(1) Ha, Mim-su Aallah i mataw kanu ma’ana nin.
(2) (Inidsapa ku Allah) su kitab (Qur’an) a mapayag.
(3) Sabrn-sabenal a binaluy nami sa basa arab, ka malamu lamu i katagwan silan na akal.
(4) Andu su Qur’an na lusa lawl-al mahfuz a mapulu a mindadayt.
(5) Yanu kalilinyan na padtaden kanu sa dili kanu pangindon,dikanu sugun,diakanu sapalan, kagina ka pandarwaka kanu.
(6) Madakal i sinugu nami a mga nabi a nangawna salaka (Muhammad).
(7) Andu dala nabi a dikana pagungatan u kawma nin.
(8) Bininasa nami su muna i kabagal nin kanu mga taw na naypus den su upaman u mga taw a darwaka, na maytu bun ba i kabinasa kanu mawli.
(9) Andu amayka idsan nengka silan (Muhammad) u antayn i minaluy sa kanu mga langit andu lupa, nya nilan idtalu na su Allah a mapulu a mataw.
(10) Na binaluy nin salakanu su lupa sa nabalat andu binaluy nin salaknu i mga lalan ka andu malmu salakanu i katutuntul nu.
(11) 11 . Andu sekanin a (Allah) napatulun abpun sa langit su ulan sa nakaukul andu pinapayapat nin kanu dalapa a minatay,maytu bunba i kalyu nu sa qubur.
(12) Andu sekanin (Allah) i minaluy kanu mga ambalangan, andu binaluy nin salakanu su bagadan sa lagat andu su mga binatang a bagadan nu.
(13) Upama ka makadtakana kanu sa kanu bigkugung nin na madtalu nu i mahasutti su Allah a pinandaya nin salakami i nya ba, ka dala kagaga nami lun upama dikana bus u Allah.
(14) Andu sekami na lu kami bun ambalingan sa Allah.
(15) Andu binaluy nu mga mushrik su kaped kanu ulipan nu Allah a wata nin su malaa-ikat,saben-sabenal su manusya na kafeer sa mapayag.
(16) Pidtalu nu nya kanu Allah na mga babay, lakanu i mga mama.
(17) Amayka madtalu sakanilan (a mga mama) i mimbata su kaluma nilan sa (wata) a babay na migkalabadtang i byas nin,napanu na lidu na ginawa.
(18) Dili mapakay sa Allah su bagumbalan nin sa palas na antu ba i lakanin,andu dili makagaga i babay sa kapambwat sa hujjah sa mana su mama.
(19) Andu binaluy nilan su mga malaa-ikat a babay inunta na ulipan nu Allah,ngintu neylay nilan i kinabaluy kanu malaa-ikat, isulat nu su kadtalu nilan, andu idsan silan salata su siksa.
(20) Kadtalu nilan pan upama dikana bu kyug nu Allah a dili tanu masimba i barahala, na dala den mun kataw nilan a salakaw sa kandalbut.
(21) Atawka aden kitab nilan a nawna sa Qur’an a silan i pagkamal lun.
(22) Nya nilan madtalu na nailingan nami kanu mga kalukasan nami, na padtuntulan nami silan.
(23) Andu mamba ka dala sinugu nami a nawna salka sya kanu dalapa a bangindaw a dikana nya pidtalu nu mga dupang i nya na bagunutan nami su mga lukas nami kanu agama nilan, na bagunutan nami silan sa nya ba a kamal.
(24) Pidatlu nu sinugu apya nya pan mapya i nait ku kanu mga agama nu kalukasan nu, nya nilan kadtalu pagkapiran nami i langun a nait nu.
(25) Sinulyan nami silan, na ilayka i manggula nu papandalbut.
(26) Andu pidtalu nu Ibrahim kani ama nin andu su taw nin,saki (Ibrahim) na lapas aku sa kanu padsimban nu.
(27) Nya tabya na su minaluy salaki,ka sekanin i tumutulu salaki.
(28) Andu binaluy nin su kapaka-isa kanu mga muli a taw nin sa mawli salakanin,ka basi kambalinganan (nu kafeer sa makkah su agama nu Ebrahim)
(29) Ugayd na pinandaya ku silan,taman sa nakawma sakanilan su haqq, andu su sinugu a mapayag.
(30) Guna makawma su haqq, nay a nilan kadtalu na namba na sihir,andu sekami na agkapiran nami i namba a sinugu.
(31) Andu pidtalu nilan pan na upama ka sya nakatulun su Qur’an sa dwa kataw a mama (isa sa makkah,isa sa taif) na mapya gayd (dikana san kani Muhammad).
(32) Ngintu ka silan i pambad kanu limu nu kadnan nengka, (tig nu Allah) sakami na inibad nami su kawyag nilan sya sa dunya, andu inupulu nami sa bangkatan sun pad sakanilan, na sandagan nu isa su pad nin, su limu nu kadnan nengka (Muhammad) na nya labi kapya nin kanu pagigimwan nilan.
(33) Andu upama dikana bu matimu su taw s aka-kafeer sa Allah, na baluyan nami kanu migkafeer sa Allah i pila ka atap a walay nin, andu su panikan nin sa luba silan mamanik.
(34) Andu aden kanu mga walay nilan i mga bungawan andu mga kantil a pilak a sandangan nilan.
(35) Andu su mga palas,langun nu antu ban a pagkalilinyan bus a kawyag sa dunya, andu su akhirat na nya pan mapya kanu mga taw a magilak sa Allah.
(36) Andu su taw ambalawagan nin su Qur’an na padtagapadan nami sa shaytan, a namba i pakat nin.
(37) Andu saben-sabenal na su shaytan i tumading salakanin kanu tutulu,andu gaantaw nilan i silan i gatutulu.
(38) Taman sa amayka nakawma sa gay a mawli na yanin madtalu na ,nya ba makatangka aku salaka, sa mana su katawan nu sabangan-sadapan,ngin den a kawag a tagapada.
(39) Andu dala katagan nin su sandit saguna a gay kanu kinasakutu nu, sekanu andu su shaytan na simbul kanu san sa siksa.
(40) Dili nengka matutulu su bisu andu su pisak, andu su taw a mapayag den i kinatading nin.
(41) Andu imatayan nami seka (Muhammad) ka andu nengka maylay i kasuli nami sakanilan.
(42) Atawka ipaylay nami salaka sya sa dunya su inibpasad sakanilan a siksa, na magaga nami.
(43) Kamali ka su iniwahi nami salaka, ka saben-sabenal na seka na nan ka sa lalan a matidtu.
(44) Andu saben-sabenal a pandwan salaka andu su mga taw nengka, na dili abpalis na kaidsan kanu bun.
(45) Andu idsa nengka kanu nawna salaka a sinugu nami, upama ngintu inumbalan nami silan sa salakaw sa Allah (barahala) a simban nilan.
(46) Andu pinait nami su Musa kanu mga ayatan nami lu kanu fir’awn andu su mga kasaligan nin, pidtalu (nu Musa) saben-sabenal a saki na sinugu aku nu kadnan nu dunya.
(47) Guna makawma sakanilan su mga ayatan nami na kana ka, pidtatawanan nilan bu 9Su Musa andu su mga ayatan).
(48) Andu dala inipaylay nami sakanilan a tanda a dikana masla pan kanu pad nin (kanu nowna lun) andu tinyuba nami silan sa siksa ka basi magumbaya silan.
(49) Pidtalu nilan, seka (Musa) na matagal sa sihir pangani ka sa kadnan nengka i pambwatan nin i pasad nin salaka, ka matutulu kami.
(50) Guna nami ibagawa sakanilan su siksa a nakasugat sakanilan, na binaluba nilan manem su pasad nilan (a sumimba salaki).
(51) Andu pinapanawag nu mga fir’awn kanu mga taw nin ngintu dikana ba saki i pandatu sa mash’r? andu nya su mga ig a pilagilay kanu kababan ku, ngintu dili nu gaylay?
(52) Andu gaylay nu saki i mapya (kani Musa) ka malubay sekanin, na dipan gayd makabalas adtalu.
(53) Upama ka mamba ka mibpalagakas sa bulawan,atawka mimakuta sa bulawan,atawka ka namba ka aden makawma na malaa-ikat amayka banal a makadsaksi salakanin.
(54) Pinamagisu nin su taw nin,napinaginugutan nilan, kagina silan a mga taw na faasiq silan tanan.
(55) Guna nilan padtalsaka su ikalipungat nami na sinuupan nami silan, a mga taw na faasiq silan tanan.
(56) Binaluy nami a indawan kanu nangawna, andu upaman kanu gangawli.
(57) Andu guna makambwat su wata nu Mariam (su aisha) a upaman, na su mga taw nengka na padtatawa bu silan.
(58) Andu pidtalu nilan i ngintu nya mapya su mga kadnan tanu atawka sakanin (Aisha) dala pambwatan nilan a dikana kabpalawa salaka, kagina silan I tagukagan.
(59) Dala salakanin (Aisha) nya tabya na su ulipan,inikalimu nami andu binaluy nami sekanin a upaman kanu tupu nu Israel.
(60) Andu upama pigkahanda nami bus a nya nami baluyan a taw na dalpa a nya i malaa-ikat a sambi nu, na simban aku nilan na binasan kanu nilan.
(61) Andu saben-sabenal (si Aisha) i tandu nu kabangkit sa dunya,na daka nu pandwa-dwa andu unuti aku nu, ka anan su lalan a matidtu.
(62) Andu dakanu anggula sa kasapalan kanu shaytan, ka saben-sabenal su shaytan na satru nu sa mapayag.
(63) Guna makawma su Aisha a nakapananggit sa mapayag, nya nin pidtalu na saben-sabenal a nakawma aku salakanu sa nabi aku, andu ipayag ku su ped a pimbibidayan nu, andu ikagilak ku su Allah andu paginugunuti aku nu.
(64) Saben-sabenal su Allah i kadnan ku a kadnan nu bun, na simban nu sakanin, namba i lalan a matitdu.
(65) Na mimbida-bida su lumpukan nu mga taw, su bogan sa naraka i makwa nu mga kafeer a siksa nu gay a mawli a masakit.
(66) Dala pagangatan nilan, nya tabya na gay a mawli, sa makatakaw kanilan sa dili nilan madsagipa.
(67) Su adtatagapada kanu antu ba a gay na mamagukag (midtatagapada sa malat) nya tabya na su magilak sa Allah.
(68) Hee sekanu anan a mga ulipan ku dala gilak nu saguna a gay,andu dala salakanu i malidu i ginawa nu (dili kanu masiksa).
(69) Silan a mga taw a nangimbanal kanu ayatan nami na muslim silan.
(70) Ludap kanu sa surga taman kanu sa surga taman kanu mga kaluma nu sa malilini kanu.
(71) Gabalibat silan a mga tagayan a bulawan andu kandi, andu lusa dalam na surga su kalilinyan nu ginawa andu su (kalilinyan nu) mata, andu sekanu na dikanu den makalyu sa surga.
(72) Andu antu bas u surga a pinawarisan salakanu a mga bamaginugut sabap kanu galabak ku a naswatan nu Allah.
(73) Aden mga unga nu kayu a madakal a mimbalang-balang a pagkan nu.
(74) Saben-sabenal kanu mga dupang na lu silan sa naraka,tatap den silan sa naraka.
(75) Dili kapagkagan silan sa siksa,andu silan na dili den makadtalu.
(76) Andu dikana nami silan dinupang, ugayd na silan i mindupang.
(77) Andu tumawag silan kanu padtaldu sa naraka, sa pangani ka i imatayan kami den u kadnan nengka,tigin san kanu den ba, ka dili kanu den makalyu.
(78) Saben-sabenal a initingguma nami salakanu su haqq, ugayd na nya madakal salakanu na kabnsyan nu su haqq.
(79) Atawka tinegkas nilan (ibagana nilan) i kapakayd nilan (kanu Muhammad) na aden bun papagkaydan sakanilan.
(80) Atawka nya nilan antap na dili nami gakinag su masulan nilan andu su kapagadunga nilan, kana ka su mga sinugu nami na ipadsulat nilan i galbakan nilan.
(81) Adtalu ka (Muhammad) amayka aden wata nu Allah( sa mana kadtalu nilan) na saki i simimba lun.
(82) Mahasutti su kadnan nu mga langit andu su lupa, a kadnan nu arsh sa kanu langun na padtalun nu mga mushrik.
(83) Pasagadi ka silan kanu baatil a kalilinyan nilan, andu kandadalmat bu,taman sa mawma nilan bun i gay nilan a nakabpasad sakanilan (ka siksa).
(84) Andu sekanin i kadnan lusa langit andu sya sa lupa, andu sekanin i mataw sa masulen andu mapayag.
(85) Andu mahasutti su Allah tigwan kanu mga langit andu lupa andu su pagalatan nu langit-lupa andu sekanin i mataw sa kawma na gay a mawli, andu lubun salakanin i kadsunudan.
(86) Andu dala kamilikan nu pad-simban nilan a salakaw sa Allah makashafa’at,nya tabya na su midsaksi sa bantang,andu katawan nilan bun.
(87) Andu idsan nengka silan upama antayn i minaluy sakanilan, na nya nilan bun adtalun na su Allah, na ngintu ka pandalbut pan silan.
(88) Andu inimbuku nin sa Allah i saben-sabenal na nya a mga taw na dili mangimbanal,
(89) Tigkali ka silan, andu nya ka adtalu na kalilintad(ka mawma nilan bun i gay a mawli) na katawan nilan bun.