaga nin, ugayd na paludapan nin kanu limu nin su pagkyugan nin, su mga dupang na dala timuganul sakanilan, andu dala tumabang sakanilan.
(9) Ugayd na minumbal silan sa salakaw sa Allah a tumuganul sakanilan, su Allah ipadtuganul, ka sekanin a Allah i bangimatay a banguyag, andu sekanin indaw i kyug nin a kagaga nin.
(10) Apya ngin ipambibidayan nu, na lu bu sa Allah kukuman, ka sekanin a Allah i padsaligan ku andu sekanin Allah i bagulyan ku.
(11) Sekanin a Allah i minaluy sa mga langit andu lupa, andu binaluy kanu nin sa dwa kabyas, andu su mga binatang a dwa kabyas, sa pagkadakal kanu, dala pagidsan nu Allah, ka sekanin Allah na pakikinag a pakaylay.
(12) 12 . Lakanin a Allah su gunsi nu mga langit andu su lupa, kalagan nin sa ridzki su pagkyugan nin, pakasimpitan nin su pagkyugan nin, sekanin Allah i mataw sa langun na anggaga-isa.
(13) Inipayag nin salakanu su agama a pidtutuma nin kani Nuh, andu namba ini-wahi nami selaka (Muhammad) sa pidtutuma nami bun kanu Ibrahim andu su musa andu su Aisha, sa patindeg nu su agama na dala kanu ambida-bida, mawgat kanu mga mushrik i baganggatan nu sakanilan a kapaka-isa isa kanu Allah, su Allah i mataw kanu kabpag-isa salakanin andu tutulun nin su pabpagisa sa Allah, su taw a taliman nin su inugut kanu Allah.
(14) 14 . Dala ambida-bida silan, nya tabya na ulyan a kinawma na ilmu sakanilan, sabap intu sa dangki, upama dikana bu nawna i kitab abpunkanu kadnan nengka sa lu bas u akhirat, na sakanin su mga kafeer, na nabinasa den sya sa dunya, su mga yahudi andu su kristian a nakawaris sa kitaba nawna sakanilan, na pandwa-dwa silan.
(15) Su kappa-kaisa-isa i panganggat nengka, andu adtidtu ka sa suguwan salaka, dika munuti i kyug na ginawa nengka,nya ka adtalu na nangimbanal aku sa initulun salaki a kitab, andu sinugu aku sa ambantangan aku kanu pamagalatan, su Allah i kadnan ku a kadnan nu, lakami den i lakami, na lakanu den i lakanu, dala ukag tanu, su Allah i lumimud salakitanu,andu lu salakanin i kadsunudan.
(16) Andu su mga taw a pabpalawa bun sa agama nu Allah sa ulyanan (a kinaludsp nilan sa Islam) andu tindag nilan na batil lu sa Allah, na nagat sakanilan su lipungat, andu kanilan su sika a sangat i kapasang nin.
(17) 17 . Su Allah i napatulun kanu kitab (Qur’an) a haqq andu timbangan, andu dili nengka (Muhammad) na tabya bun ka masupag den a gay a mawli.
(18) Padtagadan nu mga taw a dili bangimbanal (su gay a mawli) su mga bamaginugut na kagilakan a banal silan, andu katawan nilan i bantang, su mga taw manem a pandwa-dwa kanu gay a mawli na silan i natadin sa mawatan.
(19) Su Allah i padtyakap kanu mga ulipan nin, paridzkyan nin su kagkahanda nin, sekanin i mabagal a mapulu.
(20) Su a nya nin kahanda kanu galbak nin na akhirat, na umanan nami sab alas, su taw manem a yanin kahanda na dunya na anggan nami sa paydu, ugayd na dala den umun nin lu sa akhirat.
(21) Aden mga shaytan upama mga kafeer a minumbal sakanilan sa agama, a dala abanal isugut nu Allah upama dikana bu aden gay a kagkukum na nabinasa den silan,andu sun mga kafeer na kanailan i siksa malipadas.
(22) Maylay nengka su mga darwaka a panggilak kanu lalaw nu galbak nin, a dili abpalis na makabatad sakanilan, su mga bamaginugut a minggalabak sa mapya,na silan ipagkalilini kanu mga surga a aden sakanilan indaw a pagkyugan nilan, antu ba i badtugan a masla.
(23) Antu bas u pagkalilinyan nu Allah kanu mga ulipan nin a bamaginugut andu minggalabak sa mapya, adtalu ka (Muhammad) kanilan i dikana aku pagkwa salakanu sa sukay, ugayd na kag-kalimwa nu adsulad, andu su taw anggalabak sa mapya, na umanan pan su kapya nin, banal su Allah na bangampun a barasukur.
(24) Nya nilan kadtalu na initabu kanu Allah (ikadtalu ni Muhammad) a kalbutan, na upama pigkahanda nu Allah tumbukan nin su pusung nengka sa kadsabar andu punasan nu Allah su batil sa yanin papamadayn na bantang, na namba i manggula, andu padtakanan nin a Allah na katawan nin i natagu kanu pusung nilan.
(25) Sekanin a Allah ipadtalima sa tawbat nu mga ulipan, andu pasagadan nin su mga malat andu katawan nin i mga galabakan nu.
(26) Andu taliman nu Allah su mga bamaginugut a mga mapya i galabak nin, andu umanan nin silan kanu limu nin, su mga kafeer manem na kanilan i siksa a sangat i kapasang nin.
(27) Umana bu ka pinandayan nu Allah sa ridzki su mga ulipan nin na sumagad i galbak nin sya sa lupa, ugayd na ipadtulun nin su naukul a kahanda nin a makagkapya sa manusya, ka sekanin na katawan nin sa mapayag masulan su ulipan nin.
(28) Sekanin a Allah ipabpagulan sa ulyan a tinabpakan silan, andu ipabpayapat nin su limu nin, ka sekanin Allah ipadtuganul a pabpugin.
(29) Andu pad kanu mga tanda nu Allah su kinabaluy sa langit andu lupa,andu su pinambwat nin a malanap-lanap, na sekanin Allah amayka nya nin kahanda i mabulig tanan na kagaga nin.
(30) Andu su makasugat salakanu a tyuba na lalaw nu kadarwakan, andu bagampunan nu Allah I madakal a kadusan.
(31) AAndu dala kapagaluyan nu sya sa lupa, andu dala salakaw sa Allah a kasaligan andu makadtabang.
(32) Andu ped kanu mga tanda nin Allah su mga kaapal (barku) sa lagat na mana den palaw.
(33) Upama nya nin kahanda i patalanan nin su sambal na makatana kanu liwawaw nu lagat, langun a namba na tanda sa kanu Allah sya kanu mga taw a barasabar, a barasukur.
(34) Atawka nya nin kahanda i kagaman nin sabap kanu kadusan (magaga nin ) na mangampun a Allah sa madakal.
(35) Andu katawan nin (Allah) i dala kapalaguyan nu sa siksa sabap sa pabpalawa kanu ayatan nu Allah.
(36) Langun na ininggay salakanu na pagkalilinyan bus a dunya, langun nu na lusa Allah i labi kapya nin, andu nya nilan padsaligan su Allah.
(37) Silan a mga taw na padsanggila sa mga kadusan, andu su mga maladsik a palangay, andu amyayka nalipungat silan na ampunan nilan su nalipungatan.
(38) Andu tinalima nilan su kadnan nilan, andu initunay nilan su sambayang, andu kapagumpung i galabak nilan, andu kapad kanu ridzki nilan na ipambaranggya nilan sa kasuwatan silan nu Allah.
(39) Andu silan a mga taw na amayka dinupang silan na sumuli silan sa lalan a kasuli (bantang a kasuli).
(40) Andu su satiman a mawag na satiman bun a mawag, ugayd na amayka ampunan na lusa Allah i balas a masla, su Allah na dili nin balasan sa mapya su kadupangan katalimbul
(41) Andu su nakasuli den sa kinadupang salakanin, na dala den ped a pakaydan kanu dinumupang.
(42) Saben-sabenal a nya den lalan a pakaydan lun na su mga taw a pandupangan su mga taw, andu panggalabak sya sa dalpa sa dala kawagib nin sakanilan su siksa a sangat i kasakit nin.
(43) Andu su taw a midsabar andu inampun nin (dala den suli) antuba i labi i kapya nin.
(44) Andu su tadingan nin i ginawa nin sa Allah na dala tumaganul salkanin a salakaw sa Allah, su mga taw a dupang na upama maylay nilan su siksa nilan, nay a nilan madtalu na ngin i nya den bun lalan a kambalingan sa dunya.
(45) Andu maylay nengka silan kanu kawlug sakanilan, na kagilakan gayd silan, nakalusak silan, adsilap-silapan nilan su apuy, adtalu nu mga bamaginugut i silan a mga taw a nangalugi nilan i ginawa nilan anduk kadakal nilan sa gay a mawli,saben-sabenal na kanu mga dupang i siksa sa dala kadtamanan nin.
(46) Andu dala kasaligan a tumabang sakanilan a salakaw sa Allah, andu su taw a tadingan nu Allah na dala lalan a katutulu salakanin.
(47) Talima nu su kapakaisa-isa sa Allah,sa unan a dili pan makawma su gay a mawli a dala makatulak lun (salakanu)dala salakanu i kalumpingan kanu kawma nin, andu dala makadsabak salakanu.
(48) Amayka manda silan nan a kapadsampay bu i laka, dikana nengka padtaldun silan, nya bu laka na kapadsampay, andu amayka pananaman nami su manusya sa limu abpun salakami na malilini gayd,amayka nasugat a mapasang sabap sa kadarwakan nin bun na agkafeer manem su manusya.
(49) Kanu Allah su kapagkamilik kanu mga langit andu lupa, baluy nin i kahanda nin,anggan nin sa babay atawka mama su kagkahanda nin.
(50) Atawka padtagapadan nin i babay-mama, andu baluy nin manem i bayas,ka sakanin (Allah) i mataw a pakagaga.
(51) Andu dala sa manusya i ambityalan nu Allah, nya tabya na wahi atawka sya sa aden pan dalinding nin,atawka sumugu sa rasul a luba makawkit su wahi sa andaw ikahanda nin, ka sekanin (Allah) i mapulu a mataw.
(52) Andu maytu ba ikiniwahi nami selaka (Muhammad) kani jibril sa kasugwan nami, dili nengka gatawan i kitab andu iman,ugayd na binaluy nami a sigay,ipadtutulu nami kanu magkahanda nami kanu mga ulipan nami,na seka na matutulu nengka su lalan a matidtu.
(53) Lalan nu Allah tigwan sa mga langit andu lupa, na saben-sabenal a lubun sa Allah i kadsunudan nu langun nu pakarajan nin.